Connect with us

Гевгелија

Општина Гевгелија ќе ги распише јавните повици за обнова на патната мреже

Media Press

Published

on

Општина Гевгелија, деновиве, ќе ги распише јавните повици за изградба на нови улици, реконструкција на постојните улици, бетонирање и тековно одржување на локалната патна мрежа.

 Ова беше договорено на првиот годинешен состанок на градоначалникот на Општина Гевгелија, Сашо Поцков со раководителите и претставниците на Секторот за урбанизам и другите општински служби околу претстојните активности. Станува збор за четири тендери со кои всушност се најавува и новата сезона за обнова и проширување на уличната и локалната патна мрежа во општина Гевгелија.

            „Во рамките на јавниот повик за изградба на нови улици, покрај другото, договорено е со новиот тендер да биде опфатено тампонирањето и поставувањето на долен строј на двете нови улици во станбената населба „Караорман“. Што се однесува, пак, до реконструкцијата и бетонирањето, со новите тендери ќе бидат опфатени повеќе улици и краци во Гевгелија и во населените места. Покрај ова, договорено е веднаш да се интервинира, со прокопување на одводен канал, меѓу бензинската пумпа „Шимов“ и каналот „Рауљ“ за решавање на проблемот со водата што се собира на овој дел од крстосницата на влезот во Гевгелија, по секој пообилен дожд“ информираат од општината.

            Во понатомошната фаза беше договорено на состанокот да се подготват тендери за реализација на проектот Градски урбан сквер, со кој се предвидува хортикултурно и партерно уредување на просторот кај стариот Градски пазар.

Исто така, како што информираат од општината  наскоро треба да започнат работите за изградба и пробивање на неколку улици во градот.  

Гевгелија

ОВР Гевгелија поднесе кривична пријава против лице во чие возило е пронајдена марихуана

Media Press

Published

on

Од ОВР Гевгелија известуваат дека е поднесена кривична пријава против А.А.(35) од Скопје, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.

Во соопштението од ОВР Гевгелија пишува дека при вршење на работни задачи на полициските службеници во близина на градското шеталиште во Стар Дојран е извршено преглед на патничко возило „бмв“ со сопственост на лицето А.А. е пронајдена и одземена марихуана, мешавина од марихуана и тутун и дробилка со остатоци од марихуана.

На 22.08.2020 во 21,00 часот, при вршење на работни задачи од страна на полициски службеници при Одделение за внатрешни работи Гевгелија, во близина на градското шеталиште во Стар Дојран при извршен преглед во паркирано патничко возило „бмв “ сопственост на А.А. била пронајдена и

Continue Reading

Гевгелија

Зголемена комуникација на Општина Гевгелија со граѓаните, преку Систем 48 и Општинскиот центар за услуги

Media Press

Published

on

 Во последните три месеци од минатата година, преку Систем 48 и Општинскиот центар за услуги со граѓаните при Општина Гевгелија биле поднесени вкупно 247 барања од страна на граѓаните, од кои 206 веќе се решени, а другите се во постапка на решавање. Ова беше соопштено на денешната јавна презентација на Систем 48, на која присуствуваа градоначалникот на Општина Гевгелија и раководителите на општинските одделенија и сектори при ЈПКД „Комуналец“.

          Преку Систем 48 во периодот од 1 октомври до 31 декември, 2020 година, биле пријавени 91 барање од страна на граѓаните, од кои 61 биле решени. Станува збор главно за барања за дефекти во мрежата на уличното осветлување, за инспекциски надзор или за комунално уредување. Во Општинскиот центар за услуги, во Општина Гевгелија, последното тримесечие од минатата година биле поднесени 156 барања од граѓани за постапување на надлежните општински служби, од кои 145 се решени. Од нив за точна адреса биле поднесени и решени најмногу барања – 69. Додека за новородено дете биле поднесени и решени 54 брања, односно за секое новороденче Општина Гевгелија исплатила по 6.000 денари, додека за третородено дете по 12.000 денари.

           Инаку, преку Систем 48 доминираат барањата за отстранување на дефекти во уличното осветлување. Меѓутоа бројот на интервенции во јавното осветлување е значително поголем – во последните три месеци лани биле извршени 237 интервенции, од кои во Гевгелија 107, а во населените места 130. Во периодот од 1 октомври до 31 јануари, 2020 година, во Одделението за располагање со државно градежно земјиште биле водени 10 постапки за оттуѓување на градежно земјиште по пат на јавно наддавање, за кои биле поднесени 9 пријави за учество на јавното наддавање, 7 се отуѓени, 2 се неотуѓени, а 1 е во постапка.

           Градоначалникот на општина Гевгелија, Сашо Поцков, се заложи за поголема афирмација и ефикасност на сите алатки за комуникација со граѓаните. Пред се, Системот 48 кој треба да им овозможи на граѓаните преку електронски пат да ги пријават своите проблеми и барања до локалната самоуправа. Притоа, беше нагласена потребата од поголема ефикасност на општинските служби, односно доставување на одговорот до граѓаните во рок од 48 часа.

Continue Reading

Гевгелија

Епидемиолошката состојба во општина Гевгелија поволна, продолжуваат да важат мерките за заштита од КОВИД-19

Media Press

Published

on

Општинскиот штаб за заштита и спасување – Гевгелија на вчерашната седница констатира дека епидемиолошката состојба во Општина Гевгелија е поволна. Бројот на новозаболените од КOВИД-19 е во драстично опаѓање, додека значително е зголемен бројот на оздравени пациенти. Според информациите од Општата болница и Центарот за јавно здравје – ПЕ Гевгелија, преполовен е и бројот на пациентите на дневен и хоспитализиран третман.

Доколку до неодамна во Дневниот КОВИД-центар имало и по 50-60 пациенти на дневен третман, а на хоспитализиран третман 18 пациенти, во текот на денешниот ден во Дневниот Ковид-центар на дневен третман имало само 10 пациенти. Додека на хоспитализираниот дел на Интерното одделение во Општата болница кое располага со 22 легла, има само 9 пациенти од Ковид 19, е констатирано на седницата.

Општинскиот штаб очекува ваквата тенденција да продолжи, се разбира, со почитување на заштитните мерки од страна на граѓаните и сите правни субјекти. Особено, во пресрет на претстојните верски и традиционални празници.

Врз основа на информациите на ОВР- Гевгелија и Државниот пазарен инспекторат- ПЕ Гевгелија, Општинскиот штаб констатира дека за време на новогодишните и божиќните празници не се забележани, а и немало пријави за групни прослави и собирања.

Според информациите од Гевгелиското Архиериско намесништво, манифестацијата по повод Водици, со фрлање на крст во реката Вардар, согласно насоките од МПЦ, годинава се одлага поради пандемијата, како и водосветот по домаќинствата.

Празникот ќе биде одбележан со редовните црковни богослужби на Водици, согласно протоколите и заштитните мерки.

И покрај тоа, Општинскиот штаб им препорачува на граѓаните, правните субјекти и верски заедници доследно да ги применуваат мерките со кои се забранува организирање и одржување на прослави на јавни места и површини по повод верските и традиционалните празници.

Истовремено, останува да важи забраната за палењето на малски огнови по повод Василица.

Пред почетокот на второто полугодие од учебната година, во сите основни училишта, каде што се врши настава со физичко присуство на учениците, но и во училиштата, каде што наставата се одвива онлајн и со присуство на наставниците, е побарано да се изврши дезинфекција на просториите, информираат од Општинскиот штаб за заштита и спасување – Гевгелија.

Continue Reading