Connect with us

Радовиш

Ќе остане ли Спортската сала во Радовиш без електрична енергија, што се дискутираше на одржаната 55 седница на Совет

Media Press

Published

на

Советот на Општина Радовиш ја одржа 55 седница на која според предвидениот дневен ред беа разгледани и усвоени завршните сметки на образовните и јавни институции во општината за 2020 година. Односно усвоени беа завршните сметки на основите училишта во Општина Радовиш и на средното училиште „Коста Сусинов“, како и завршните сметки  на детската градинка „Ацо Караманов“, на центарот за култура „Ацо Караманов“, Општинската библиотека „Браќа Миладиновци“ и на ЈП Плаваја, Радовиш.

 На почетокот беа поставени и неколку советнички прашања  но основното прашање беше зошто градоначалникот на Општина Радовиш  и раководителот на одделението за урбанизам, не се присутни за да одговорат на истите.

Советникот Енис Омер кој пристигна на седницата со задоцнување, се извини од името на градоначалникот Конзулов за кој рече дека биле на средба со сериозен инвеститор, кој бил заинтересиран да инвестира во Општина Радовиш, па од оправдани причини неможел да присуствува на седницата.

Советникот Бојан Митевски повторно со прашање, што е направено околу концесијата од Рудникот Бучим.

Во врска со ова прашање со кое е засегната целата општина, побаравме одговор од градоначалникот Конзулов.

„Благовремено до Министерството за економија има поднесено иницијатива  од страна на градоначалникот, за промена  на Законот за минерални суровини и го очекуваме одговорот, бидејќи случајот со рудникот Боров Дол е за прв пат во Македонија, рудното тело да опфаќа три општини. И затоа е потребно да се произнесе Министерството за економија преку свој експерти за таа намена“, вели градоначалникот Конзулов во својот одговор.

 Во продолжение на седницата меѓу другото беше ставен на разгледување финасискиот извештај на Спортската сала за 2020 година, за кој подетално образложение даде директорката Марија Станковиќ и околу кој се разви дискусија.

Директорката Станковиќ побара одржување на вонредна седница на Советот со цел да се изгласа Предлог- одлуката за одобрување финасиски средства на  Спортската сала,  која не беше прифатена како дополнителна точка во дневниот ред на предлог на градоначалникот Конзулов за оваа седница,  бидејќи спортската сала како што рече, од денеска ќе биде исклучена од електричлн енергија.

Радовиш

Вечерва во општините Радовиш и Конче ќе се изврши последното прскање против комарци за ова лето

Media Press

Published

на

Центарот за развој на Југоисточниот плански регион во соработка со десетте општини од регионот, согласно Одлуката на Советот за развој на Југоисточниот плански регион, организира трето адултно прскање по земјен пат против комарци.

На 03 август односно вечерва  во период од 20 до 04 часот во општините Радовиш и Конче ќе биде извршено прскањето  против комарци по земјен пат. Се известуваат сопствениците на пчелни семејства да преземаaт соодветни мерки за заштита, односно да ги затворат истите во најавениот временски период. 

          Согласно договорот и препорачаните интервали за навремено прскање против комарци oд страна на Центрите за јавно здравје за поголема ефикасност во заштитата на граѓаните од комарци, во општините во регионот ова е последниот третман по земјен пат, односно теристичка, аеросолна дезинсекција против возрасни комарци со УЛВ метода.

Прочитај повеќе

Радовиш

Кривична пријава за четворица државјани на Велика Британија, за „компјутерска измама“ на фирма од Радовиш

Media Press

Published

на

Одделението за внатрешни работи Радовиш до Основното јавно обвинителство Струмица, поднесе една кривична пријава  за четворица државјани на Велика Британија, кои во периодот од август до декември 2020 година извршиле кривично дело „компјутерска измама“ по член 251-б став 3 од Кривичниот закон.
Осомничените во повеќе наврати извршиле неовластен упад во електронската комуникација помеѓу правен субјект од Радовиш и правен субјект од Лондон и со менување и прикривање, односно пренасочување на компјутерски податоци доставиле лажни фактури на кои извршиле промена на сметката на која требало субјектот од Радовиш да изврши уплата .
Врз основа на вака изготвени лажни фактури правниот субјект од Радовиш извршил 4 уплати на различни сметки во банки во Велика Британија, за кои преку меѓународна правна помош е утврдено дека се сопственост на четворицата осомничени од Велика Британија.
Со стореното дело осомничените се стекнале со противправна имотна корист во висина од 15.006.000 денари, на штета на правниот субјект од Радовиш

Прочитај повеќе

Радовиш

Општина Радовиш ќе го гради локалниот пат покрај Радовишка река до градскиот водовод, одобрени се 23 милиони денари

Media Press

Published

на

Сепак ќе се гради локалниот пат покрај Радовишка река до градскиот водовод во Радовиш, во должина од три километри. Денеска градоначалникот Герасим Конзулов го потпиша договорот за одобрување на средствата во износ од 23 милиони денари.

„Конечно одговор за сите што ме прашуваа ( и оние кои се сомневаа) дали ќе се гради патот по течението на Радовишка реката до градскиот водовод.
Денес во Скопје го потпишав Договорот со Вицепремиерот за економски прашања, координација на економските ресори и инвестиции, Фатмир Битиќи и генералниот директор на ТАВ Македонија Метин Батак“, вели градоначалникот Герасим Конзулов.

Станува збор за договори од третата група општини за реализација на инфраструктурните проекти од ТАВ програмата.

„Овој проект беше едно од ветувањата до граѓаните и посебно сум задоволен што ќе го изградиме овој патен правец кој има големо локално значење“ додава Конзулов. Работните активности ќе стартуваат од 15 септември, годинава.

Инаку овој локален пат, радовишани најчесто го користат за пешачење покрај реката, но и за посета на манастирот Свет Архангел Гаврил.

Прочитај повеќе