Радовиш
Дали ќе се реконструира градското шеталиште во Радовиш, повод за дискусија на седница на совет
Објавено на
Од
Media PressСоветот на Општина Радовиш вчера ја одржа 57 редовна седница со дневен ред од 26 точки и дополнување со уште три точки на предлог на советниците. Дополнување на дневниот ред побара советникот Блаже Ужевски како што рече на барање на граѓаните, за поништување на одлуката за реконструкција на градското шеталиште.

На ова советникот Трајче Ивановски со процедурална забелешка дека советниците на СДСМ и нивните коалициони партнери на 05.01.2021 година. гласале за реконструкција на централното градското подрачје.

„После 5 месеци се сетивте дека не сте знаеле што гласате. Единствена цел ви е во овие 4 години да се препукувате помеѓу себе на сметка на граѓаните…“ рече советникот Ивановски
На дискусијата се надоврзаа и претседателот на советот Викица Манолева, како и советниците Ристо Спасов и Горан Поцев и Моника Ристевска.

Манолева рече дека и таа лично не знаела што опфаќа реконструкцијата на градското шеталиште и кои улици се опфатени. Советникот Ристо Спасов со прашање до советничката група на ВМРО -ДПМНЕ, дали тие знаеле што опфаќа самата реконструкција.
И советникот Горан Поцев рече дека нема да даде поддршка на оваа предлог одлука бидејќи лично како советник не бил прашан за никаква сугестија ниту мислење околу ова прашање. Советничката Моника Ристовска рече дека нема да им помагаат на советниците од СДСМ да си ги исправат нивните грешки и дека ова не им е прв пат да направат грешка.

Градоначалникот Герасим Конзулов после целата дискусија со свој став, дека градското штелиште ќе биде изградено и дека со тоа нема да се направи лошо, туку добро за граѓаните на Радовиш.

„Јас имав емисија на ТВ Кобра и таму образложив се што ќе се прави со реконструкцијата и нема ништо лошо во тоа“, рече Конзулов
Советниците од ВМРО- ДПМНЕ на крајот од седницата ја напуштија истата, со образложение дека претходно не гласале за оваа предлог одлука, па нема да гласат ниту сега. Советникот Баже Ужевски на тоа ги обвини дека се повлекуваат кога треба да се донесе некоја важна одлука.

„Џабе дискусии, џабе препукувања, тие ги напуштаат секогаш седниците кога проценат дека некој од владеачкото мнозинство не е присутен и не може да се оствари мнозинство за донесување на одлуки на совет“, рече Ужевски.
Тој обвини за задкулисна игра или радовишки кажано „пазар“ помеѓу градоначалникот Конзулов и советниците од ВМРО -ДПМНЕ за недонесување на оваа точка. На крајот сепак со 8 гласа „за“ точката за поништување на предлог одлуката за реконструкција на градското шеталиште беше усвоена од стран на советниците од СДСМ и коалицијата.
Дали ќе се реконструира градското шеталиште сепак останува да се види.
Поврзани содржини

Одржана конститутивната седница на Советот на општина Конче, верифицирани мандатите на новите советници

Советот на Општина Гевгелија ќе ја одржи својата втора свечена седница по повод Денот на ослободувањето на Гевгелија

На одржаната 64 седница на Совет на Општина Радовиш, беа разгледани и усвоени повеќе Предлог Одлуки и Предлог Заклучоци

230 милиони денари изнесува Буџетот на општина Василево за 2025 година, најголем досега

Одржана 54 седница на Советот на Општина Радовиш, се водеше дискусија по повеќе точки

Советот на Општина Радовиш на седница, констатира Оставка од советник и претседател на Совет на општина Радовиш
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!





