Connect with us

Гевгелија

Гевгелија доби мониторинг-станица за мерење квалитет на воздухот

Виолета | Media Press

Published

on

    Денеска, во Гевгелија беше предадена во употреба мониторинг-станицата за квалитетот на амбиенталниот воздух и презентиран начинот на нејзината работа. На свеченото отворање присуствуваа: министерот за животна средина и просторно планирање, Насер Нуредини, министерот за локална самоуправа, Горан Милевски, шефот на Делегацијата нна Европската Унија, Н.Е. Дејвид Гир, кои заедно со градоначалникот на општина Гевгелија, Сашо Поцков, се обратија на настанот. Проектот е реализиран како резултат на соработката помеѓу: централната и локалната власт, општините од нашата држава со содедна Грција и граѓанскиот сектор од двете земји.

           „Посебно задоволство ми е што денес присуствуваме на овој настан на официјално пуштање во работа на новата станица за мониторинг на квалитетот на воздухот на територијата на Општина Гевгелија. Ова значи збогатување на националната мрежа за автоматски мониторинг на квалитетот на воздухот, со што всушност ги остваруваме нашите стратешки цели и приоретити како Министерство за животна средина и просторно планирање и како Влада. Нам, како орган одговорен за собирање на податоците и известување за квалитетот на животната средина, системот за мониторинг на квалитетот на воздухот ни користи да ги извршиме обврските за информирање на домашната јавност за животната средина, но и обврските за известување што сме ги презеле кон Европската агенција за животна средина и кон повеќе меѓународни договори во областа на животната“, истакна во воведното обраќање министерот за животна средина и просторно планирање, Нуредини.

            „Со големо задоволство ја поздравувам реализацијата на овој проект затоа што е пример за одличната соработка: помеѓу централната и локалната власт, општините од нашата држава со содедна Грција и граѓанскиот сектор од двете земји. Во време кога здравјето на граѓаните е над сите други приоритети, кога покрај загадениот воздух имаме и опасен вирус, овој проект станува уште позначаен. Како министер којшто ја има одговорноста да ја координира имплементацијата на ИПА програмата за прекугранична соработка, драго ми е што со соседна Грција решаваме заеднички проблеми. Убеден сум дека со соработка и со подобрување на квалитетот на живеење ќе успееме што побрзо да станеме дел од европското просперитетно семејство и да ја насочиме финансиската поддршка од предпристапните фондови на Европската Унија“, истакна министерот за локална самоуправа, Горан Милевски.

            Нагласувајќи дека реализацијата на овој проект е дел од зедничките напори за борба против загадувањето, евроамбасадорот Дејвид Гир во соето обраќање посочи:

            „Загадувањето на воздухот станува животен феномен со долгорочни апликации импликации по здравјето на луѓето. Затоа, и посветеноста на ЕУ за намалување на загадувањето на воздухот е од приоритетно значење. Во инвестициониот план на ЕУ за Западниот балкан донесен минатата недела, посебно внимание се посветува на Златната агенда, во која загадувањето на воздухот се смета за уште еден голем предизвик, особено, по пандемијата од КОВИД-19.

            Со поставување на мониторинг-станицата за квалитетот на амбиенталниот воздух во Гевгелија, за првпат ќе се воспостави механизам за редовно следење на состојбата со квалитетот на воздухот и изворите на загадување во овој пограничен регион. Истовремено, ќе се подигне јавната свест за заштита на квалитетот на воздухот што е посебно значајно. Изразувам благодарност за успешниот проект и посакувам со вакви проекти и во иднина да ја прошируваме прекуграничната соработка и да ги унапредуваме добрососедските односи со Република Грција“, истакна градоначалникот Поцков.

            Мониторинг станицата е набавена преку проектот „Развој и имплементација на здравствен индекс за загадување на воздухот“ кој се спроведува во рамките на Министерството за животна средина и просторно планирање, а истиот е финасиран од Interreg-IPA CBC програмата помеѓу Македонија и Грција.

            За реализација на овој проект, Европската Унија преку ИПА Програмата за прекугранична соработка го финансираше проектот во вкупна вредност од скоро еден милион евра за двете држави, а националното кофинансирање во вредност од 15% го обезбеди Министерството за локална самоуправа.

Гевгелија

Гевгелија го проширува постојниот КОВИД-центар во кругот на Општата болница

Виолета | Media Press

Published

on

   Поради моментната состојба на ширење на Корона вирусот на подрачјето на Општина Гевгелија и зголемениот број на граѓани, на кои им е неопходна здравствена помош, во ЈЗУ Општа болница со проширена дејност во Гевгелија се наметна потребата за обезбедување на дополнителен болнички капацитет. Пред се, за пациентите позитивни на КОВИД-19 кои во болнички услови примаат терапија. За таа цел, согласно протоколите и препораките на Министерството за здравство и Комисијата за заразни болести, во тек е проширувањето на постојниот КОВИД-центар во кругот на Општата болница, каде што досега се вршеше прием и тестирање на пациентите со Корона вирусот. Поточно, доградба на постојниот објект, каде што ќе бидат сместени осум болнички кревети за дневна терапија на пациентите со полесни симптоми од КОВИД-19.

 „Општинскиот штаб за заштита и спасување на последната седница беше информиран за иницијативата на ЈЗУ Општата болница- Гевгелија и Подрачната единица на Центарот за јавно здравје во Гевгелија за проширување на постојниот пункт за тестирање на влезот во болницата и уредување на Дневен прифатен центар. Општнскиот штаб ја поддржа иницијативата за доградба на постојниот пункт за тестирање од Корона вирус, а од Општата болница во Гевгелија веќе е доставено барање за обезбедување финансиски средства од страна на Општината. Барањето за одобрување на средства, во висина од околу 377.000 денари, колку што чини доградбата, ќе се најде на дневен ред на претстојната седница на Советот на Општина Гевгелија која е закажана за следната недела. Сметам дека како Општина треба да излеземе во пресрет на барањето и на тој начин да обезбедиме непречено одвивање на здравствената заштита на граѓаните и подобар третман на пациентите заразени од КОВИД-19“, истакна градоначалникот на Општина Гевгелија, Сашо Поцков, при посетата на Општата болница во Гевгелија, каде што забрзано се одвиваат изведбените работи.

             Според директорот на Општата болница, д-р Митко Крџев, во овој Дневен центар би се третирале само полесно заболените лица кои имаат потреба од дневен лекарски третман. “Ваквата потреба е од приоритетно значење, особено, во услови кога во Општата болница не постои Инфективно одделение. Меѓутоа, Општата болница повеќе не е во можност да ги подмирува дополнителните финансиски обврски за сузбивање на Корона вирусот. Бидејќи, на повеќепати, преку итни постапки во изминативе месеци, беа набавувани средства за лична заштитна опрема на вработените во Општата болница што дополнително го оптовари Годишниот буџет на здравствената установа“, вели директорот Крџев, поради што е побарана помош од Општината.

Continue Reading

Гевгелија

Гевгелија ќе добие станбена зграда за домување на лица од социјално – ранливи категории

Виолета | Media Press

Published

on

Започна изградбата на нова станбена зграда кај поранешната Касарна во Гевгелија, која ќе биде наменета за домување на лица во социјален ризик и други ранливи групи.

Во станбената зграда се предвидени 52 стана, во кои ќе бидат сместени социјално-загрозени семејства. Зградата е дел од програмата за изградба и одржување на станови во сопственост на РС Македонија. Одобрението за градење е издадено од Општина Гевгелија.

             Инвеститор на социјалните станови е АД за изградба и стопанисување со станбен и деловен простор. Изведувач на градежните работи е ДПТУГУ „Атриум“ ДОО узов-извоз Вевчани, со лиценца „А“ за изведувач на градби од прва категорија, додека надзорот при изведувањето го врши инвеститорот – АД за изградба и стопанисување со станбен и деловен простор од значење на Републиката- Подружница Струмица.

Continue Reading

Гевгелија

Подобрена урбаната опрема за одржување на комуналната хигиена во ЈПКД „Комуналец“ во Гевгелија

Виолета | Media Press

Published

on

Во ЈПКД „Комуналец“ во Гевгелија, наспроти зголемените активностиза спроведување на заштитните мерки против Корона вирусот, се реализирани повеќе активности за подобрување на комуналната хигиена, информираат од Комуналец.

„Во изминатите десет месеци, набавени се 85 улични корпи за ситен отпад, 80 пластични контејнери од 1.1 м³ и 25 метални контејнери од 1.1 м³.Во овој период е реализирана и акцијата за набавка и бесплатна поделба на контејнери на домаќинствата  во оние делови од градот, каде што поради тесните улици нема услови за поставување на контејнери.           – Набавени се 1500 канти за отпад од 120 литри кои се поделени бесплатно на домаќинствата, каде собирањето на отпадот е рачно и нема можност за поставување на контејнери“, вели директорот на ЈПКД „Комуналец“, Златко Зумров.
Тој додава дека до крајот на годината, ќе се набават и поделат уште 500 канти, а идната година е планирана набавка на уште 1750 канти за отпад од 120 литри кои бесплатно ќе им бидат поделени на домаќинствата.

„Со тоа ќе се обезбедат услови за навремено собирање и дистрибуирање на отпадот и во оние градски делови и непристапна улици, а тоа домаќинствата нема да ги чини ништо“, вели Зумров, нагласувајќи дека за подобро одржување на комуналната хигиена на јавните површини набавена е метларка за машинско чистење на улици.       

   Во ЈПКД „Комуналец“  набавена е опрема за зимско одржување на улици и патишта  за три возила. Со тоа, всушност, се заштедени значителни финансиски средства во Oпштината. Имено, досега Oпштина Гевгелија за зимско одржување на улиците ангажирала фирми преку постапка за јавни набавки.

Continue Reading