Неофицијално, коалицијата предводена од СДСМ освои 46, а коалицијата предводена од ВМРО – ДПМНЕ 44 пратенички места
Неофицијално, коалицијата предводена од СДСМ освои 46 пратенички места, а коалицијата предводена од ВМРО – ДПМНЕ 44. Талат Џафери треба да свика конститутивна седница на Собранието најдоцна за 20 дена.
Во четвртата изборна едница каде што е и Радовиш, Коалицијата „Можеме“ неофицијално има освоено 77.188 гласови, додека коалицијата „Обнова“ 74.444 гласови. Според неофицијални информација Коалицијата „Можеме“ предводена од СДСМ во Радовиш има предност со околу 715 глас.
Со над три пратенички мандати над ВМРО-ДПМНЕ, СДСМ и коалицијата
„Можеме“ се победници на овие предвремени парламентарни избори, кажа лидерот на
СДСМ и поранешен премиер Зоран Заев синоќа на
прес конференција.
„Победи
иднината! Следува правда! Патот напред е потврден, на опасноста ѝ кажавме јасно
‘Не’“, кажа Заев.
Лидерот на ВМРО-ДПМНЕ и на опозицијата Христијан Мицкоски воопшто не излезе пред јавноста.Прес-конференција пред седиштето на ВМРО-ДПМНЕ одржа генералниот секретар Игор Јанушев кој рече дека имат освоено победа во поголем број на градови и населени места
Според пресметка на ДИК, базирана на првичните неофицијални резултати, коалицијата на СДСМ освоила 46 пратенички мандати, коалицијата на ВМРО-ДПМНЕ 44, ДУИ 15, Алијанса за Албанците и Алтернатива 12, Левица два и ДПА еден.
Според најновите неофицијални податоци од
Државната изборна комисија, од 3.421 од вкупно 3.480 избирачки места, коалицијата на СДСМ
победи со 324.084 гласови или 36,12%, пред коалицијата предводена од ВМРО-
ДПМНЕ со 312.745 гласа или 34,85 %.