Connect with us

Економија

Над 550 милиони денари промет е остварен за Викенд без ДДВ

Media Press

Published

on

Управата за јавни приходи го заокружи првиот Викенд без ДДВ преку кој граѓаните можеа да остварат враќање на целосниот износ на ДДВ за купените македонски производи и услуги и компјутерска опрема.

Во деновите 10, 11 и 12 октомври 2020 година, вкупно 204.088 граѓани купиле македонски производи и услуги како и компјутерска опрема и издадените фискални сметки ги скенирале преку апликацијата МојДДВ.

Во Викендот без ДДВ остварен е промет од 558 176 715 денари со што граѓаните ќе остварат враќање на ДДВ во износ од 66 853 929 денари.

Управата за јавни приходи ќе им ги исплати парите на граѓаните на нивните трансакциски сметки во рок од 15 дена од последниот ден на скенирање на фискалните сметки.“ – соопштуваат од УЈП

Од анализите и споредбите што ги направи Управата за јавни приходи потрошувачката на македонски производи во овој Викенд без ДДВ во споредба со потрошувачката на истите производи во претходните викенди во истиот месец е за 2.2 пати зголемена.
Дополнително скенирани се 3 пати повеќе фискални сметки и остварен е и 9,5 пати поголем промет од македонски прозиводи овој викенд во однос на истиот од минатата година.

Првата мерка од 4 – сет на антикризни мерки што ги донесе Владата на Република Северна Македонија стартуваше токму со мерката ,,Викенд без ДДВ“ кој целосно ја спроведе Управата за јавни приходи.

Резултатите од оваа мерка се повеќе од успешни бидејќи значат повеќе пари назад кај граѓаните, зајакнување на домашниот буџет и истовремено зголемена потрошувачка на македонски производи и услуги. Поттикнување на промет кај македонските компании е поддршка во услови на криза, која влијае и на подобрување на ликвидноста на компаниите.

Економија

Бектеши: Продолжуваме со мерки за поддршка на индустријата, занаетчиството, туризмот и енергетска ефикасност кај домаќинствата

Media Press

Published

on

Министерот за економија Крешник Бектеши денеска на прес-конференција во Владата информираше за Програмите кои што ќе ги реализира Министерството за економија во 2021 година, а кои што беа донесени на последната седница на Владата.

Во рамки на Министерството за економија следната година ќе се реализираат неколку програми за поддршка на индустријата, иновативноста, занаетчиството, туризмот и поттикнувањето на обновливите извори на енергија, енергетската ефикасност.

За реализација на мерките предвидени во Програмата за конкурентност, иновации и претприемништво (КИП) обезбеди 68.800.000 денари.

  • Овие средства се наменети за:50.000.000 денари за мерки за Поддршка на развојот на развој на микро, мали и средни претпријатија,
  • 13.000.000 денари за имплементација на мерки од Индустриската стратегија,
  • 4.800.000 денари наменети за мерки за поддршка и развој на Кластерското здружување во Република Северна Македонија и
  • 1.000.000 за мерки за Инвестиции и општествена одговорност, како и субвенции за приватни претпријатија.

За реализација на Програмата за промоција на обновливите извори на енергија и поттикнување на енергетската ефикасност во домаќинствата се предвидени вкупно 52.000.000 денари:

  • 8.000.000 денари за надоместување на дел од трошоците за сончеви термални колекторски системи во домаќинствата до 30%, но не повеќе од 10.000 денари по домаќинство и до 70%, но не повеќе од 15.000 денари по домаќинство, за лица со ниски примања;
  • 22.000.000 денари за надоместување на дел од трошоците за ПВЦ или алуминиумски прозорци во домаќинствата до 50%, но не повеќе од 20.000 денари по домаќинство и до 70%, но не повеќе од 25.000 денари по домаќинство, за категоријата на лица со ниски примања;
  • 14.000.000 денари за надоместување на дел од трошоците за набавка на печки на пелети во домаќинствата до 50%, но не повеќе од 20.000 денари по домаќинство и до 70%, но не повеќе од 25.000 денари по домаќинство, за лица со ниски примања;
  • 8.000.000 денари за надоместување на дел од трошоците за фотонапонски панели за производство на електрична енергија до 4 kW за сопствена потрошувачка за домаќинствата, на градба на која има право на сопственост или користење, до 30%, но не повеќе од 62.000 денари по домаќинство.

За програмата за развој на туризмот во Северна Македонија во 2021 година се предвидени 31.000.000 денари.

  • За дигитален маркетинг за туристичкиот потенцијал на социјални медиуми 11.500.000 денари;
  • Субвенции за опрема и алатки за подобрување на Активен туризам 3.500.000 денари;
  • Субвенции за туристички цели на селски домаќинства 5.000.000 денари;
  • Промоција на еколошки зони (еко-туризам) изготвување на Студија за еко-туризам и план за промоција на потенцијалите за развој на еко-туризмот 1.500.000 денари;
  • Кампања за безбедно патување – одбележување на туристички центри со сертификати за безбеден туризам, промотивен материјал безбедно патување и медиумска кампања за туристите 1.000.000 денари;
  • Надградба на мобилна апликација „Visit Macedonia” за туристичките потенцијали на земјата, како и можноста за резервација на: хотел, ресторан, културен настан, како и проверка на понудите за посета на одредени места во самиот регион 500.000 денари;
  • Субвенции за дигитализација на туристичко/угостителскиот сектор кои ќе придонесат за дигитализација на туристичката понуда и подобрување на дигиталната промоција на туристичко/угостителскиот сектор во Република Северна Македонија 4.500.000 денари.

Continue Reading

Економија

Шахпаска: Започна со имплементација на проектот Гаранција за млади

Media Press

Published

on

Министерката  за труд и социјална политика, Јагода Шахпаска заедно со директорот на Агенцијата за вработување на Република Северна Македонија, Абдуш Демири одржаа презентација на Оперативниот план за активни мерки и програми за вработување за 2020 година.

„И покрај тоа што Оперативниот план за 2020 година беше подготвуван без никакви претпоставки и предвидувања за светска пандемија, сепак неговата реализација изнесува високи 94,5%, односно опфатени беа 10.953 невработени лица. Реализирани се 1 милијарда и 270 милиони денари, од кои 650 милиони денари за поддршка за креирање на нови работни места“, истакна министерката Шахпаска.

Таа ја посочи мерката за самовработување како една од најдобрите и најуспешните, со висока реализација од 98,5%. Притоа, напомена дека преку мерките доделување на грантови во износ од 5.000 до 10.000 евра, Субвенционирање на плати и Вработување и раст на правни субјекти се вработиле околу 4.000 лица.

„Република Северна Македонија е првата земја која не е членка на Европската Унија, а започна со имплементација на проектот Гаранција за млади. Во фокусот на овој проект се млади, невработени лица до 29 години и мерката  даде одлични резултати и покрај специфичните услови што ги наметна пандемијата КОВИД-19. Од вклучени 25.482 млади лица, 7.197 се вработиле, а 1.249 лица преку вклучување во активни мерки ја зголемиле својата вработливост“, истакна Шахпаска.

Директорот на АВРСМ, Демири посочи дека целосна искористеност се бележи и на програмите за поголема социјална вклученост на потешко вработливите лица на пазарот на трудот, односно програмата Општинско корисна работа и програмата Јавни работи.
 
„Преку овие програми потешко вработливите лица стекнуваат вештини преку задоволување на потребите од социјални услуги на локално ниво, проекти од инфраструктурата и заштита на животната средина на локално ниво. Преку двете програми работно се ангажирани 1063 невработени лица“, истакна Демири.


Continue Reading

Економија

Економско социјалниот совет на денешената седница го усвои Оперативниот план за вработување за 2021 година

Media Press

Published

on

На денешната седница на Економско-социјалниот совет со која претседаваше министерката за труд и социјална политика Јагода Шахпаска, се дискутираше по неколку точки од кои најзначајно место зема новиот Оперативен план за активни мерки и програми за вработување за 2021 година.

Министерката Шахпаска истакна дека министерството во чиј фокус се ранливите категории на невработени лица, продолжува со креирање на политики и мерки со цел помош и поддршка за нивна успешна активација на пазарот на трудот.

Со Оперативниот план за вработување за 2021 година во континуитет продолжува стремежот за што поголем опфат на невработени лица со мерките за вработување како и креирање на ад-хок мерки согласно новонастаната состојба на пазарот на трудот во Република Северна Македонија предизвикана од пандемијата од КОВИД 19. Притоа, посебен акцент беше ставен на директната интервенција на пазарот на трудот и повторно вклучување на лицата кои ги изгубиле своите работни места како резултат на пандемијата.

Оперативниот план за 2021 година ги задоволува потребите на општеството и со истиот се согласија социјалните партнери кои присуствуваа на денешната седница на Економско социјалниот совет.

Со оглед на успешната реализација на Оперативниот план за 2020 година и новонастаната состојба предизвикана од пандемијата, оваа година трансферот на средства за програми за вработување од Буџетот на МТСП во 2021 година во однос на 2020 година е зголемен за повеќе од четири пати .

На денешната седница се разгледа и се усвои Програмата за работа на Економско социјалниот совет, а до социјалните партнери беше побарано нивно активно  вклучување  во креирањето на мерки за петиот пакет економска помош од државата.

Continue Reading