Connect with us

Гевгелија

Гевгелија планира изградба на улица од мостот на Сува река до македонско-грчката граница

Виолета | Media Press

Published

on

Општина Гевгелија, преку Центарот за развој на Југоисточниот плански регион, аплицираше за изработка на техничка документација преку проектот „Градење на општинските капацитети за имплементација на проекти“на УНДП. Една од главните цели на овој проект е да се дефинира, воспостави и да се управува со Фондот за техничка документација што ќе ги обезбеди финансиските ресурси што им се потребни на општините за да ги завршат неопходните подготвителни работи за изработка на проекти со коишто можат да конкурираат за фондови од ЕУ.
Изработка на техничка документација, односно Инфраструктурен и Основен проект за сообраќајница од крајот на ул. „Борис Кидрич”, до граница со Р.Грција, е од приоритетно значење за Општина Гевгелија имајќи предвид дека проектот за оваа улица е застарен и нефункционален. Со новиот проект се предвидува предметна улица со должина од 1.211 метри и ширина од 9 метри, како и пешачки тротоари по 3 метри од двете страни на сообраќајницата или вкупно 15 метри.

Предлогот е прифатен од страна на Југоисточниот плански регион, кој аплицира на вториот повик на УНДП за изработка на документација за три патни правци, кои се од посебно значење за локалниот економски развој на регионот.
Со проект за изградба на илица од мостот на Сува река до македонско-грчката граница всушност ќе се обезбедат услови за поврзување на Гевгелија со државната граница со Република Грција. Како што е познато, Општина Гевгелија заедно со прекуграничната општина Пеонија, во соседна Грција, покренаа иницијатива за отворање на регионален граничен премин кај Сеово (Идомени) за локален патнички сообраќај. Ваквата иницијатива е актуелизирана за време на пандемијата од Коронавирусот, како и потребата од воспоставување на еден ваков малограничен проток за граѓаните од едната и другата страна на границата.

Изградбата на мостот на Сува река со финансиски средства од ЕУ беше реализирана во функција на ваквата иницијатива. За нејзино инфраструктурно профункционирање е неопходна изградба на патот од мостот на Сува река до самата гранична линија.

Гевгелија

Приведен дилер на марихуана од гевгелиско

Виолета | Media Press

Published

on

Полицијата од Гевгелија приведе дилер на марихуана.  Насадите биле откриени во атарот  на село Миравци, на место викано „Лаго“. На три локации на растојание од околу 50-60 метри полициски службеници откриле 60 стебла од растението Канабис Сатива. Приведениот,  24 годишен жител од селото Миравци сам ја одгледувал марихуаната.

Од страна на полициски службеници од Надворешната камцеларија за криминалистички работи Гевгелија преземени се мерки и активности со цел расчистување на случајот. Пријавениот С.К. на 08.09.2020 во 18.10 часот, на местото викано „Лаго“, атар на с. Миравци, на лице место бил затекнат од полициски службеници како неовластено одгледува растение Канабис Сатива. По извршен претрес во негова торба биле пронајдени свежо набрани цветни завршетоци во завршна фаза на вегетација од три стебла од растението Канабис Сатива. По наредба на јавен обвинител истиот ден бил извршен претрес во домот и помошните простории на пријавениот.

Против него е поднесена кривична пријава за сторено кривично дело – неовластено производство и продажба на дрога, а од страна на судија на претходна постапка одредена му е мерка притвор во траење од 30 дена. 

Continue Reading

Гевгелија

Советот на Општина Гевгелија ќе ги разгледува барањата на гевгелиските училишта за организирање настава

Виолета | Media Press

Published

on

      Советот на Општина Гевгелија, утре, со почеток во 10 часот, на својата 49 вонредна седница, ќе расправа и ќе ги разгледува доставените барања на училиштата во Гевгелија за начинот на реализација на воспитно-образовниот процес за време на пандемија од Корона вирус, согласно просторните условите на училиштата. 

            „По задолжението од Министерството за образование, училиштата изготвија барања со образложување на условите за изведување настава со физичко присуство. Направените согледувања укажуваат дека училиштата во Општина Гевгелија, покрај условите за организирање на наставата со физичко присуство на учениците од прво до трето одделение, постојат услови од 1 октомври, се разбира, согласно протоколите, да се организира настава со физичко присуство на учениците и во другите одделенија. Но, и за организирање на комбинирана настава, со физичко присуство и со онлајн настава која ќе се менува секоја недела“, велат од општината.

            Откако Советот ќе ги разгледа барањата на училиштата, истите ќе бидат доставени до Владата на РСМ која по увидот на посебната работна група, формирана од надлежните министерства, ќе одлучува за барањата.  

Continue Reading

Гевгелија

Стопанството во општина Гевгелија трпи значителни загуби поради затворените граници со соседна Грција

Виолета | Media Press

Published

on

 Гевгелиските стопанственици,  одржаa работна средба со министерот за здравство, Венко Филипче и вицепремиерот за економски прашања, Фатмир Бетиќи, на барање на градоначалникот  Сашо Поцков.

„По заедничката дискусија заедно со претставниците од сите стопански дејности, констатиравме дека стопанството во општината трпи значителни загуби поради затворените граници со соседна Грција и протокот на Грците кои значително влијаеја врз локалниот економски развој.

Од страна на министерот Филипче беше ветено дека ќе биде разгледана можноста да се отворат границите и овој проблем да биде разрешен во најбрз период. Исто така, информираше дека Општата болница со проширена дејност во Гевгелија ќе биде опремена со апарат за брзо тестирање.

Вицепремиерот за економски прашања, Бетиќи, го најави 4 сет економски мерки на Владата на РСМ за ублажување на последиците од Корона-кризата кој ќе почне да се реализира од крајот на идната недела, а неколку предлога на стопанствениците ги нотираше ветувајќи дека ќе бидат вметнати во сетот мерки, во зависност од можностите на Буџетот на државата, вели градоначалникот Сашо Поцков, кој изразува благодарност на министерот Филипче и вицепремиерот Бетиќи за нивното гостување и нивниот слух за проблемите со кои се соочува Општина Гевгелија!

Continue Reading