Радовиш
Вакцинирани првите граѓани над 77 години во ЈЗУ Здравствен Дом Радовиш, со вакцина AstraZeneca
Од денеска започна вакцинацијата во ЈЗУ Здравствен Дом Радовиш за граѓаните над 77 години, со вакцини против Covid-19 од AstraZeneca.
Вакцинацијата се спроведува во службата за имунизација при Здравствен дом-Радовиш, за пациенти над 77 години, со претходно закажување преку апликацијата “Мој Термин” од страна на матичните лекари. Според директорката д-р Лимонка Илиевска, дневно ќе се вакцинират по околу 30 граѓани кои согласно терминот уредно се пријавени од матичните лекари, а неподвижните пациенти кои се пријавиле за вакцина ќе се вакцинираат во своите домови.
Граѓаните кои што се вакцинираа денеска велат дека по примањето на вакцината чекат неколку минути во ординација и засега се чувствуват добро.
Матичниот лекар не секој граѓанин кога му закажува тремин за вакцинација, должен е да му каже во колку часот треба да се вакцинира и на кое место во здравствената установа се спроведува вакцинација против Ковид-19.
Граѓаните кои имаат термин и ќе ја примат вакцината потребно е со себе да понесат здравствена книшка и лична карта, за да бидат внесени во системот кој води грижа и за нивната ревакцинација.
Мобилните екипи на Црвениот крст од Радовиш исто така се ставени на располагање и помагаат во упатувањето на граѓаните до местото за вакцинација, со цел да не се губи непотребно време барајќи го пунгтот. Исто така има и јасно означени патокази во кој дел од здравствениот дом се спроведува вакцинацијата. Според времето потребно за вакцинација дневно ќе се вакцинираат по околу 30 пациенти од Општините Радовиш и Конче.
Општина Радовиш започна со целосна реконструкција на најпрометните улици во градот, а не крпење на дупки. Денеска се асфалтираше улица Кеј 8-ми септември покрај течението на радовишка река.
Ќе се реконструираат улици во должина од околу 6 километри истакна градоначалникот Ацо Ристов одговарајќи на новинарски прашања и притоа рече дека ова не е предизборна активност и дека станува збор за редовни градежни активности кои ќе продолжат и во наредниот период. Исто така тој рече дека продолжуваат градежните активности и на градскиот пазар.
Со дневен ред од 15 точки денеска беше одржана 47-та седница на Советот на општина Радовиш.
Како една точка од дневниот ред беше и предлог – одлука за одорување на идеен проект за реконструкција со пренамена на Стоковна куќа во мултифункционален и културен центар со музејска поставка на град Радовиш „Рада“ кој го презентираше Градоначалникот Ацо Ристов.
Градоначалникот рече дека објектот пред се ќе биде од јавен карактер и наменет за сите граѓани.
Од страна на Претседателот на Советот на општина Радовиш исто така беа споделени изјавите на двајцата советници Валентина Лазарева и Енис Омер, кои ги имаат поднесено до Советот, како би делувале во иднина како советници. Валентина Лазарева како советник од Демократски сојуз се приклонува кон советничката група на ВМРО – ДПМНЕ а Енис Омер во иднина ќе делува од име на ТДП.
Целосна реконструкција на најпрометните улици во Радовиш
Градоначалникот Ристов го презентира проектот за Градска куќа „Рада“ пред советниците
Апасиев од Велес: На овие избори одиме на двоцифрен број пратеници
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
