Радовиш
Ликовна изложба на Ангела Јанкулова во рамките на „Месецот на книгата“ во библиотеката во Радовиш
Општинската народна библиотека “Браќа Миладиновци“ со пригодни активности го одбележа Месецот на книгата.
Во рамките на манифестацијата беше отворена изложба на слики од талентираната ученичката Ангела Јанкулова.
Посетителите на изложбата имаа можност да видат 10 слики со разни тематики изработени во традиционалната сликарска техника масло на платно.
„Нашата реалност е пандемијата, кога сите ние имаме доволно слободно време и за книга и за сликање и за уметност, па имавме доволно време со Ангела секоја црта, секоја четкичка, секоја боја да ја анализираме и да направиме нешто, што јас како педагог мислам дека квалитетот на сликите задоволува според нејзината возраст. Таа е штотуку 15 години и се надевам дека градот Радовиш ќе биде сведок на уште вакви изложби“ рече нејзиниот татко Златко Јанкулов кој и помага на Ангела да се развива во уметноста и кој најави за во блиска иднина едно поголем дело кое ќе го видат радовишани.
Ова е четврта изложба по ред на 15-годишната Ангела Јанкулова која вели дека уметноста и е хоби, црта откако знае за себе. Таа вели дека нема да и биде животна професија во иднина, но и дека ќе продолжи да ја негува и да ја развива уметноста како дел од нејзиниот живот.
„Доколку вложиме труд и желба ќе имаме добри резултати. Јас сум горда на себе бидејќи со неполни 15 години веќе имам четири изложби и сите слики се подобри едни од други па мило ми е што напредувам сама со помош на моето семејство“, вели Ангела која започнала со темперни и дрвени боички, а сега веќе црта со масло на платно.
Традиционално во рамките на оваа манифестација Библиотеката распишува награден конкурс за учениците од основните училишта од општина Радовиш. Денес беа доделени наградите за најдобрите творби и благодарници за учество на учесниците и нивните ментори.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
Мицкоски од Охрид: Нашата цел е да ја вратиме Македонија во рацете на народот
Движењето ЗНАМ ја презентира програмата “Проглас за достоинствена Македонија”на митинг на градскиот плоштад во Куманово
Стартува изборната кампања за парламентарните избори
