Радовиш
17 уметнички слики, изработени од уметниците на минатогодишната колонија, подарени на Општина Радовиш
Во знак на благодарност за повеќегодишната поддршка и покровителство на Меѓународната радовишка ликовна колонија „Св.Ѓеоргија“ која традиционално се одржува во Јуни на манастирскиот комплекс „Св.Георги“ во Ораовица, од страна на Здружението на ликовни уметници „РАДА-ДЛУР“ од Радовиш на ЕЛС општина Радовиш и беа дадени вкупно 17 уметнички слики, изработени од уметниците на минатогодишната колонија.
Прекрасните иметнички дела во име на општината ги прими градоначалникот Герасим Конзулов, кој во оваа прилика се заблагодари на сите уметници, учесници на колонијата.
Делата ги предаде на општината претседателот на ДЛУ „Рада“, Душан Коцев. Тој се заблагодари на градоначалникот Конзулов за подршката, од име на здужението.
Инаку минатата година на ликовната колонија учествуваа повеќе од 20 врвни ликовни уметници и тоа од Турција, Русија, Бугарија, Србија како и академски сликари од Македонија. Инспириани од прекрасната природа на манстирскиот комплекс Свети Ѓеоргиј, секогаш од оваа колонија излегуваат дваесетина прекрасни уметнички слики.
При предавањето на уметничките слики во кабинетот на градоначалникот Конзулов, беа присутни и секретарот на општината Драги Стојанов и советникот за култура Игор Чапов.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
Мицкоски од Охрид: Нашата цел е да ја вратиме Македонија во рацете на народот
Движењето ЗНАМ ја презентира програмата “Проглас за достоинствена Македонија”на митинг на градскиот плоштад во Куманово
Стартува изборната кампања за парламентарните избори
