Connect with us

Радовиш

Новогодишни пакетчиња донација за Црвен крст во Радовиш, од Проф. д-р Ванчо Чифлиганец и Адора Инженеринг

Avatar

Published

на

Компанијата Адора Инженеринг и семејството на  проф. Д-р Ванчо Чифлиганец и годинава не ги заборавија дечињата од Општина Радовиш, во пресрет на новогодишните празници. Донација од околу 150 новогодишни пакетчиња денеска беше доставена до  Општинската организација на Црвен крст во Радовиш,  од каде ќе бидат распределни до дечињата на ранливите категории граѓани.  Професор д-р Чифлиганец денеска лично им подари пакетчиња на корисните во Дневниот центар за лица со попреченост „Порака“, од каде му изразија благодарност за ваквото внимание.

Секогаш ми е драго кога доаѓам во Радовиш, ова е местото каде го поминав моето детство и младоста и каде имам многу пријатели, моите сограѓани од Радовиш и од Раклиш. Секогаш кога сум во можност помагам. Така и денеска на моја иницијатива го посетивме Црвен крст и центарот Порака и дониравме пакетчиња за децата, да ги израдуваме за новогодишните празници“, рече Чифлиганец при денешната посета на Црвен крст во Радовиш.

Секретарот на Црвен крст во Радовиш Верица Беќарова се заблагодари на комапнијата Адора Инженеринг и на проф. Д-р Ванчо Чифлиганец, како и на останатите компании и здруженија кои донираа во пресрет на новогодишните и божиќните празници.

Радовиш

Во завршна фаза е изградбата на помошниот терен со вештачка трева на Градскиот стадион во Радовиш

Avatar

Published

на

Градоначалникот на Општина Радовиш Ацо Ристов денеска изврши увид во градежните работи кои се во завршна фаза за изградба на помошниот терен со вештачка трева на Градскиот стадион во Радовиш каде што веќе се поставува вештачката трева, а претходно беше поставена и дренажа.

„По завршување на градежните работи на помошниот терен ќе се продолжи со изградба и реконструкција на главниот терен на фудбалскиот стадион во Радовиш. На теренот ќе биде поставена нова дренажа со нов електронски систем за наводнување и нова тревна подлога“, информираат од Општина Радовиш.

Прочитај повеќе

Радовиш

Tрибина за Превенција на насилно однесување во основните училишта, ќе се одржи во Радовиш

Avatar

Published

на

Бидејќи децата се идните креатори на општеството, од круцијално значење е тие да израснат во ментално здрави личности. А поради порастот на насилства во училиштата, потребата за отворено зборување на оваа тема е се почеста и попотребна.

Токму затоа педагозите од основните училишта од општина Радовиш и Конче ќе одржат трибина за Превенција на насилно однесување во основните училишта, се со цел да се потенцираат последиците од насилните однесувања во училиштата, како и начините за справување со истите.

Свое излагање ќе имаат самите педагози и психолози, представници од ОВР Радовиш и Др.Сања Васовиќ-семеен психотерапевт и специјализант на психијатрија, трибината ќе биде од отворен карактер за сите наставници, родители, старатели и ученици.

Трибината ќе се одржи во Музејот на љубовта и уметноста на 28 март во 18ч.

Прочитај повеќе

Радовиш

На подрачјето на Радовиш, санкции за 24 возачи за прекршувања на брзината

Avatar

Published

на

На 24.03.2024 во времето до 14.00 до 20.00 часот на подрачје на Секторот за внатрешни работи Струмица била спроведена засилена контрола за санкционирање на возачи кои управуваат моторни возила со брзина поголема од дозволената. Притоа биле констатирани 78 прекршувања на брзината, од кои по 24 на подрачјата на Струмица и Радовиш, 16 на подрачје на Гевгелија и 14 на подрачје на Валандово. Сите констатирани прекршоци биле соодветно санкционирани.

Прочитај повеќе