Connect with us

Македонија

Заев на НТВ: Отворивме фронт против криминалот и корупцијата

Media Press

Објавено на

„Новата Влада отвори фронт против криминалот и корупцијата и во тој процес важни ни се сите, важни се институциите, медиумите, сите алки во општеството, за да обезбедиме редот и законот да важат за сите“, истакна претседателот на Владата, Зоран Заев во гостувањето во емисијата „Отворено студио“ на Националната телевизија.

Како еден од главните приоритети, премиерот Заев ја истакна потребата од прочистување на судството, процес кој може да се спроведе и преку постоечките закони.

„Со веќе постоечките закони може да се направи целосно прочистување на судството. Судскиот совет има механизми, има можност да види кој застарувал предмети и има право да носи одлуки за разрешување и казнување. Во процесот сигурно може да се вклучи и Советот на јавни обвинители, како и Државната комисија за спречување на корупцијата и Управата за јавни приходи пред сè преку проверката на потекло на парите и капиталот на судиите и обвинителите, но и на сите други јавни функционери“, подвлече Заев.

Претседателот на Владата Заев ја потенцира важноста од зголемување на ефикасноста на судскиот систем, којашто освен што е важна за правдата, важна е и за враќање на довербата на граѓаните кон правосудството.

„Ефикасноста на судството мора да се подобри, не смее да се дозволи предмети да застаруваат. Новиот Закон за Јавно обвинителство е донесен и во него се содржани сите решенија за сите отворени случаи, но и истраги. Ако во судска постапка преку докази и аргументи се докаже вина, ќе одговара секој, но ако нема докази, нема аргументи, тогаш тој не е виновен. Но мора да има пресуди за сите предмети, тоа го очекуваат граѓаните“, посочи Заев додавајќи дека обвинителствата, особено Јавното обвинителство за гонење организиран криминал, мора да биде целосно екипирано, вклучувајќи го тука и ангажирањето на истражители и стручни соработници.

Премиерот Заев истакна дека силната определба на Владата за ред, правда и дисциплина се докажува и со назначувањето на потпретседател на Владата задолжен за борба против криминал и корупција, кој ќе има задача да ги координира сите институции под надлежност на извршната власт со цел да се максимизираат капацитетите во борбата против корупцијата.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе