Засилени контроли во угостителските објекти во кои сѐ позабележително е присуството на младите, зголемената бучава (гласна музика), посебно во вечерните часови и непочитувањето на мерките и препораките на Владата, во делот на носење заштитна маска и држење на потребно растојание, најавува Секторот за внатрешни работи Струмица. Имајќи ја предвид се поголемата раздвиженостСВР Струмица реализира интензивни мерки и активности во угостителските објекти на подрачјето во регионот.
Активностите на полицијата се
насочени на: присуство на
малолетници во угостителски објекти по 24.00 часот, непостапување според здравствените прописи за
време на епидемија и гласната музика која неретко ги вознемирува граѓаните,
особено оние што живеат во близина на угостителските објекти и на почитување на
работното време, каде се превземаат координирани мерки и активности со Државниот пазарен
испекторат.
За
сите сопственици на угостителските објекти кај кои ќе бидат констатирани
кривични дела и прекршоци кои се повторуват, СВР Струмица согласно своите
надлежности, ќе изготви соодветни
поднесоци, а за правните лица ќе предложи
изрекување на соодветни санкции.
Така, во текот на изминатиов викенд во четири угостителски објекти на
подрачјето на општина Струмица се
констатирани кривични дела поради непостапување според
здравствените прописи за време на епидемија, а во еден угостителски објект констатиран е прекршок поради
присуство на малолетници
во угостителски објекти по 24.00 часот .
Пд СВР Струмица апелирааат до сопствениците на угостителските
објекти и граѓаните да ги почитуваат препораките од Владата, законските прописи
и усвоените мерки.„Доколку се констатира состојба спротивна на
законите, истата соодветно ќе се
санкционира“, стои во апелот.
Ваквите интензивни мерки и активности на
полициските службеници самостојно и во координација со надлежните инспекциски
служби ќе продолжат да се реализират и во претстојниот период, стои во
известувањето од СВР Струмица.