Општина Конче ќе реализира  проект за реконструкција на ПОУ Гоце Делчев-Конче во с.Горни Липовиќ  со средства од Министерството за образование и наука.   По објавената ранг листа на Министерството за финансирање на проекти за реновирање на училишни објекти на општински основни и средни училишта, училиштетото во Горни Липовиќ  се наоѓа на 5 то место со 52 бода од одобрени 19 проекти.

„По најавата за изградба на нова училиша зграда во с.Конче, реконструкцијата со сопствени средства на училиштето во с.Дедино, ќе се реконструира и  училиштето во с.Горни Липовиќ, кое е во многу лоша состојба“, вели градоначалникот  Благој Илиев.

Тој додава дека со цел подобрување на условите за образование и дсотигнување на современите стандарди за децата, набавени се и 2 нови минибуси за превоз на учениците а завршена е и изградбата на спортката сала во дворот на училиштето во Конче .

„Една од најважите обврски кои беа во нашата програма беше подобрување на условите за образование на нашите деца“ додава градоначалникот Илиев.

Во соработка со Министерството за транспорт и врски и Светска Банка веќе е објавен  тендерот за „Реконструкција на дел од локален пат за с. Габревци – Општина Конче“.

„Станува збор за изградба на плочест пропуст преку Дединска река и рехабилитација на патот од двете страни на пропустот со што ќе го решиме долгогодишниот проблем на ова место“, вели градоначалникот Благој Илиев.

 Средствата за овој проект се обезбедени од „проект за поврзување на локални патишта“ на Владата на Република Македонија, Мин.транспорт и врски и Светска Банка, а проектната вредност на поектот е околу 2.2 милиони денари.

Амбасадорот на Република Турција во Скопје,  Хасан Мехмет Секизкок ја посети општина Конче и притоа со својата делегација оствари средба со градоначалникот Благој Илиев. На средбата беше разговарано за досегашната успешна соработка но и за идни проекти кои би се реалзирале со заедничка соработка.

„Општина Конче е една од најубавите примери за мултиетнички соживот во нашата држава, како општина во која значителен број од нашите граѓани се од Турска националност ми беше чест да бидам домаќин на посетата во нашата општина на Амбасадорот на Р.Турција во Скопје г-дин Хасан Мехмет Секизкок, координаторот на ТИКА г-дин Омер Халим Сојут, претсетадетлот на МАТУСИТЕБ г-дин Хусрев Емин и претседателот на здружението ЕНСАР г-дин Сулејман Баќи. На средбата разговаравме за долгогодишната меѓусебна соработка, за идните заеднички проекти, инвестиции на турските фирми во областа на земјоделието и туризмот и образованието“, вели градоначалникот Благој Илиев.

Амбасадорот Секизкок заедно со градоначалникот беше во посета на училиштето, детската градинка, новоизградената спортска сала, а ги посети и манастирот и џамијата во Конче.

„Амбасадорот ги поздрави направените инвестиции во делот на образованието и социјалната заштита на малите деца, за проектот за изградба на нова канализациона линја со средства обезбедени од ТАВ преку минстрество за транспорт и врски што со сите овие инвестиции обезбедуваме по квалитетен живот за нашите граѓани“ вели градоначалникот Илиев, кој во името на сите граѓани од општината му се заблагодари на Амбасадорот на Р.Турција во Скопје Секизкоз и делегацијата за посетата.