Connect with us

Гевгелија

Градоначалникот Поцков го посети првото новороденче во Општина Гевгелија годинава

Media Press

Објавено на

Градоначалникот на Општина Гевгелија Сашо Поцков денеска го посети првото новороденче кое се роди во оваа 2021 година. На 8 јануари во Општата болница со проширена дејност во Гевгелија, се роди првото машко дете, кое е првиот жител на општина Гевгелија во 2021 година. Среќните родители Ивана и Томчо Чабулеви од Гевгелија на почетокот од новата година и се радуваат на оваа трета рожба. Новороденчето при раѓањето било тешко 3650 грама и долго 52 сантиметри, а заедно со мајката се чувствуваат добро.

Градоначалникот Сашо Поцков, по традиција, денеска го посети новороденчето и неговата мајка во Општата болница во Гевгелија. Притоа, на среќните родители им упати честитки, како и желби за добро здравје на новороденчето и неговото семејство.

„Се гордееме со нашиот нов жител на општината и се надеваме дека годината ќе ни биде здрава, плодна и успешна. Наша првенствена задача е здравјето на граѓаните и се надеваме дека во 2021 година ќе се справиме со пандемијата од Ковид 19. Но, истовремено треба да размислуваме и за иднината на нашите нови генерации“, истакна Поцков.
Градоначаллникот Поцков на новороденчето му подари 10.000 денари од Општина Гевгелија и пригодни подароци.

„Инаку, годинава ова е трето новороденче во Општата болница во Гевгелија, првите две беа од Дојран и Богданци, што несомнено зборува дека во регионот годината почна радосно. Исто така, посебно значајно е што сите породувања се извршени во Општата болница во Гевгелија, која располага со доволно гинеколози и искуства. Притоа, се применуваат сите неопходни заштитни мерки и протоколи за панедмијата од Ковид 19“, додава Поцков.

Гевгелија

Лишен од слобода за непоседување возачка дозвола

Media Press

Published

на

Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски  регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.

Прочитај повеќе

Гевгелија

МВР: Банкарски службеник од Гевгелија во 13 наврати присвоил пари од сметки на двајца корисници

Media Press

Published

на

Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава

ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.

Прочитај повеќе

Гевгелија

На железничка пруга во Гевгелија било пронајдено повредено лице мигрант

Media Press

Published

на

На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз. 

Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Прочитај повеќе