Connect with us

Гевгелија

Гевгелија го проширува постојниот КОВИД-центар во кругот на Општата болница

Media Press

Published

on

   Поради моментната состојба на ширење на Корона вирусот на подрачјето на Општина Гевгелија и зголемениот број на граѓани, на кои им е неопходна здравствена помош, во ЈЗУ Општа болница со проширена дејност во Гевгелија се наметна потребата за обезбедување на дополнителен болнички капацитет. Пред се, за пациентите позитивни на КОВИД-19 кои во болнички услови примаат терапија. За таа цел, согласно протоколите и препораките на Министерството за здравство и Комисијата за заразни болести, во тек е проширувањето на постојниот КОВИД-центар во кругот на Општата болница, каде што досега се вршеше прием и тестирање на пациентите со Корона вирусот. Поточно, доградба на постојниот објект, каде што ќе бидат сместени осум болнички кревети за дневна терапија на пациентите со полесни симптоми од КОВИД-19.

 „Општинскиот штаб за заштита и спасување на последната седница беше информиран за иницијативата на ЈЗУ Општата болница- Гевгелија и Подрачната единица на Центарот за јавно здравје во Гевгелија за проширување на постојниот пункт за тестирање на влезот во болницата и уредување на Дневен прифатен центар. Општнскиот штаб ја поддржа иницијативата за доградба на постојниот пункт за тестирање од Корона вирус, а од Општата болница во Гевгелија веќе е доставено барање за обезбедување финансиски средства од страна на Општината. Барањето за одобрување на средства, во висина од околу 377.000 денари, колку што чини доградбата, ќе се најде на дневен ред на претстојната седница на Советот на Општина Гевгелија која е закажана за следната недела. Сметам дека како Општина треба да излеземе во пресрет на барањето и на тој начин да обезбедиме непречено одвивање на здравствената заштита на граѓаните и подобар третман на пациентите заразени од КОВИД-19“, истакна градоначалникот на Општина Гевгелија, Сашо Поцков, при посетата на Општата болница во Гевгелија, каде што забрзано се одвиваат изведбените работи.

             Според директорот на Општата болница, д-р Митко Крџев, во овој Дневен центар би се третирале само полесно заболените лица кои имаат потреба од дневен лекарски третман. “Ваквата потреба е од приоритетно значење, особено, во услови кога во Општата болница не постои Инфективно одделение. Меѓутоа, Општата болница повеќе не е во можност да ги подмирува дополнителните финансиски обврски за сузбивање на Корона вирусот. Бидејќи, на повеќепати, преку итни постапки во изминативе месеци, беа набавувани средства за лична заштитна опрема на вработените во Општата болница што дополнително го оптовари Годишниот буџет на здравствената установа“, вели директорот Крџев, поради што е побарана помош од Општината.

Гевгелија

За подобрување и проширување на локалната патна мрежа за три години вложени 75 милиони денари

Media Press

Published

on

Во изминатите три години, во Општина Гевгелија биле изградени и обновени 30-тина улици со вкупна површина од 53.000 м². За изградба и обнова на локалната патна мрежа од Општинскиот буџет биле издвоени 75 милиони денари или околу 1,2 милиони евра. Поточно, изградени се нови улици со вкупна површина од 12.000 м², извршена е реконструкција, односно обнова на асфалтот на 23.000  м², а бетонирани се 15.500 м² улици и краци.

„Регионалната патната инфраструктура последниве три години е обновена со средства од Јавното претпријатие за државни патишта, кое издвои 180 милиони денари, за  целосна реконструкција на регионалните патни правци Миравци-Давидово и Прдејци-Смоквица, како и на патот Гевгелија-Негорци, во должина од 6,5 километри. Изграден е алтернативниот пат Смоквица-Прдејци, а наскоро треба да започнат и изведбените работи на патот Гевгелија-Богданци-Фурка.

             Во тригодишниот биланс за проширување и подобрување на локалната патна мрежа треба да се спомене и доизградбата на последната делница од патот Негорци-Серменин и патот од Давидово до манастирот „Свети Илија“, со финансиска поддршка од Агенцијата за финансиска поддршка на земјоделството и руралниот развој и сопствено учество. Додека, пак, со грант од Меѓународната организација за мигранти беше изграден патот до Времената депонија кај Ново Конско“, вели градоначалникот на Општина Гевгелија Сашо Поцков.

              Што се однесува пак до последната делница од патот за Ума, според градоначалникот Поцков, Општината аплицирала за вклучување на овој проект во Програмата за регионален развој, со која Југоисточниот плански регион ќе аплицира пред Бирото за регионален развој.

„Проценетата вредност за проектот е околу 8 милиони денари, а со изградбата на оваа последна делница, целиот пат ќе биде завршен. Поради тоа, реализацијата на овој проект е од приоритетно значење“, вели Поцков.

Continue Reading

Гевгелија

Започнаа подготвителните работи за изградба на модуларниот КОВИД-центар во Гевгелија

Media Press

Published

on

Општина Гевгелија почна со подготвителните работи за поставување на модуларниот КOВИД-центар за прием и тријажа на КОВИД-пациенти во Гевгелија. Како што е познато, во Гевгелија треба да биде поставена една од планираните 16 модуларни болници во земјата од страна на Министерството за здравство. Од страна на Општината треба да се обезбедат приклучоци за: вода, канализација и струја, како и уредување на локацијата. Во Гевгелија, согласно од потребите на овие модуларни градби, модуларниот КOВИД-центар ќе биде поставен на паркинг-просторот на улицата „Ѓорге Стамов“, крај самата Општата болница, а веднаш до Брза помош.

 „На почетокот од неделата имав состанок со: изведувачот – валандовска фирма, ангажирана од страна на Министерството за здравство, претставници на ЕВН-КЕЦ Гевгелија, на ЈПКД „Комуналец“, на Општата болница и на Општинскиот сектор за урбанизам и градежно уредување. По договорниот состанок, беше извршен увид на теренот и започнати изведбените работи за обезбедување приклучок за вода за пиење и канализација, од страна на ЈПКД „Комуналец“ и приклучок за електрoнапојување од страна на ЕВН. Од страна на Oпштината ангажирана е градежна фирма за прилагодување на постојната основица на локацијата на потребите на проектот. Очекувам до крајот на неделата изведбените работи околу обезбедувањето на комунална инфраструктура за модуларната болница да бидат завршени“, изјави градоначалникот на Општина Гевгелија, Сашо Поцков.

            Притоа, најави дека на почетокот од идната недела ќе бидат транспортирани елементите за модуларна градба и ќе започне нејзино монтирање. Веднаш потоа, ќе уследи и поставување на опремата веќе набавена од страна на Министерството за здравство. Така што, во најскоро време модуларниот КOВИД-центар во Гевгелија се очекува да профункционира.

Continue Reading

Гевгелија

За само десеттина дена по отпочнување на изведбените работи, профункционира Дневниот КОВИД-19 центар во Гевгелија

Media Press

Published

on

             Од вчера, проширениот Дневен прифатен КОВИД-19 центар во Гевгелија,  ги прими првите пациенти, заболени од КОВИД-19, на кои им беше обезбедена потребната дневна терапија. По тој повод, градоначалникот на Општина Гевгелија, Сашо Поцков, претседателот на Советот на Општина Гевгелија, Тодор Ристов и пратеникот Марија Костадинова го посетија Дневниот центар и заедно со директорот на Општата болница, д-р Митко Крчев и раководителот на Центарот за јавно здравје- ПЕ Гевгелија, д-р епидемиолог Сашо Олумчев, дадоа изјави за јавноста.

   „Денес, сме во посета на Општа болница- Гевгелија и извршивме увид во профункционирањето на КОВИД-19 центарот, за кој се одвоија средства од Општинскиот буџет со донесена одлука од страна на Советот на Општина Гевгелија за надградување на бараката. Горд сум што заедно со членовите на Советот овозможивме на Општата болница да изгради ваков центар, во кој веќе се примаат и третираат  КОВИД-пациентите од Гевгелија“, истакна градоначалникот Поцков.

              – Голема благодарност до вработените во Општа болница со проширена дејност и до тимот на д-р Сашкo Oлумчев кои неуморно работат веќе 9 месеци и се грижат за заштита на здравјето на граѓаните на Гевгелија. Како Совет, донесовме одлука за доделување грант за доградба на Центарот и овозможивме истиот во иднина да служи за понатамошна здравствена услуга на граѓаните, истакна претседателот на Советот на Општина Гевгелија, Тодор Ристов.

              – Би сакал да се заблагодарам на Општината и Градоначалникот, како и на Советот на Општина Гевгелија што денес ни овозможија да го отвориме овој Центар и да ги прошириме капацитетите од 8 до 10 легла за дневен третман на пациенти со недефинирана слика, за кои се чекаат резултати, но имаат симптоми на КОВИД. Имаме и болнички третман со капацитет во Невропсихијатриското одделение за 12 лица, но како што рапидно расте бројот на нови случаи, веќе сме во фаза да го преадаптираме и Интерното одделение во КОВИД-центар како дополнителен капацитет. Денеска, добивме известување дека се најдени изведувачи за изградба на Модуларната КОВИД-19 болница, па за месец-дена очекуваме да стане реалност, со што ќе ни биде олеснета работата во справувањето со пандемијата од КОВИД-19, истакна директорот на Општата болница, д-р Митко Крџев.

             – Доградениот КОВИД- Дневен центар ќе биде 24/7 во служба на граѓаните за нивно згрижување. Со порофункционирањето на овој Центар, се редуцираа гужвите што се формираа пред Болницата. Очекувам за време на сезонските грипови да се зголеми бројот на пациенти, но сметам дека капацитетите се доволни. Во Гевгелија, во моментот има околу 200 активни случаи, но претпоставувам дека таа бројка е многу поголема бидејќи има многу асимптоматски случаи и пациенти со благи симптоми кои се сомневаат дали се позитивни или не, но апелирам да се консултираат со здравствените служби, истакна раководителот на Центарот за јавно здравје- ПЕ Гевгелија, епидемиолог д-р Сашо Олумчев.

Советот на Општина Гевгелија на седницата одржана на 30 октомври, годинава, донесе одлука за доделување на 377.364 денари од Општинскиот буџет за доградба на Дневниот КОВИД- 19 центар.

Continue Reading