Connect with us

Гевгелија

Отворено ново акутно одделение во Психијатриската болница Негорци кај Гевгелија, за акутни состојби во психијатријата

Media Press

Објавено на

 На настанот присуствуваа министерот за здравство, д-р Венко Филипче, државниот секретар, д-р Владимир Милошев и градоначалникот на општина Гевгелија Сашо Поцков.

Новото одделение е изградено на локацијата на поранешното одделение од дрвена конструкција, кое беше значително оштетено. Зафаќа површина од 560 м² и е енергетски ефикасно, со термоизолациска фасада, квалитетна столарија, соларен систем и панелен покрив со највисок изолациски коефициент.
Одделението е изградено согласно меѓународни стандарди и искуства за акутно одделение, со поделба на машки и женски пациенти, посебни простории за доктор, сестри и болничари и има посебна соба за фиксација, согласно препораките на Народниот правобранител. Вкупната сума за оваа инвестиција изнесува над 11 милиони денари.

Министерот  Венко Филипче најави дека поддршката на оваа институција ќе продолжи и во наредниот период не само во делот на инфраструктурните зафати, туку и во зајакнувањето на кадровскиот капацитет. Во изминатиот период  покрај реконструкцијата на одредени одделенија  бил примен и нов персонал со што капацитетот на болницата бил зголемен за 10% кога се во прашање докторите и медицинските сестри.

 Во Психијатриската болница-Негорци, во изминатиот период, беше извршена уште една комплетна внатрешна реконструкција на хронично одделение со површина од 450 м². Во ова одделение поставени се нови подови и плочки, целосно нови купатила и тоалети и извршено е реновирање на целата површина на ѕидови и тавани. Исто така, поставена е целосно нова столарија и соларен систем за целото одделение. Вредноста пак на овој инвестициски зафат изнесува 3.045.580 денари.
Покрај инфраструктурните зафати за подобрување на условите за престој и лекување, во оваа здравствена јавна установа извршена е и обнова на стручниот кадар. Во Психијатриската болница се вработени еден специјалист-психијатар, двајца доктори на медицина, пет медицински сестри, еден дипломиран психолог, еден дипломиран социјален работник и еден дипломиран биохемичар.

Гевгелија

Лишен од слобода за непоседување возачка дозвола

Media Press

Published

на

Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски  регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.

Прочитај повеќе

Гевгелија

МВР: Банкарски службеник од Гевгелија во 13 наврати присвоил пари од сметки на двајца корисници

Media Press

Published

на

Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава

ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.

Прочитај повеќе

Гевгелија

На железничка пруга во Гевгелија било пронајдено повредено лице мигрант

Media Press

Published

на

На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз. 

Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Прочитај повеќе