35 кандидати за градоначалници во 10 општини во Југоистокот влегуваат во трка за градоначалничко место на претстојните локални зибори, кои ќе се одржат на 17 октомври
Во Општина Радовиш до ОИК има доставено четири кандидатури за градоначалник. Oд ВМРО – ДПМНЕ и коалицијата, од СДСМ и коалицијата, од ЛДП и ДОМ, и еден независен кандидат. Пет партии и коалиции предложија свои Советнички листи и една независна.
Пет пријави за кандитатура на градоначалници и шест пријави за Советнички листи, кои ќе се борат за локална власт на 17 октомври, има во Гевгелија, по потврдувањето на листите од ОИК. И тоа кандидатури има поднесно од СДСМ, од ВМРО-ДПМНЕ, од ЛДП И ДОМ, од ИНТЕГРА и од Независната советничка листа .
Додека, листи со кандидати за членови во Советот на Општина Гевгелија до ОИК доставиле ВМРО-ДПМНЕ, СДСМ, ЛЕВИЦА, ЛДП И ДОМ, како и Независната советничка листа и од Интегра.
Во Струмица има поднесно три кандидатури за градоначалник. Коалицијата на СДСМ, коалицијата на ВМРО ДПМНЕ и Интегра .Во Струмица има и осум Советнички листи.
Во Богданци до ОИК доставени се три кандидатури за градоначалник, од СДСМ, од ВМРО -ДПМНЕ и еден независен. Во Богданци има доставено пет Советнички листи.
Во Дојран исто така има три кандидатури за градоначалник, од СДСМ и од ВМРО -ДПМНЕ, а со свој кандидат се појави и ПОДЕМ. Во Дојран има четири Советнички листи.
Во Општина Конче доставени се три кандидатури за градоначалник од СДСМ, од ВМРО ДПМНЕ од ДПТМ. Таму се доставени дури шест Советнички листи.
ВО Валандово, Василево, Босилово и Ново Село по две
кандидатури за градоначалник од двете најголеми политички партии СДСМ и ВМРО
ДПМНЕ со коалициите.
Во овие општини, Советнички листи имаат пријавено коалициите на СДСМ и ВМРО ДПМНЕ, на ЛДП и ДОМ, Интегра и единствена Македонија, Граѓанската група Стига и Левица во завосност од било која општина.
Од страна на ОИК, листите ќе бидат доставени до Државната изборна комисија за да биде извршено ждребување, по кој ќе се утврди редоследот на политичките партии, добивајќи ист реден број во сите општини. По ждребувањето, листите официјални ќе бидат објавени на веб-страната на ДИК и огласени од страна на Избирачките одбори.