Connect with us

Гевгелија

Започна санацијата на зградата во Гевгелија во која изгореа 6 стана

Media Press

Објавено на

По неполни пет месеци од пожарот што ја зафати станбената зграда на улица „Ристо Чадаров“ во Гевгелија, во која изгореа сите шест 6 станови во поткровјето, додека 6 станови на петтиот кат беа делумно оштетени, започна санацијата на зградата. Струмичката фирма „Металомонт“ започна со изградба на нов покрив и санација на опожарената зграда. Санацијата се изведува со средствата во износ од 400.000 денари, што со одлука на Советот на општина Гевгелија, веднаш по пожарот беа доделени за оваа намена. Исто така, и со дополнително донираните средства од поединци и фирми во Гевгелија. По тој повод станарите на опожарената зграда упатија благодарност до градоначалникот на општина Гевгелија Сашо Поцков, нагласувајќи дека без донираните средства зградата ќе станеше целосно нефункционална, дознаваме од Општина Гевгелија.
-Ситуацијата стана алармантна по последните дождови, но, тоа е резултат на одолговлекувањето на целата постапка за санација и изградба на покривот. Вистина е дека се работи за станови во приватна сопственост, но во зградата главно живеат пензионери со ниски примања. Не би сакала да замислам што ќе се случеше доколку ги немаше донираните 400.000 денари од општината и дополнително донираните средства од приватни правни лица, се вели во писмото со благодарност кое до општина Гевгелија го достави Јованка Прочковски во името на станарите од опожарената зграда.


Според потпишаниот договор на станарите со изведувачот санацијата треба да биде завршена во најскоро време. Инаку, покрај донираните средства за санација на зградата, општина Гевгелија, веднаш по пожарот, им донираше на станарите кои живееја и се затекнаа во становите по еднократна парична помош, обезбеди покрив над главата за оние станари кои немаа други можности, а организираше и ја поддржа акцијата за расчистување на опожарената зграда.

Гевгелија

Лишен од слобода за непоседување возачка дозвола

Media Press

Published

на

Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски  регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.

Прочитај повеќе

Гевгелија

МВР: Банкарски службеник од Гевгелија во 13 наврати присвоил пари од сметки на двајца корисници

Media Press

Published

на

Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава

ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.

Прочитај повеќе

Гевгелија

На железничка пруга во Гевгелија било пронајдено повредено лице мигрант

Media Press

Published

на

На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз. 

Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Прочитај повеќе