Connect with us

Земјоделие

Жените земјоделки за првпат ќе добијат неповратна финансиска поддршка од 3.000 евра

Виолета | Media Press

Published

on

Денеска Платежната агенција го објави Јавниот повик за доставување на барања за мерката 115 „Активен женски член во земјоделското домаќинство“, од Програмата за рурален развој за оваа година. Максималната финансиска поддршка е во износ од 180.000 денари или 3.000 евра во форма на грант. 

„Оваа мерка за финансиска поддршка на жените земјоделки се воведе за првпат, а целта е да се подобри економската состојба на жените, да се зголеми бројот на регистрирани жени, а со тоа подеднакво да придонесат во развојот на земјоделството. Мерката за развивање во последната година, со што се создадоа услови за објавување на јавниот повик. Очекуваме да има голем интерес за оваа мерка“, изјави министерот за земјоделство, шумарство и водостопанство, Трајан Димковски.

Крајниот рок за доставување на барањата е 26- ти декември 2019 – та година. Корисници на оваа мерка можат да бидат земјоделски стопанства чиј носител е жена, запишани во Единствениот регистар на земјоделски стопанства во Министерството за земјоделство, шумарство и водостопанство.

„ Со овие средства може да се набави опрема за постбербени активности за овошје и зеленчук, житарици и мелнички производи, растители и животински масла, шира и сок од грозје, вино, оцет, маџун, месо и месни производи, млеко и млечни производи, опрема за прием, собирање и чување, сортирање, чистење, миење, сушење, калибрирање на земјоделски производи. Прифатлива инвестиција е и набавка на опрема за ладење и замрзнување, за сечење, конзервирање, сушење, етикетирање на производи.  Со помош на средствата од оваа мерка може да се набавува и опрема за манипулација, утовар и истовар, ладилници, палети,  опрема за мерење и квалитет, опрема за подобрување на стандардите за благосостојба на животните, изјави директорот на Агенцијата за финансиска поддршка во земјоделството и руралниот развој, Николче Бабовски.

Дополнително,преку мерката„Активен женски член во земјоделското домаќинство“, се промовира и директна продажба или продажба од праг. За оваа мерка е подготвен и Правилник за флексибилност за производи од животинско потекло, којшто дава основа за продажба од праг. Со тоа идентитетот и квалитетот на производот којшто го произведуваат жените во руралните подрачја ќе дојде до израз.

прикажи повеќе
Advertisement

Земјоделие

Лозарите ќе добијат дополнителна субвенција од 2 денари за килограм предадено грозје

Виолета | Media Press

Published

on

Владата на вчерашната седница донесе одлука за нова дополнителна субвенција за килограм предадено грозје во регистрирани винарници. Висината на дополнителната субвенција оваа година ќе биде 2 денари за килограм и дополнително проширена. Конкретно, субвенцијата ќе биде наменета не само за винските сорти вранец и смедеревка, туку и за сортите кратошија, станушина, бургундец црн, жилавка и кадарка од реколта 2019.

Измените на Програмата за финансиска поддршка во земјоделството за 2019 година односно моделот за оваа дополнителна субвенција е донесен по повеќето разговори и консултации коишто Министерството за земјоделство, шумарство и водостопанство ги имаше со производителите на грозје, но и поради проблемите коишто тие ги имаа со цената за килограм винско грозје  од сушата која што го намали приносот на грозје од реколта 2019 година.

Дополнително, на вчерашната владина седница се усвоија измените на Уредбата за поблиски критериуми за директни плаќања, со коишто се продолжува рокот за поднесување на барања за субвенции за произведено и продадено кравјо, козјо и овчо млеко, како и за амортизирани несилки заклани во регистрирани кланични капацитети. Односно наместо до 5-ти ноемрви, сточарите за овие мерки ќе можат да конкурираат до 22 –ри ноември 2019 година Продолжувањето на роковите е  поради тоа што во дадените рокови земјоделските стопанства не беа во можност да ги остварат своите права за финансиска поддршка по овие подмерки.

Continue Reading

Земјоделие

Обезбедени нови 915 милиони денари за исплата на субвенции за земјоделците

Марија | Media Press

Published

on

Нови 915 милиони денари ќе им се исплатат на земјоделците со ребалансот на Буџетот, предвидува Предлог – програмата за изменување и дополнување на Програмата за финансиска поддршка во земјоделството за 2019 година, усвоена на вчерашната седница на Владата.

Конкретно, за исплата на субвенциите за произведено и предадено кравјо, овчо и козјо млеко за периодот од јануари до април 2018 година,со ребалансот се обезбедени 179 милиони денари. 50 милиони денари се обезбедени за производителите на оризова арпа кои своето производство го имаат предадено кај регистрирани откупувачи.

Со ребалансот се обезбедени 288 милиони денари за исплата на финансиска поддршка за сите земјоделци кои не се исплатени од претходните години за обработлива земјоделска површина (поледелци, градинари, лозари, овоштари), производители на семе и саден материјал, субвенции по грло добиток односно за земјоделците кои имаат говеда, овци, кози, свињи, пчелни семејства и живина.

За исплата на субвенциите за земјоделците кои градинарските производи ги имаат предадено во преработувачки капацитети за периодот од 26 декември 2017 година до 25 декември 2018 година, се обезбедени 151 милиони денари, а 7 милиони денари за исплата на субвенциите за предадени домати во преработувачки капацитети.

Со ребалансот на буџетот ќе се исплатат 40 милиони денари за субвенции за откупената пченица од родот 2018 година од домашно производство која е откупена од регистрирани откупувачи. 160 милиони денари се обезбедени за исплата на субвенцијата за производителите на јаболка од реколта 2018 година. 

За исплата на субвенцијата за под-мерката за депопулација на свињите, со ребалансот се обезбедени 40 милиони денари, со што ќе бидат обештетени сите земјоделци кои своите свињи ги чуваат во услови кои не ги исполнуваат биосигурностите стандарди за чување и произодство на свинско месо.

Со овие последни измени буџетот за земјоделство за 2019 година ќе изнесува 7 милијарди денари соопшти владината прес-служба.

Continue Reading

Земјоделие

Добар и квалитетен род на пченицата од овогодишната реколта

Марко | Media Press

Published

on

“Годинава според последните податоци вкупно се ожнеани  67.833 хектари или 92% од вкупната жетвена површина која изнесува 73.479 хектари,  рече Министерот за земјоделство, шумарство и водостопанство, Трајан Димковски кој заедно со  директорот на Агенцијата за финансиска поддршка во земјоделството и руралниот развој, Николче Бабовски, остваруваат посета на населените места со цел да се запознаат подетално со производството на пченица од овогодинешната реколта.

Сето слободно земјоделско земјиште го ставаме на располагање на вистинскиот земјоделец”- Изјави министерот Димковски.

Димковски потсети дека до денеска се поделени 34.000 персонализирани картички,со сума од 88 милиони денари, а до крајот на месец август се очекува бројката да достигне до 55.000 картички со што кај земјоделците се враќаат вкупно 200 милиони денари.

Директорот на Агенцијата за финансиска поддршка во земјоделството и руралниот развој, Николче Бабовски рече дека:

“Агенцијата за финансиска поддршка во земјоделството и руралниот развој, успеа да ги исплати досега сите основни мерки за субвенции од програма за 2018 година а веќе се спрема за исплата и на дополнителните мерки, а до овој момент има исплатено 300милиони евра средства преку мерките што ги спроведува, а тука спаѓаат и заостанатите субвенции од изминатите години од 2012, 2013, 2014, 2015 и 2016.”- Изјави Бабовски.

Continue Reading