Започна асфалтирањето на крак на улица Плачковица во Радовиш, кој беше проблем за граѓаните 30 години
Започна асфалтирањето на крак од улица Плачковица во Радовиш, улица која претставуваше проблем за граѓаните околу 30-тина години.
Уште кога започна изградбата пред околу два месеци граѓаните беа во неверување но и благодарни што конечно ќе биде изградена нивната улица согласно сите стандарди, за нормално функционирање и пристигнување до своите домови. Нема повеќе да се движат по кал при пообилни врнежи на дожд.
Општина Радовиш со средства од сопствениот буџет во
износ од 5,2 милиони денари ја изгради оваа улица, се со цел рамномерен
инфраструктуран развој и подобрување на условите за живот на граѓаните.
Општината претходно ги
реши и проблемите
околу имотно правните односи со жителите кои што живеат на оваа улица. Оние кои
одзеле од државното земјиште мораа да го
ослободат, а на оние на кои им беше одземено
од приватниот имот ќе им биде платено. Денеска машините на
фирмата изведувач активно работеа на асфалтирањето на улицата.
Конечно се надминува проблемот кој го имале граѓаните со години. Тие беа воздржани и без коментир но и задоволни што после 30 години ќе имат пристојни услови за живеење како што доликува на едно урбано место. И можеби ова е вообичаена инфраструктурна работа која им е обрска на надлежните, но досега 30 години никој не ја завршил, а последиците ги трпеа граѓаните.