Македонските учесници во @creative.fellowship програмата во стипендиската програма на Солвеј, имаа неверојатна прилика да се запознаат со овогодишниот македонски претставник на Евровизија, Васил Гарванлиев.
Минатата недела,
во текот на виртуелното дружење, учесниците во @creative.fellowship програмата разговараа со нашиот
евровизиски претставник за можностите и предизвиците што ги нуди уметничката
кариера. Васил, како што и пее во
неговата “Here I Stand”, застана пред децата, ги прегрна и им ги одврза крилjата,
споделувајќи го своето неверојатно искуство. Им даде инспирација и охрабрување
на младите таленти да веруваат со себе, секогаш да бидат искрени и да продолжат
да го негуваат и развиваат својот талент.
“Уживавме во разговорот и толку многу
работи чувме и научивме од него. Да веруваме со себе, да
работиме на себе и да го слушаме својот внатрешен глас. Ми даде мотивација за
да си ги остварувам моите соништа,” сподели еден од учесниците на
@creative.fellowship.
“Ми беше чест што можев да разговарам со
младата генерација на таленти. Да го споделам со нив мојот живот, моето
искуство и да им дадам совети од моето музичко патување, кое што трае веќе 28
години. Особено ми е драго што ги слушнав нивните приказни и идни планови, кои
што ми потврдија дека омразата ќе ја надвладееме со љубов, позитивна енергија и
музика,” изјави Васил.
Од разговорот, учесниците дознаа дека
треба дека треба да се работи напорно и да не гледаат на препреките на патот
како неуспеси, туку како мотив да го покажат она што го умеат. Васил ја заврши Q&A сесијата со
многу моќна порака: “Секој сон може да
се оствари, ако се осмелиме искрено да веруваме во она што го посакуваме!”.