Connect with us

Радовиш

Заврши бесплатниот курс по англиски јазик за ученици организиран од компанијата Солвеј, преку рудникот Бучим

Media Press

Објавено на

Заврши бесплатниот курс по англиски јазик за талентирани млади ученици организиран од компанијата Солвеј Инвестмент Груп преку рудникот за бакар Бучим во Радовиш.

На почетокот на годината, започна курсот по англиски јазик и им се даде можност на сите пријавени кандидати бесплатно да го усовршат своето знаење по англискиот јазик. Вкупно 17 ученици беа пријавени годинава и го започнаа курсот, од кои 11 останаа до самиот крај на курсот и успешно го завршија.

Заради ново настанатата ситуација, предизвикана од коронавирусот, изучувањето на англискиот јазик продолжи да се одвива преку онлајн настава.  Курсот по англиски јазик се одвиваше без прекин и во изминатите 4 месеци, учениците од Радовиш и Конче покажаа посветеност и интерес кон англискиот јазик и покрај тоа што наставата продолжи да се одвива онлајн.

Изминатите години, доделувањето на сертификатите се одвиваше со церемонија проследена со забава за учениците, но годинава, почитувајќи ги препораките и заштитните мерки, сертификатите се доделени на отворен простор, посебно на учениците од општина Конче и на учениците од општина Радовиш.

За последниот дел од изборниот процес, по завршувањето на курсот по англиски јазик, кандидатите ќе снимаат видео во времетраење од 90 секунди на англиски јазик, во кое тие треба да се презентираат себеси и да ги демонстрираат своите креативни вештини. Жири комисија од Салцбуршкиот фестивал и креативниот тим на Оперскиот камп, заедно со претседателот на управниот одбор на Солвеј Инвестмент Груп, ќе ги изберат шест финалисти – по двајца од секоја земја (Северна Македонија, Украина и Гавтемала), врз основа на нивното покажано знаење по англиски јазик и креативната вештина која што ќе ја прикажат. Најдобрите шест кандидати (по двајца од секоја земја) ќе станат стипендисти и ќе имаат можност за незаборавно патување кое ќе им овозможи да се втурнат во светот на операта, при првата можност по отварањто на границите и кога ќе биде безбедно за патување.

Сите изминатите години, финалистите беа дел од летниот оперски камп во Салцбург, но годинава, поради конорнавирусот летниот камп нема да може да биде реализиран, но сепак овогодишните финалисти на Солвеј ќе имаат прилика за посета на Салцбург, кога ќе биде можно и безбедно за патување.

Претседателот на управниот одбор на Солвеј Инвестмент Груп – Дан Бронштејн преку видео порака им го честиташе завршетокот на курсот на учениците и им вети дека на  финалистите ќе им овозможи да го доживееат незаборавното искуство во Салцбург, откако ќе биде безбедно за патување.

Радовиш

Малолетник физички ја нападнал неговата мајка

Media Press

Published

на

На 26.10.2026 во 13:40 часот во Радовиш, полициски службеници од СВР Струмица-ОВР Радовиш лишија од слобода 16-годишен малолетник од Радовиш. Според пријавеното, тој во семејниот дом физички ја нападнал неговата мајка. Извршен е службен разговор во присуство на родител и службени лица од Центар за социјални работи Радовиш. По документирање на случајот ќе биде поднесен соодветен поднесок.

Прочитај повеќе

Радовиш

ОГЛАС ЗА ВРАБОТУВАЊЕ: МАРТИ ХИГИЕНА СТРУМИЦА

Avatar

Published

на

МАРТИ ХИГИЕНА СТРУМИЦА има потреба од вработување на работно место:

ХИГИЕНИЧАРКА (за територија на Општина Радовиш)

УСЛОВИ ЗА РАБОТА:

Пријатна и колегијална работна средина

Целосно обезбедени материјали и реквизити за работа

3 слободни дена во неделата

Одлична / Екстра плата

Заинтересираните кандидати можат да се информираат и аплицираат на:

078/314-801

МАРТИ ХИГИЕНА – Професионална фирма за чистење и одржување на приватни и деловни објекти.

Прочитај повеќе

Радовиш

„КОПНЕЖ КОН СВЕТЛИНАТА“ самостојна изложба на уметникот Душан Коцев, во Радовиш

Media Press

Published

на

„КОПНЕЖ КОН СВЕТЛИНАТА“ 8-ма самостојна изложба на уметникот Душан Коцев од Радовиш која ќе се одржи во Музеј на љубовта и уметноста во Радовиш. Изложбата ќе биде отворена на 21.09 во понеделник, со почеток во 20:00 часот. Истата се организира во соработка со Центар за култура „Ацо Караманов“, Радовиш и Општина Радовиш.

Душан Коцев е сликар од Радовиш, роден 1959 година каде живее и работи. Рударски инженер кој активно 35 години работел во рудник Бучим, во моментот пензионер.

Како ликовен уметник активно работи 33 години, апстрактен експресионизам, кој претставува негов личен израз, а исто така успешно работи реализам и импресионизам.

Душан Коцев е главен иницијатор за обновувањето на Друштвото на ликовни уметници во Радовиш. Во 2014 година е избран за претседател на „Рада ДЛУР“ – Радовиш.

Како претседател на друштвото досега органзирал 11 меѓународни ликовни колонии во Радовиш од кои произлегле бројни ликовни дела.

Прочитај повеќе