Connect with us

Земјоделие

65.554 земјоделци во државата аплицирале за субвенции за Програмата за директни плаќања за 2020 година

Виолета | Media Press

Published

on

   1.968 земојделски производители во општините: Гевгелија, Богданци и Дојран аплицирале на повикот од  Mинистерството за земојделсто, шумарство и водостопанство за субвенции за Програмата за директни плаќања за 2020 година. Оваа година, значително е зголемен бројот на апликации во однос на минатата. Минатата година аплицирале 1866 земјоделски производители на ниво на општините: Гевгелија, Богданци и Дојран, информираа од Министерството за земјоделство, шумарство и водостопанство- ПЕ Гевгелија.             

 На ниво на држава, поднесени се вкупно 65.554 апликации од земјоделци.

Процесот за поднесување на барањата го организираа подрачните единици на Министерството за земјоделство, шумарство и водостопанство, во соработка со Агенцијата за финансиска поддршка во земјоделството и руралниот развој.

       Аплицирањето за субвенциите се одвиваше електронски. Но, дел од земјоделци кои не можеа сами да аплицираат и оваа година како и минатите тоа го сторија со помош од вработените во Подрачните единици на МЗШВ.           

   Конкурсот траеше до 31 јули, 2020 година. Во овој период се поднесуваа барања за субвенции за растително производство и тоа за полјоделски и градинарски култури, лозови и овошни насади, за сточарско производство, односно оние земјоделци кои одгледуваат говеда, овци, кози, пчели свињи, за финансиска поддршка за заклани животни во кланица.

Земјоделие

Утврдени мерките за откупот на грозјето, субвенционирање во висина од 4 денари по килограм за откупено и предадено винско грозје во винарски визби

Виолета | Media Press

Published

on

Владата на одржаната 5-та седница ја разгледа и усвои „Информација за состојба на откупот на грозје од реколта 2020 година со предлог мерки“, со која го задолжи Кабинетот на заменикот на претседателот на Владата, задолжен за економски прашања, координација на економските ресори и инвестиции да подготви мерка од Програмата за поддршка од КОВИД-19 во висина од 4 денари по килограм за откупено и предадено винско грозје во винарски визби кои се запишани во регистарот на производители на вино што го води Министерството за земјоделство, шумарство и водостопанство.
Поддршката ќе биде наменета за откупено винско грозје до 18 шеќерни единици со минимална цена од 7 денари по килограм.

Намената на оваа мерка е за интервентен откуп на грозје кое ќе биде преработено во производи од винско грозје, а корисници на оваа мерка се винарските визби кои се регистрирани во регистарот на производители на вино што го води Министерството за земјоделство, шумарство и водостопанство.

Кабинетот на заменикот на претседателот на Владата, да е задолжен да подготви и дополнителна мерка од Програмата за поддршка од КОВИД-19 во висина од 2 денари по килограм за произведено и предадено винско грозје, а корисници на оваа мерка се регистрирани земјоделци во Единствениот регистар на земјоделски стопанства што се води во Министерство за земјоделство, шумарство и водостопанство. Предвидениот рок за исплата е до крајот на 2020 година.

Во врска со оваа точка од дневниот ред на денешната седница на Владата, Министерство за земјоделство, шумарство и водостопанство доби задолжение да подготви мерка во висина од 2 денари по килограм за произведено и предадено винско грозје и се корисници на подмерката 1.10, како директни плаќања по обработлива земјоделска површина за одржување на постоечки лозови насади од Уредбата за поблиските критериуми за директни плаќања. Предвиден рок за аплицирање за мерката е да биде до крајот на 2020 година, а исплатата на оваа мерка ќе биде во 2021 година според рокот за исплати во Програмата за финансиска поддршка во земјоделството за 2020 година. Мерката е наменета за сортите на винско грозје и тоа: смедеревка, вранец, бургундец црн, станушина, кратошија, жилавка, кавадарка.

Continue Reading

Земјоделие

Државата ќе интервенира со субвенции за помош и на лозарите и на винариите, визбите да го почитуваат договорот за откупните цени

Виолета | Media Press

Published

on

На состанокот со здруженијата на лозари од Тиквешкиот регион, премиерот Заев, ги презентираше владините предлог-мерки за помош на лозарите и винариите, во делот на откупните цени и планираната поддршка. 


„Она коешто како заклучок го извлековме е дека со 4 денари државата ќе интервенира за вранецот и смедеревката, а со 2 денари ќе интервенираме за високосортното грозје. Дополнително остануваме на супституција на транспортот со 20 отсто на транспортните трошоци за наливното вино, и 30 проценти супституција за флашираното вино и ја отворивме новата можност кон сите откупувачи коишто работат во нашата земја да можат да откупат винско грозје и да го извезат како винско за да ги намалиме количините со една стимулативна мерка. Тоа е ако откупат 12 милиони килограми сите заедно, тоа ќе го видиме на царинските декларации, ќе добијат 2 денари субвенција на тие 12 милиони килограми, ако се откупени и извезени надвор од државата помеѓу 12 и 25 милиони килограми ќе добијат 3 денари, ако откупат и извезат повеќе од 25 милиони килограми ќе добијат 4 денари субвенција. Целта е да стимулираме сето тоа што ко има како залихи брзо да се продаде надвор, а при тоа да има жед да се откупи она што е домашно производство“, наведе Заев.
При тоа, премиерот Заев посочи дека сите заеднички треба да придонесат во надминувањето на проблемите и  упати апел до винариите да го почитуваат договореното, односно смедеревката да се откупува по 9 денари за килограм а вранецот по 11 денари за килограм, а државата ќе го исполни ветеното за 4 денари субвенција.  
Заев посочи дека ќе се разговара и со винарската визба „Тиквеш“ и  дека низ дијалог ќе се најде взаемно прифатливо решение, потенцирајќи дека заеднички сите треба да го понесат товарот за да се преброди оваа криза предизвикана од вирусот КОВИД-19.

Continue Reading

Земјоделие

МЗШВ: Континуирано ја следиме состојбата со откупот на грозјето и откупните цени

Александар | Media Press

Published

on

Министерството за земјоделство, шумарство и водостопанство, континуирано ја следи состојбата со откупот на грозјето и откупните цени.

Во овој период се врши берба и откуп на висококвалитетните сорти на грозје, од втората половина на месецов започнува бербата на вранецот, а при крај на месецот започнува бербата на смедеревката.

Државниот инспекторат за земјоделство е постојано на терен, со цел да има непречен откуп на грозјето.

МЗШВ изминатиот период одржа состаноци со винарските визби и со здруженијата на лозари, со цел да се најде взаемно решение за годинешната откупна цена на грозјето.

„На последниот состанок со винарниците се дадоа предлози и идеи, како да им се помогне и на лозарите и на винарците. Предложивме на партнерски основ- откупната цена да биде 11 денари за килограм вранец и 9 денари за килограм смедеревка, при што Владата ќе интервенира со четири денари субвенција, за да може да се  постигнат ланските цени, односно 15 со 13 денари. Воедно, се размислува да има и субвенција за висококвалитетните сорти грозје, што би била за првпат воведена годинава.“ – се вели во соопштението на МЗШВ

Министерството за земјоделство, шумарство и водостопанство како и секогаш има партнерски однос со лозарите и отворената комуникација ќе продолжи и во следниот период, и е отворено за сите предлози. Во тој контекст, МЗШВ ќе организира состанок и со здруженијата на лозари, со цел да ги кажат своите предлози и да се донесат мерки и решенија коишто ќе бидат прифатливи и за лозарите и за винарниците.

Оваа година е специфична и тешка поради состојбата со пандемијата предизвикана од вирусот КОВИД 19, и затоа како МЗШВ и Владата на РСМ, ќе преземат се што е потребно, за да се ублажат негативните последици од здравствената криза врз производството на грозје и вино.

Continue Reading