Општинска организација на Црвен крст во
Радовиш ја одржа и
третата обука, по програмата ЦКА-ПХВ (Црвен
крст во акција промоција на хумани вредности). На овие обуки младите лица од 13 до 17 години, ученици во Општинските училишта во Радовиш, се стекнуваат со знаења и вештини како да ги
препознаат проблемите, да бараат решенија, како да направат проценка на
потребите на нивните целни групи, како правилно да помогнат на оние на кој им е
најпотребна нивната помош, и како сето тоа на крај правилно да го
документираат.
Од Црвен крст
во Радовиш очекуваат да се реализират најмалку пет прокети, кои треба
да бидат финализирани заклучно до 29 април 2020 година, а со кои ќе им се помогне на одредена катагорија граѓани
Изработката на проектите ќе следува
веднаш по завршувањето на обуките.
ЦКА-ПХВ
програмата претставува национална програма во која се вклучени младинци од 13
до 17 години, а воедно програмата
претставува и алатка за регрутирање на нови волонтери во Клубовите на млади. Во
целата држава секоја година се обучуваат околу 1200 млади луѓе, кои просек
изработуваат околу 150 мали прокети, преку кои се помага на околу 3500
луѓе на годишно ниво. Тие добиваат унифицирана обука за дејствување на терен, како
да ги препознаат проблемите, со цел изработка на мали
проекти за добробит на заедницата