Поради лошата епидемиолошка слика во општината, синоќа повторно заседаваше Општинскиот кризен штаб, каде беа донесени следните заклучоци:

Максимална институционална вклученост на сите чинители во борбата против Covid – 19 и дословно спроведување на пропишаните протоколи и мерки од страна на надлежните институции;

Мапирање на потенцијални кластери за ширење на коронавирусот во општина Валандово;

Зачестени контроли на МВР и надлежните инспекторати низ општината;

Апел до граѓаните за целосно почитување на пропишаните мерки и протоколи од надлежните институции и крајно одговорен пристап со цел заштита на сопственото и здравјето на останатите;

Редовна дезинфекција на детските градинки, училиштата, приватните претпријатија и јавните институции;

ТППЕ Валандово и ЈП Комунален сервис – Валандово да продолжат со редовна дезинфекција на улиците, тротоарите, парковите и останатите јавни површини во општината; информираат од општината.

Со јавна расправа по Нацрт Извештајот за стратегиска оцена на животна средина, која што се одржа деновиве во Валандово, започнува постапката за изградба на експресен пат Струмица – Валандово – спој со автопат Пријателство, во должина од 25 километри.

Јавното претпријатие за државни патишта во Домот на култура “25 Мај” – Валандово, одржа презентација и јавна расправа по Нацрт Извештајот за стратегиска оцена на животна средина за проектот за нов експресен пат во југоистокот.

„На презентацијата и јавната расправа, присуствуваа институции, заинтересирани поединци и претставници на стопански субјекти и беа отворени прашањата за потребата од заштита на животната средина при реализација на проектот, како и значењето на истиот за граѓаните и локалниот бизнис“, информираат од Општина Валандово.

Реализацијата на овој проект е од круцијално значење за општина Валандово, и истиот значително ќе ја подобри компаративната предност на валандовското стопанство и олесни протокот на валандовскиот производ до два гранични премини.

Поради влошената епидемиолошка слика во општинаВаландово Синоќа беше одржана итна седница на Општинскиот кризен штаб, каде беа донесени следните заклучоци:

-Целосна институционална вклученост на сите чинители во борбата против Ковид 19;

-Зачестени контроли на МВР и пазарниот инспекторат низ општината;

-Апел до граѓаните за целосно почитување на пропишаните мерки и протоколи од надлежните институции;

-Редовна дезинфекција на детските градинки, училиштата и останатите институции во општината;

-ТППЕ Валандово и ЈП Комунален сервис – Валандово да вршат редовна и секојдневна дезинфекција на улиците, тротоарите, парковите и останатите јавни површини во општината, информираат од Општина Валандово. Инаку во текот на вчерашниот ден во Валандово беа регистрирани 4 нови случаи  позитивни на Ковид -19.