Радовиш
Плаваја: “Да бидеме општина за пример…”
Published
3 години agoна
By
Media PressЈавното претпријатие “Плаваја ” по повод денот на екологијата 22 март, започна со чистење на така наречени “диви” депонии. Скоро и да не постои населено место во чија близина нема барем една таква локација, но ги има и на излезот од радот. Граѓаните фрлаат се и сешто, а притоа не го бираат местото.
За жал како што велат од ЈП Плаваја, локациите и површините на исчистените “диви” депонии, граѓаните повторно, многу брзо ги натрупуваат со разни видови на отпад. Свеста не преовладува и покрај неколкуте апели за воздржување од вакви навики и депонирање на отпадот на градската депонија.
Според ЈП Плаваја чистата животна средина е единствениот дар што можеме да им го оставиме на идните генерации и затоа ваквите “диви” депонии треба во иднина да не постојат, бидејќи оставаат лоша, грда слика за општината и се одраз на нашата “култура” и нашето “почитување” на животната средина.
„Длабоко се надеваме дека овие наши акции кои ќе продолжат и во следниот период ќе придонесат за подигање на свеста на нашите сограѓани и ќе створат навика кај нив секој отпад да го депонираат на соодветни места на кои со редовното наше работење ќе бидеме во состојба да го подигнеме. Исто така секој вид на отпад граѓаните може да го депонираат и на градската депонија која е отворена 24 часа“ велат од ЈП Плаваја.
Од таму апелираат до сите граѓани кои ќе забележат депонирање на отпад на несоодветни места веднаш да известат во ЈП”Плаваја” или општинската комунална инспекција.
Инаку ЈП Плаваја и Општина Радовиш секоја година спроведуваат вакви пролетни акции за чистење на дивите депонии, но за кратко време сликата повторно се враќаат во првобитна состојба, загадување насекаде околу нас и грда слика на излезот од градот кон Штип и Струмица и кон планината Плачковица.
Поврзани содржини
Целосно исчистена дивата депонија во с. Василево
Општина Василево ја дислоцира дивата депонија во с. Василево
Градоначалникот на Општина Конче со апел до граѓаните
Инспекциите на терен, медицински отпад фрлен во планинскиот предел помеѓу селата Ињево и Дедино
Од понеделник 19 Септември, започнува да функционира зонското паркирање во Радовиш, со наплата
ЈП Плаваја, Радовиш: ИЗВЕСТУВАЊЕ ВО ВРСКА СО ЗОНСКОТО ПАРКИРАЊЕ
Радовиш
Целосна реконструкција на најпрометните улици во Радовиш
Published
7 минути agoна
април 20, 2024By
Media PressОпштина Радовиш започна со целосна реконструкција на најпрометните улици во градот, а не крпење на дупки. Денеска се асфалтираше улица Кеј 8-ми септември покрај течението на радовишка река.
Ќе се реконструираат улици во должина од околу 6 километри истакна градоначалникот Ацо Ристов одговарајќи на новинарски прашања и притоа рече дека ова не е предизборна активност и дека станува збор за редовни градежни активности кои ќе продолжат и во наредниот период. Исто така тој рече дека продолжуваат градежните активности и на градскиот пазар.
Радовиш
Градоначалникот Ристов го презентира проектот за Градска куќа „Рада“ пред советниците
Published
15 минути agoна
април 20, 2024By
Media PressСо дневен ред од 15 точки денеска беше одржана 47-та седница на Советот на општина Радовиш.
Како една точка од дневниот ред беше и предлог – одлука за одорување на идеен проект за реконструкција со пренамена на Стоковна куќа во мултифункционален и културен центар со музејска поставка на град Радовиш „Рада“ кој го презентираше Градоначалникот Ацо Ристов.
Градоначалникот рече дека објектот пред се ќе биде од јавен карактер и наменет за сите граѓани.
Од страна на Претседателот на Советот на општина Радовиш исто така беа споделени изјавите на двајцата советници Валентина Лазарева и Енис Омер, кои ги имаат поднесено до Советот, како би делувале во иднина како советници. Валентина Лазарева како советник од Демократски сојуз се приклонува кон советничката група на ВМРО – ДПМНЕ а Енис Омер во иднина ќе делува од име на ТДП.
Радовиш
Винарија Кукутанов е нова радовишка винска приказна
Published
3 дена agoна
април 17, 2024By
Media PressДолгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.
Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.