Connect with us

Македонија

Рурална Коалиција додели сертификати на 25 жени кои беа дел од првата академија за жени -претприемачки од руралните средини

Media Press

Published

на

25 жени од руралните средини во периодот од мај до септември 2022 година, активно беа вклучени во првата Меѓународна академија за жени-претприемачки од руралните средини. Првата академија за жени претприемачки од руралните средини Dream Builder ја организира Амабасадата на САД во Република Македонија во партнерска соработка со Рурална Коалиција.

По тој повод Рурална Коалиција на сите 25 жени им додели сертификати на одбележувањето на Меѓународниот ден на руралната жена, 15 октомври, притоа беше потпишана и декларацијата на Руралното Женско Лоби како активна заложба за заедничко делување и застапување за унапредување на родовата еднаквост и економското јакнење на жените од руралните средини,  како производителки на храна.

„Низ 13 вкупно модули водени од страна на фасилитаторки, 25 жени успеаjа да го поминат процесот на изработка на бизнис план, да размислуваат за унапредување на сопственото производство, да разменуваат меѓусебно знаења и искуства. Академија за жени претприемачки (AWE 2022), е иницијатива на Бирото за Образование Култура на Министерството за надворешни работи на владата на САД која го имплементира овој проект во над 90 земји во светот поддржувајќи повеќе од 16 000 жени,  кај нас за прв пат преку партнерска соработка со Рурална Коалиција“ рече Лилјана Јоноски извршна директорка на Рурална Коалиција, која додаде дека декларацијата ќе ја почитуваат и потпишат сите жени кои што ќе станат дел од Руралното Женско Лоби кое што делува и ја јакне родовата компонента во Рурална Коалиција.

Со доделувањето на сертификатите Рурална Калиција го одбележа успехот на жените од руралните средини, но и порача дека локалните хероини во производството на храна се токму тие, по што жените ги споделија нивните приказни.

Настанот се одржа во ресторан Амбиент, во село Пишица, Пробиштип којшто исто така е раководен од рурална жена!

Првата академија за жени претприемачки од руралните средини Dream Builder ја организира Амабасадата на САД во Република Северна Македонија во партнерска соработка со Рурална Коалиција, додека пак поддршката за унапредување на активностите и делувањето на Руралното Женско Лоби се дел од проектот „Со европско знаење до подобрена родова еднаквост во локалната заедница“,  имплементиран од Рурална Коалиција, а поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“.

Македонија

287 санкции за брзо возење биле изречени во теков на вчерашниот ден

Media Press

Published

на

287 санкции за брзо возење биле изречени во теков на вчерашниот ден на територијата на Република Македонија

Како што информира  Министерството за внатрешни работи вчера била  спроведена акциска контрола на територијата на државата, за санкционирање на возила кои се движат со брзина поголема од дозволената, при што санкционирани биле 287 возачи.

Од нив пет возила се движеле со брзина над 50 километри на час повеќе од дозволеното. Притоа 172 возила ја пречекориле брзината во населено место, а 115 надвор од населено место.

Од МВР информираат дека сообраќајните контроли продолжуваат и во наредните денови. Апелираат до сите учесници во сообраќајот да ги почитуваат сообраќајните правила и прописи за побезбедни патишта.

Прочитај повеќе

Македонија

Ковачевски: Откупот на тутунот годинава стартува со над 26% повисока цена

Media Press

Published

на

Просечната откупна цена на тутунот во моментот е 252,80 ден/кг или во однос на 2021 година е за 26,12% (200,44 денари/кг) повисока, рече премиерот Димитар Ковачевски денеска во одговор на пратеничко прашање. Ковачевски рече дека тутунот е наша стратешка извозно ориентирана гранка и во изминатите пет години бележи стабилно и одржливо производство, а Владата обезбедува мерки кои даваат позитивни резултати.

“Законски откупот треба да почне најдоцна до 15-ти декември, годинава откупот на тутунот од реколтата 2022 годинава започнува од понеделник и можам да кажам дека според податоците од Државниот инспекторат за земјоделство, годинешниот откуп стартува со позитивни бројки од аспект на планирано количество на откуп и откупна цена на тутунот.

Динамиката за откуп е многу поголема во споредба со претходната година и согласно Законот за тутун, производи од тутун и сродни производи, откупот на тутунот произведен во тековната година започнува во сите откупни пунктови кои се пријавени најдоцна до 15-ти декември во тековната производна година и завршува најдоцна до 28-ми февруари во наредната година (односно најдоцна до 31-ви март за вишок на произведен тутун на договорените површини за производство на тутун).

Оваа година откуп на тутун ќе вршат десет компании кои се пријавени на 200 откупни пунктови низ државата.

Податоците покажуваат дека ова година има повеќе склучени договори за откуп за разлика од претходната година. За реколта 2022 година склучени се 29.653 договори што е за 7% повеќе од лани кога биле склучени 27.712 договори. Пораст има и кај договорената површина каде што има зголемување за 14,14 %.

Оваа година се очекува да се откупи 21.000 тони тутун што е за 12,5 %  повеќе од лани кога се откупиле 18.662 тони тутун. Се очекува тутун со подобар квалитет во однос на минатата година“, рече во својот говор Ковачевски.

Прочитај повеќе

Економија

Просечната исплатена нето-плата во септември годинава изнесувала 32 553

Media Press

Published

на

Просечната исплатена нето-плата по вработен, во септември годинава изнесувала 32 553 денари и е за 12,8 отсто повисока од истиот месец лани, покажуваат податоците на Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (19.1 %), Објекти за сместување и сервисни дејности со храна (18.8 %) и Преработувачка индустрија (17.9 %).

Минималната синдикална кошница која ја пресметува Сојузот на синдикати на Македонија (ССМ) изнесува 50.224 денари за септември.

Од ССМ предупредуваат дека инфлацијата излегла од контрола и дека според последните пресметки достигнала 18.7 отсто, владата, како што велат, не преземала ништо во изминатиот период да се спречи галопирачкиот раст, додека трендот на осиромашување на работниците и граѓаните никој не го спречува туку напротив газдите се закануваат со откази.

Прочитај повеќе