Претседателот Пендаровски по гласањето на предвремените парламентарни избори: Секој граѓанин да биде максимално заштитен
Претседателот Стево
Пендаровски, вчера на
предвремените избори за пратеници го оствари своето гласачко право. По
гласањето претседателот Пендаровски изјави:
„Според достапните
информации од првата половина од изборниот ден, гледам дека сè се одвива во
рамките на законските прописи и во една демократска и мирна, толерантна атмосфера.
Она што е значајно и
е специфика за овие избори, а според мене, би требало да остане до крајот
на изборниот ден така, досега изборите се одвиваат со максимално почитување на
здравствените протоколи бидејќи исклучително е битно секој што сака да го
реализира своето гласачко право денеска, секој граѓанин, да биде максимално
заштитен. Се разбира, зборувам и за луѓето, околу 30-35 илјади кои се
ангажирани како членови на гласачките одбори.
Денеска мора да биде
транспарентно, фер, демократско гласање и притоа сите што се учесници во
изборниот процес мора да бидат заштитени бидејќи знаете ние сме една од првите
5-6 држави во светот која организира избори во време на корона.
Јас се надевам така ќе остане како што е досега и во текот на изборниот ден се до прогласувањето на резултатите и сосема небитно од тоа кој ќе биде формален победник вечерва, очекувам како што и доликува на една европска демократска држава, сите учесници на изборниот процес вечер да си подадат рака и да си честитаат еден на друг. Благодарам.“