Connect with us

Радовиш

Радовиш добива енергетски ефикасно јавно осветлување

Виолета | Media Press

Published

on

Стартуваше проектот за енергетски ефикасно јавно осветлување во Радовиш. Деновиве започна замената на старите улични светилки со нови енергетски ефикасни ЛЕД светилки. Вкупно ќе будат инсталирани околу 4300 еколошки висококвалитетни ЛЕД светилки од англиско производство, на местото на сите стари електрични светилки на територијата на општината.

Станува збор за инвестивија во вредност  од 1.6 милиони евра поддржана од ЕБОР преку ЕСКО модел на јавно-приватно партнерство.

Новиот ЕСКО МОДЕЛ обезбедува подобри услови за граѓаните со примена на мерки за енергетска ефикасност и враќање на инвестицијата исклучиво преку заштеда на енергија. Проектот предвидува; Одржлив модел за општински развој; Модерна ЛЕД технологија; Штедливи светилки; Централно дигитално управување со мрежа; Одржување на опремата од страна на ЕСКО компанијата и опремата останува кај крајниот корисник, односно на општината.

Со реализацијата на овој проект Радовиш ќе добие енергетски ефикасно јавно осветлување, односно подобро осветлување, а поголема заштеда на енергија.

Отплатата на инвестицијата ќе се врши исклучиво преку оставрената заштеда на енергија во следните осум години, при што Општината нема да има дополнителни трошоци и оптоварување на општинскио буџет.

После 8 години  инвестицијата останува во трајна сопственост на општината и благодетите ќе ги уживаат сите граѓани. Проектот го реалзира компанијата Интеренерго со која градоначалникот Герасим Конзулов пред три месеци потпиша договор за реализација.

Генералниот директор на компанијата, Мохор Врховник денеска беше во посета на Општината при што заедно со градоначалникот Герасим Конзулов извршија увид во почетокот на работните активности.

„Во склоп на посетата, разговаравме и за продлабочување на соработката на полето на енергетската ефикасност и можноста да се изгради централен систем за греење кој би ги опфатил училиштата, општинската зграда, СРЦ 25 Мај и други објекти“ изјави градоначалникот Конзулов.

Радовиш

Вградени плакари за потребите на дечињата во ОУ Никола Карев, донација од рудникот Бучим

Виолета | Media Press

Published

on

Вградени плакари за потребите на дечињата во пет училници во ООУ„Никола Карев“ во Радовиш,  се донирани од рудникот за бакар Бучим. На барање на училиштето, дополнително  ќе бидат донирани и компјутери.

Заменик генералниот директор на Бучим Николајчо Николов заедно со Градоначалникот на Општина Радовиш Герасим Конзулов, денеска беа во посета на училиштето и притоа посетија и едно одделение во кое се врши настава со физичко присуство, во услови на пандемија.  Според директорката камените Атанасова мерките и протоколите се почитуваат како што се забалажуваше и на самиот час, дечињата носеа заштитни маски и седеа според препорачаното растојание.

Вкупно во ова училиште заедно со подрачните,  355 ученици посетуваат настава со физичко присуство.

„ОУ Никола Карев е најпосетувано од моја страна  и имаме одлична соработка“ рече заменик генералниот директор на Бучим Николајчо Николов, кој посебно беше изненаден од одоговорноста на учениците присутни на настава.

Донираните шкавчиња веќе ги користат учениците за своите потреби, а за оваа донација рудникот Бучим издвои 150 000 денари.

Continue Reading

Радовиш

Со донација на компјутери и таблети од рудникот Бучим, сите ученици се вклучени во онлајн наставата во ООУ Крсте Петков Мисирков

Виолета | Media Press

Published

on

Рудникот Бучим како општествено одговорна фирма продолжува да донира во училиштата во Општина Радовиш, со цел да се овозможи сите ученици да се вклучат во онлајн наставата, која поради пандемијата со корона вирусот, се реализира во целата држава.

Заменик генералниот директор на Бучим Николајчо Николов, и градоначалникот на Општина Радовиш Герасим Конзулов, денеска беа во посета на училиштата во градот со цел да ја согледат состојбата во образовниот процес.  

Директорката на ООУ Крсте Петков Мисирков рече дека онлајн наставата успешно се реализира благодарение токму на заедничката подршка од општината и од рудникот Бучим.

Рудникот Бучим за потребите на ООУ Крсте П.Мисирков донира   8 компјутери и 30 таблети, во вредност од околу  306 илјади денари. Ова акција за донации во училиштата како што рече Николов, е започната уште од Денот на рударите.

Градоначалникот Герасим Конзулов рече дека Општина Радовиш, не може  сама да одговори за потребите на училиштата без донатори како што е рудникот Бучим. Конзулов во оваа прилика изрази благодарност до раководството на Бучим.

Тој додаде дека просторите од Електротехничкиот факултет кој веќе се под надлежност на општината ќе бидат доделени на  ООУ Крсте Петков Мисирков, како најоптеретено училиште во кое учат околу 1200 ученици. А со ребалнасот на Буџетот ќе бидат издвоени средства за донација на училиштата во опрема. Конзулов рече дека рудникот Бучим е добра пример како да донираат и остантите фирми во општината.

Градоначалникот апелира до граѓаните да ги почитуваат мерките за заштита од Ковид- 19, бидејќи бројките постојано растат а болничките капацитети се веќе преполни.

Continue Reading

Радовиш

Ќе се одржи ли прекинатата седница на радовишкиот совет до петок, откако градоначалникот Конзулов упати јавен повик

Виолета | Media Press

Published

on

Градоначалникот на општина Радовиш, Герасим Конзулов, јавно ги повикува  советниците и претедателот на  општинскиот Совет да ја одржат прекинатата седница најкасно до крајот на неделава и да покажат одговорност.

Со јавна објава на социјалнитер мрежи тој упати апел до советниците да не го кочат работењето на Советот а со тоа и работењето на општината.

„Јавно ги повикувам советниците и претседавачот на општинскиот совет да ја одржат прекинатата седница од 13.10 најкасно до петок (30.10).

Последните 4 месеци, Општината и сите општински институции се блокирани поради неработењето на Советот.Последиците се веќе видливи и се на штета на сите граѓани.

Се надевам на искрена соработка и очекувам до петок да ја продолжиме седницата во името на јавниот интерес. “ – Стои во објавата на Градоначалникот Конзулов

Од советничката група на опозициската ВМРО-ДПМНЕ,  по повод јавниот повик на градоначалникот Конзулов, велат дека не сакаат да бидат дел од меѓупартиската пресметка на владеачкото мнозинство.

„Ние како советничка група ова што се случува денес веќе го предвидовме и затоа понудивме решение со кое би функционирал Советот беспрекорно и без пречки. Затоа не сакаме да бидеме дел од нивната меѓупартиска пресметка и сметаме дека и граѓаните не заслужуваат вакво раштимано раководство“, стои во реакцијата од  советничката група на опозициската ВМРО-ДПМНЕ.

 Според претседателот на Советот Викица Манолева,  тие како владеачко мнозинство веќе оставриле средба и  биле во континуитет во договор со опозицијата и  седницата веќе ја закажале за во вторник.

Една од  најважните точки  од дневниот ред на прекинатата седница, беше токму ребалансот на Буџетот, односно Предлог одлука за измени и дополнувања на Буџетот на Општина Радовиш за 2020 година.  Без донесувањето на ребалансот на Буџетот се отежнува функционирањето и на останатите јавни институции, како и реализацијата на проекти од интерес на сите граѓани.

 Инаку истиот дневен ред веќе се провлекува на неколку седници и сеуште не е изгласан од страна на советниците. Пред се станува збор за  годишни планови за вработување во ЕЛС Општина Радовиш, како и во јавните образовни институции, во училиштата, градинките во ОН Библиотека во ЈП  Плаваја и во други институции, како и усвојување на годишните извештаи  и програми за работа на истите.

Потоа предлог програма за изменување и дополнување на Програмата за локален економски развој на Општина Радовиш за 2020 година, како и изменување на програмата за јавно осветлување, одобрување на финасиски средства на спортски клубови и други предлог одлуки значајни за функционирање на институциите.

Останува да се види дали конечно советниците ќе успеат да се договорат и да ги донесат овие предлог одлуки на следната седница.

Continue Reading