Уште четири нови случаи на коронавирус, бројката се искачи на 13
Кризна состојба во општините Дебар и Центар Жупа, четири нови
пациенти од Дебар позитивни на корона вирус, соопшти министерот за здравство Венко Филипче, на заедничката
прес конференција со министерот за информатичко општество и администрација Дамјан Манчевски и со тоа вкупната бројка се зголеми на 13.
Министерот за
здравство Венко Филипче на прес конференција изјави дека овие четири случаи се поврзани со
брачната двојка од Дебар.
Јавното здравје е врвен приоритет и сите строго да ги почитуваат мерките, нагласи министерот за здравство Венко Филипче денеска во Владата и прогласи кризна состојба во Дебар и во Центар Жупа. Министерот, повторно нагласи да се почитуваат препораките за заштита од коронавирусот.
Министерот Филипче уште информираше дека патник, кој пристигнал на скопскиот аеродром – наш државјанин од Германија, бил изолиран заради регистрирана лесно покачена температура. Земен е материјал за испитување и изолирани се дел од луѓето кои седеле околу него согласно препораките.
Министерот за информатичко општество и администрација Дамјан Манчевски упати апел во насока на мерките за превенција од ширење на корона вирусот, што ги презема Владата, сите граѓани кои имаат потреба од услуги или различен вид на консултации со државните институции, тоа да го прават по електронски пат.
На Клиниката за
инфективни болести има вкупно девет пациенти, а првозаболената чии резултати се
негативни ќе биде пуштена на домашно лекување.