Connect with us

Гевгелија

Д-р Патрик Матх избран за Претседател на Советот на Општина Гевгелија

Media Press

Published

на

На почетокот од втората седница на Советот на Општина Гевгелија, со која претседаваше најстариот советник д-р Петар Апостолов, градоначалникот на Општина Гевгелија Андон Сарамандов им честита на новозибраните советници за изборот и посака успешна и плодна соработка. Од моја страна ќе настојувам  и ќе се залагам за целосна транспарентност во работата, очетност и решавање на виталните прашања од интерес за граѓаните. Затоа, сите предлози сугестии од советниците се добредојдени и ќе помогнат нашата заедничка соработка да даде конкретни резултати, нагласи Сарамандов.

Пред почетокот со работа на седницата, советничката Билјана Демерџиева од СДСМ побара увид во свечените изјави што советниците ги потпишаа на првата седница, по верификацијата на мандатот, поради фејсбук објава дека еден советник за разлика од другите 18, потпишал изјава, но не со уставното име на земјата. Од страна на советникот од Левица Саше Јанчев беше потврдено дека свечената изјава ја потпишал со Република Македонија, но, претставникот на општинската администрација, согласно Статутот на Општина Гевгелија, информираше дека мандатот на сите советници е верифициран со усвојувањето на извештајот на Комисијата за верификација, така што секој советник има право да учествува на седница и во расправата и да гласа, а потпишаната изјава е негово лично произнесување.

По првата точка од дневниот ред, членот на Советот на Општина Гевгелија Сашко Стојиловски, во име на советничката група на ВМРО-ДПМНЕ, за кандидат за претседател на Советот на Општината го предложи д-р Патрик Матх. По пат на јавно гласање, 11 членови на Советот го подржаа предлогот и д-р Патрик Матх, лекар специјалист по интерна медицина, беше избран за претседател на Советот на Општина Гевгелија. Новоизбраниот претседател се заблагодари на довербата и изрази надеж дека заеднички и со добра соработка и залагање на сите советници, Советот на Општината ќе придонесе за интересите на граѓаните.

Советот на Општина Гевгелија, на својата втора седница, го усвои Кварталниот извештај за извршување на Буџетот на Општина Гевгелија за 2021 година, за период јануари-септември 2021 година. Во изминатото деветмесечие од вкупно проектираниот Буџет на Општина Гевгелија за 2021 година на 541.601.409 денари реализирани се вкупно 334.110.624 денари вкупни приходи или 61,69%. Од вкупно реализираните приходи 320.259.076 денари биле оперативни приходи, а 13.861.548 денари капитални приходи.

Советот на општината на оваа седница  ги донесе и Измените и дополнувањата на Буџетот на Општина Гевгелија за 2021 година. Имено, со ребалансот се врши зголемување на Буџетот на Општина Гевгелија за 30.728.298 денари (5,6%) или од проектираните 541.601.409 денари буџетот е зголемен на 572.329.707 денари. Со измените и дополнувањата билансот на приходи ја има следнава структура: Даночните приходи во износ од 170.892.455 денари учествуваат со 29,87%, Неданочните приходи во износ од 27.836.497 денари со 4,86%, Капиталните приходи во износ од 36.500.000 денари со 6,37%, а Трансферите и донациите во износ од 337.100.755 денари со 58,90%.

Гевгелија

Кривична пријава против раководители на ЈП „Комуналец“ Гевгелија

Media Press

Published

на

  Одделението за внатрешни работи Гевгелија до Основно јавно обвинителство Гевгелија поднесе кривична пријава против У.В. (61), П.Б. (48) и М.П. (53) сите од Гевгелија, поради постоење на сомнение дека во периодот од 2014 до 2017 година, како вработени во Јавното претпријатие за комунални дејности „Комуналец“ Гевгелија сториле кривично дело „злоупотреба на службената положба и овластување“, предвидено и казниво според член 353 став 3 в.в. со став 1, а во врска со член 22 од Кривичниот законик.


У.В., која во наведениот период била директор на Јавното претпријатие, пропуштајќи да бидат наплатени долгови за извршени услуги од Јавното претпријатие, направени од страна на физички и правни лица од општина Гевгелија, с.Стојаково и с.Селемлија, сторила повреда на повеќе одредби од законски и подзаконски акти и договори.


П.Б., кој во споменатиот период бил раководител на Сектор за комерција и односи со корисници при Јавното претпријатие, не изготвувал месечни извештаи за тоа кои корисници на услуги да бидат предупредени или тужени и не ги предавал на првоосомничената како директор, заради носење на конечна одлука. Во периодот до 16.05.2016 година П.Б. не водел сметка сите побарувања од корисниците да бидат соодветно обезбедени преку судска или друга соодветна постапка пред тие да застарат, поради што било пропуштено да биде наплатен долгот од корисниците на услугите.


М.П. во својство на службено лице, раководител на сектор за општи и правни работи и човечки ресурси, во периодот од 17.05.2016 година до 31.12.2017 година не водела сметка сите побарувања од корисниците да бидат соодветно обезбедени преку судска или друга соодветна постапка пред да застарат, а дополнително, во содејство со П.К., ја злоупотребиле својата службена должност, така што по претходно дадена согласност од првоосомничената, селективно одлучувале кои физички и правни лица да бидат опоменати и тужени, при што пропуштиле да спроведат постапка за присилна наплата на долг од корисници.


Со овие дејства осомничените, злоупотребувајќи ја својата службена положба и овлстување, причиниле вкупна материјална штета во висина од 6.114.969 денари на штета на Јавното претпријатие за комунални дејности „Комуналец“ Гевгелија, како и друга дополнителна материјална штета на претпријатието.

Прочитај повеќе

Гевгелија

Во тек се Конкурсите на Општина Гевгелија за финансирање програми и проекти од областа на спортот и културата за 2022 година

Media Press

Published

на

  Во тек се Конкурсите на Oпштина Гевгелија за финансирање проекти и програми од областа на култура од значење на општина Гевгелија за 2022 година и за финансирање програми, проекти, натпревари и манифестации од областа на спортот од значење на општина Гевгелија за 2022 година.

На Конкурсот за финансирање проекти од културата имаат право да учествуваат: уметници, самостојни уметници, установи од областа на културата, здруженија на граѓани, фондации и други физички и правни лица, регистрирани во државата за дејности од областа на културата, согласно Законот за културата и други позитивни законски прописи. Додека, на Конкурсот за финансирање програми, проекти, натпревари и манифестации од областа на спортот имаат право да учествуваат правни и физички лица од државата.

Под правни лица се подразбираат: спортски здруженија, спортски клубови, здруженија на граѓани, училишни спортски сојузи, трговски друштва, акционерски друштва, трговци поединци регистрирани во државата за вршење дејност спорт, како и правно лице кое покрај регистрацијата за вршење дејност од друга област, е регистрирано и за вршење дејност спорт.
             Конкурсите траат до 18 декември, 2021 година. Пријавите со потребните документи, апликантите треба да ги достават до Општина Гевгелија, преку пошта на адреса: ул. „Димитар Влахов“ бр.4, Гевгелија или во Архивата на Општина Гевгелија, најдоцна до 16:00 часот на последниот ден од завршувањето на Конкурсите, со назнаки: „Конкурс за финансирање програми и проекти од областа на културата за 2022 година“ и „Конкурс за финансирање програми, проекти, натпревари и манифестации од областа на спортот за 2022 година“.
              Апликантите задолжително треба да ги достават пријавите и по електронски пат (Word документ) на следнава е-mail адреса: petarjancev@yahoo.com. Резултатите од Kонкурсите ќе бидат во вид на Програма за финансирање програми и проекти од областа на културата од интерес на Општина Гевгелија за 2022 година и Програма за финансирање програми, проекти, натпревари и манифестации од областа на спортот од интерес на општина Гевгелија за 2022 година, кои ги носи Советот на Општина Гевгелија, а ќе бидат објавени во Службен гласник и на веб-страницата на Општината.

Дополнителни информации за Kонкурсите можат да се добијат на тел.: 034/211-211 и на веб-страната на Општина Гевгелија во делот Соопштенија.

Прочитај повеќе

Гевгелија

Извршен претрес во гевгелиско, приведено лице во чии дом е пронајдена дрога

Media Press

Published

на

Но текот на вчерашниот ден во 15.30 часот во с.Богородица, гевгелиско, полициски службеници од ОВР Гевгелија го лишиле од слобода Д.М.(55) од с.Богородица. При претрес во неговиот дом, извршен со судска наредба, биле пронајдени и одземени марихуана и стебла од растението канабис.
Тој бил приведен во полициска станица и по целосно докумнетирање на случајот против него ќе биде поднесена соодветна пријава.  

Прочитај повеќе