Радовиш
„Радовишката ликовна колонија“ збогатена со изложба на слики на тема СООЧУВАЊЕ од уметникот Томе Даневски
Објавено на
Од
Media PressСо изложба на слики на тема СООЧУВАЊЕ од уметникот Томе Даневски, вчера во Радовиш започна деветтата Меѓународна ликовна колонија која ја организира ДЛУР- Рада од Радовиш. Во присуство на повеќе поканети гости и уметници кои се дел од ликовната колонија, присутните ги поздрави претседателот на ДЛУР Рада, Душан Коцев.
Темата и уметничкиот израз на изложбата требаше да го претстави проф. д-р Мимоза Рајл професор по естетика на визуелните форми специјализиран во Париз во областа на уметноста, но во нејзино отсуство нејзината рецензија насловена ARS SACRA за ликовното творештво на Томе Даневски го прочита професорката Гордана Здравкоска.
„Кога се работи за ликовната уметност и сликарството, не важи она правило дека сите патишта водат кон Рим. Некои значајни сликарски платна со страстно – дионизиска поетика каде што ни е претставен идеалот, не водат и во Радовиш. Да се наслика сакралното, невидливото, метафизичкото, воопшто не е едноставно. Убавината која светот го спасува како што велеше Достоевски, или пак дека уметноста постои за да не спаси од вистината, како што пишуваше Фридрих Ниче, е светот на сликите на кои што се потпишува нашиот познат ликовен уметник – Томе Даневски. Во сликарството на Даневски евидентен е божествениот принцип и таму човекот е прогласен за вечен“, стои во рецензијата насловена ARS SACRA за ликовното творештво на Томе Даневски на проф. д-р Мимоза Рајл .

Ликовната колонија ја отвори Градоначалникот општина Радовиш Ацо Ристов, посакувајќи им срдечно добредојде и пријатен престој на сите уметници во Радовиш.
„Изложбата во родниот град Радовиш ми буди посебно чувство“, рече уметникот Томе Даневски
Меѓународната ликовна колонија која ќе трае од 10 – 14 јуни, ќе се реализира на манастирскиот комплекс „Св.Георгија“ во Ораовица а на 14-ти Јуни е предвидено нејзино свечено затварање. На неа ќе учествуват 15 уметници од Македонија и странство. Целиот настан беше збогатен со прекрасни композиции отсвирени од ученичката Елена Конзулова.

ARS SACRA на Томе Даневски на проф. д-р Мимоза Рајл
Кога се работи за ликовната уметност и сликарството, не важи она правило дека сите патишта водат кон Рим. Некои значајни сликарски платна со страстно – дионизиска поетика каде што ни е претставен идеалот, не водат и во Радовиш. Да се наслика сакралното, невидливото, метафизичкото, воопшто не е едноставно. Убавината која светот го спасува како што велеше Достоевски, или пак дека уметноста постои за да не спаси од вистината, како што пишуваше Фридрих Ниче, е светот на сликите на кои што се потпишува нашиот познат ликовен уметник – Томе Даневски. За разлика од Клод Лорен во чија сликарска поетика постои еден инферален, лирски впечаток на помирување со смртната човекова природа, кај Даневски сликата е драматична, таа не му се поклонува на смртното, барајќи од нас да се нурнеме во себе, да го најдеме најдлабокиот наш архетип и да бидеме совршени како Таткото наш небесен. Во сликарството на Даневски евидентен е божествениот принцип и таму човекот е прогласен за вечен.
Вечноста е најважната тема која сликарството само по себе ја поставува, а Даневски со својот изразит талент недвосмислено ни ја соопштува. Така Даневски ни ја открива и најважната вистина за човекот, дека уште на земјата треба да се свртиме кон вертикалниот од кон Бога и да се спасиме. Доколку сликата на Даневски ја преведеме во зборови, во проза, тогаш тој ни порачува да погледнеме во светлината на сопствената душа и во таа убавина да останеме. Даневски од нас го бара преображението, а идеалот на совршенството да го прогласиме за единствена вистина и пат, патот на безусловната љубов, на непоколебливата вера во вечниот живот. Но Даневски ни вели дека тој пат е единствено можен преку рајските пространства на нашата анима, кои не водат директно во Дантеовото последно, не движечко, рајско небо, или пред олтарот на самиот Бог. Можеби секој талентиран и познат европски ликовен уметник, кој себе си се видел во сакралното, има потреба да го наслика Исус, како еден свој сопствен најдлабок архетип. Во таа смисла, помеѓу сликата на Христа кај Тицијан која се наоѓа во галеријата Цвингер во Дрезден и насликаниот Исус од страна на Ел Греко во Толеда, тешко наоѓаме допирни точки. Ел Греко ни ја соопштува тајната на најголемата духовна моќ на Исус врз светот, додека кај Тицијан Исус е насликан во големата сила со која тој нам ни ги открива фарисеите и нивните намери. На ист начин, може да се анализира претставувањето на мртвото тело на Исус од страна на Ханс Хојбајн, Исус во својата трансформација на Рафаело, Распнатиот Исус на Веласкез или пак најновото откриено дело каде што Леонардо да Винчи го слика Исус како “Salvator Mundi” односно, Спасител на светот.
Но кај Даневски, Исус е претставен во страдањата на овој свет, додека неговиот поглед е свртен кон небото. Синилото на неговите очи е прелеано во азурното небо, на некој друг посовршен свет од земскиот. Дали навистина како што ни велеше и Чехов, љубовта е неостварлива на земјата, а злото е непобедливо? Сакралното во уметноста на Даневски не е само обична тема. Тоа е нај речовит знак дека сме во допир со најдлабоката тајна што не опкружува во овој свет и како таму да сме надвор од секое човечко, емпириско постоење. Токму во таа уметност ние го препознаваме духовното како најголема сила. Уметноста на Даневски е едно видовито препознавање на нај внатрешното, како најмоќна, трансцедентална сигурност, меѓу земјата и небото. Нема да погрешиме ако на сакралното во уметноста, ставиме знак еднаквост со светото. Ван Гог еднаш рече дека е невозможно да гледаме во сликите на Рембрант без вера во Бога. А денес, за сакралното во сликарството на Даневски велиме дека е невозможно да гледаме во неговите ликовни остварувања, без притоа да не поверуваме во Бога.
Поврзани содржини

Јулија Тарабунова е новата претседателка на УЖ на ОК ВМРО- ДПМНЕ Радовиш

Во сабота започнува ШЕСТОНОЕМВРИСКИ ТУРНИР ВО МАЛ ФУДБАЛ!

„КОПНЕЖ КОН СВЕТЛИНАТА“ самостојна изложба на уметникот Душан Коцев, во Радовиш

Малешевски пат околу Подареш, на потегот од Смиланци кон Радовиш, во напредна фаза на реализација
Територијалната противпожарна единица од Радовиш добива 4-ри нови пожарникари

Рудникот Бучим со СООПШТЕНИЕ ДО ЈАВНОСТА во насока на транспарентна комуникација со населението oд с. Тополница за проектот на браната
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



