Connect with us

Радовиш

Илија Атанасов од БК „Бучим“ од Радовиш со дебитантски настап на Европското првенство во Софија

Media Press

Published

на

Радовишанецот Илија Атанасов од БК Бучим од Радовиш, во составот на македонската репрезентација со солиден настап на Европското првенство за У-15 во Софија, Бугарија, во категоријата до 85 килограми. Како што информираат од клубот, Атанасов загубил од репрезентативецот на Грузија со 7-11.

„Како негов тренер, сум многу задоволен и гледам  почеток на негова успешна кариера. Ова беше дебитантски настап на европско првенство. Тој во тешка борба загуби на поени. Од друга страна, неговиот противник загуби во полуфиналето и не го повлеше во репасажот. Инаку, требаше да имаме уште еден преставник на ова првенство, но поради повреда неколку денови пред шампионатот, не можеше да настапи на истото“, вели тренерот Горан Атанасов.

Борачите од БК Радовиш се подготвуваа активно за учество на ова Европско Првенство тренирајќи секојденвно заедно со борачите на БК Балканец од Штип. Тренерот Атанасов уште тогаш најави дека очекуваат добри резултати, на претстојните Европски првенства.

Радовиш

Викендот во Радовиш беа одржани 27 -те Музички средби на лица со телесен инвалидитет

Media Press

Published

на

Меѓуопштинското здружение на лица за телесен инвалидитет на Општините Радовиш и Конче,  Мобилност – Радовиш, викендот беше домаќин на 27 -те Музички средби на лица со телесен инвалидитет, кои се одржаа на плоштадот Свети Спасо Радовишки.

Учество земаа членови и од останатите 16 здруженијата со телесен инвалидитет од останатите градови од Македонија, меѓу кои и членови од Мобилност, Радовиш. Со свој настап на музичките средби се претставија и Распеани радовишани.

Инаку Мобилност, Радовиш годинава за прв пат е домаќин на овие Музички средби во организација на Националниот сојуз на лица со телесен инвалидитет на Македонија, а настанот се одржа во рамките на Радовишко културно лито поддржан од Општина Радовиш.

Радовишани имаа можност да проследат еден прекрасен концерт со изведба на музички нумери од лицата со телесен инвалидитет кои уживаа во своите настапи.

Прочитај повеќе

Радовиш

Во посета на Општина Радовиш, делегации од збратимените општини Селчук и Ташкопру од Република Турција

Media Press

Published

на

Градоначалникот на Општина Радовиш Ацо Ристов денеска изврши прием на гостите од збратимените општини Селчук и Ташкопру од Република Турција, кои престојуваат во Радовиш по повод традиционалната манифестација “Јуручки фестивал”, која се одржува викендов во с.Бучим. Од Општина Ташкопру во посета на Радовиш е градоначалникот Исмаил Арслан а од Општина Селчук, заменик градоначалникот Шабан Серкан.

Градоначалникот Ристов им посака срдечно добредојде на гостите од збратимените општини потенцирајки дека секогаш ја поддржуват манифестацијата „Јуручки фестивал“ со што се негува соживотот со турското население во општината, почитувајќи ја нивната традиција. Но тој особено посака соработката да се прошири и на економски план, за општините да имаат можности заеднички да аплицираат и имплементираат меѓународни проекти кои уште повеќе ќе ги доближат двата братски народи.

Истото го посакаа и гостите од Турција изразувајќи задоволство што се во посета на Радовиш и на Македонија.

На приемот, во знак на благодарност за долгогодишното пријателство беа разменети сувенири и подароци од општините, а исто така беа упатени искрени желби за продолжување и проширување на соработката на повеќе полиња.

Општина Радовиш е збратимена со општина Селчук од 1994 год. а со општина Ташкопру соработката започнала од 2015 год.

Прочитај повеќе

Радовиш

Стапува на сила забраната за движење во шуми, од Општина Радовиш апелираат за почитување на забраната бидејќи се предвидени високи казни

Media Press

Published

на

Од денеска стапува на сила забраната за движење во шумите и шумското земјиште во периодот од 6:00 до 20:00 часот. Од Општина Радовиш апелираат до граѓаните да ја почитуваат забраната бидејќи се предвидени високи казни, а истовремено со оваа забрана се заштитуват шумите од појава на пожари.

Инаку Министерството за земјоделство, шумарство и водостопанство по барање на ЈП „Национални шуми“ – Скопје, ја воведува забраната со оглед на зголемената опасност од појава на шумски пожари на отворен простор.

– Делумната забрана за движење во шума ќе стапи на сила од 24.06.2022 година и ќе трае се до проценката дека е намален ризикот од појава на шумски пожари, односно до нејзиното отповикување, се наведува во соопштението на „Национални шуми“.

Од таму посочуваат дела оваа делумна забрана за движење во шумите и шумското земјиште не важи за Министерството за внатрешни работи, Шумската полиција, Центарот за управување со кризи, Дирекцијата за заштита и спасување, Државниот инспекторат за шумарство и ловство, ЈП „Национални шуми“, субјектите што вршат шумскостопански активности, сеча, дотур и транспорт на дрво и дрвни сортименти, стручните служби на концесионерите на дивечот во ловиштата и лица коишто имаат писмено одобрени за движење во шумите.

– Движењето ќе биде дозволено единствено со писмено одобрение издадено од подружниците на ЈП „Национални шуми“ за подрачјето со кое стопанисуваат/управуваат, се наведува во соопштението, при што се додава дека за спроведување на забраната одговорни се вработените од ЈП „Национални шуми“ кои вршат дејност заштита, Шумската полиција и МВР.

За непочитување на оваа забрана на физичките лица кои ќе бидат затекнати дека се движат во шума и шумско земјиште, ќе им биде изречена парична казна од 1500 до 2000 евра во денарска противвредност.

Прочитај повеќе