Connect with us

Радовиш

Дали ќе се реконструира градското шеталиште во Радовиш, повод за дискусија на седница на совет

Media Press

Published

на

Советот на Општина Радовиш вчера ја одржа 57 редовна седница со дневен ред од 26 точки и дополнување со уште три точки на предлог на советниците.   Дополнување на дневниот ред побара советникот Блаже Ужевски како што рече на барање на граѓаните, за поништување на одлуката за реконструкција на градското шеталиште.  

На ова советникот Трајче Ивановски со процедурална забелешка дека  советниците на СДСМ и нивните коалициони партнери на 05.01.2021 година. гласале за реконструкција на централното градското подрачје.

„После 5 месеци се сетивте дека не сте знаеле што гласате. Единствена цел ви е во овие 4 години да се препукувате помеѓу себе на сметка на граѓаните…“ рече советникот Ивановски

 На дискусијата се надоврзаа и претседателот на советот Викица Манолева, како и  советниците  Ристо Спасов и Горан Поцев и Моника Ристевска.

Манолева рече дека и таа лично не знаела што опфаќа реконструкцијата на градското шеталиште и кои улици се опфатени. Советникот Ристо Спасов со прашање до советничката група на ВМРО -ДПМНЕ, дали тие знаеле што опфаќа самата реконструкција.

И советникот Горан Поцев рече дека нема да даде поддршка на оваа предлог одлука бидејќи лично како советник не бил прашан за никаква сугестија ниту мислење околу ова прашање. Советничката Моника Ристовска рече дека нема да им помагаат на советниците од СДСМ да си ги исправат нивните грешки и дека ова не им е прв пат да направат грешка.

Градоначалникот Герасим  Конзулов после целата дискусија со свој став, дека градското штелиште ќе биде изградено и дека со тоа нема да се направи лошо, туку добро за граѓаните на Радовиш.

„Јас имав емисија на ТВ Кобра и таму образложив се што ќе се прави со реконструкцијата и нема ништо лошо во тоа“, рече Конзулов

Советниците од ВМРО- ДПМНЕ на крајот од седницата ја напуштија истата, со образложение дека претходно не гласале за оваа предлог одлука, па нема да гласат ниту сега. Советникот Баже Ужевски на тоа ги обвини дека се повлекуваат кога треба да се донесе некоја важна одлука.

„Џабе дискусии, џабе препукувања, тие ги напуштаат секогаш седниците кога проценат дека некој од владеачкото мнозинство не е присутен и не може да се оствари мнозинство за донесување на одлуки на совет“, рече Ужевски.

Тој обвини за задкулисна игра или радовишки кажано „пазар“ помеѓу градоначалникот Конзулов и советниците од ВМРО -ДПМНЕ за недонесување на оваа точка. На крајот сепак со 8 гласа „за“ точката за поништување на предлог одлуката за реконструкција на градското шеталиште беше усвоена од стран на советниците од СДСМ и коалицијата.

Дали ќе се реконструира градското шеталиште сепак останува да се види.

Радовиш

Агресивно однесување од страна на Радовишани кон службените лица од Центар за социјални работи и полицијата

Media Press

Published

на

На 12.01.2022 во 10.20 часот полициски службеници од Полициската станица Радовиш го лишиле од слобода М.К.(67) од Радовиш, кој околу 10.00 часот на ул.„Шаин маале“ во Радовиш попречувал службени лица од Центар за социјални работи Радовиш во преземање на службени дејствија и се однесувал агресивно кон нив.
По целосно расчистување на случајот против лицето ќе се изготви соодветен поднесок.

На 12.01.2022 година во 12.40 во Полициската станица Радовиш И.Д. од Радовиш пријавил дека околу 10.10 часот на ул.„Шаин маале“ Г.К. од Радовиш се однесувал агресивно кон полициски службеници кои преземале службени дејствија. Се преземаат мерки за целосно расчистување на случајот, по што ќе следува соодветен поднесок.

Прочитај повеќе

Радовиш

Новогодишниот фестивал Радовиш „Светол Град“ продолжува

Media Press

Published

на

На плоштадот „Свети Спасо Радовишки“ продолжува програмата Радовиш „Светол Град“ во органзизација на ЦК „Ацо Караманов“. Свој настап имаа Распеани Радовишани и неколку Фолклорни ансамбли. ФА Ацо Караманов од Радовиш, ФА Бучим од Радовиш, ФА Подарешани млади од С. Подаеш и ФА Сушевски бисери од с. Сушево.

Новогодишниот фестивал „Светол Град“ во Радовиш е под покровителство на Општина Радовиш.

Прочитај повеќе

Радовиш

Планиран прекин на водоснабдувањето во втората урбана заедница

Media Press

Published

на

Подари замена на линиски вентил, ЈП Плаваја ќе го прекине водоснабдувањето во втората урбана заедница во Радовиш.

Планирано е прекин на водоснабдувањето на 21 Декември од 08:00 до 12:00 часот

Од ЈП Плаваја апелираат до граѓаните да си обезбедат доволни количини вода за пиење и потреби.

Прочитај повеќе