Connect with us

Струмица

ИЗВЕСТУВАЊЕ ДО ГРАЃАНИТЕ НА ОПШТИНА СТРУМИЦА за зголемено присуство на отпадна стара бела техника, електроника

Media Press

Објавено на

По состојбите констатирани при спроведувањето на вонредни инспекциски надзори на терен во последниот период се забележува зголемено присуство на отпадна стара бела техника, оставање на отпад на несоодветни места и создавање на диви депонии, како и неовластено расклопување на отпадната електрична и електронска опрема на места кои не се наменети за таква активност.

Ваквото постапување претставува ризик за животната средина и може да доведе до неконтролирано издвојување и согорување на материјали и создавање на дополнително загадување.

ТРГОВЦИТЕ СЕ ДОЛЖНИ ДА ЈА ПРЕЗЕМААТ СТАРАТА ОПРЕМА

При купување на нов електричен или електронски уред, граѓаните имаат право старата опрема да ја предадат на трговецот, согласно законски утврдениот принцип „еден за еден“.

При достава на новата опрема, трговецот е должен, под условите утврдени со закон, да овозможи и преземање на старата опрема од местото на доставата.

ГРАЃАНИТЕ – НЕ ЈА ПРЕДАВАЈТЕ ОПРЕМАТА НА НЕОВЛАСТЕНИ ЛИЦА!

Согласно законските обврски на крајните корисници, отпадната електрична и електронска опрема треба да се предава преку законски воспоставениот систем за собирање, односно кај трговецот при набавка на нова опрема или на определено место за собирање.

– НЕ ја предавајте старата опрема на лица за неовластено расклопување и издвојување на метали.

– НЕ ја расклопувајте сами.

– НЕ ја палете и не ја согорувајте!

Неправилното расклопување и особено согорувањето на електричната и електронската опрема може да предизвика загадување на воздухот, почвата и водата и да претставува ризик за здравјето на луѓето.

СТАРИОТ УРЕД – ПРЕДАДЕТЕ ГО НА ПРАВО МЕСТО!

Со правилното постапување:

спречуваме неовластено расклопување;

спречуваме согорување и загадување;

овозможуваме рециклирање и правилен третман на отпадот;

ја заштитуваме животната средина и здравјето на граѓаните.

ОПШТИНА СТРУМИЦА ГИ ЗАСИЛУВА КОНТРОЛИТЕ

Општина Струмица, преку општинските инспектори и Секторот за инспекциски работи, ќе ги засили инспекциските контроли кај трговците со електрична и електронска опрема, како и контролите на терен, со цел да се обезбеди почитување на законските обврски, да се спречи неовластено собирање и расклопување на отпадот и да се поттикнат граѓаните правилно да ја предаваат отпадната опрема.

Ова известување има за цел превентивно делување, подигнување на јавната свест и поттикнување на одговорно однесување на сите граѓани и трговци.

ЗАЕДНО ДА СПРЕЧИМЕ ДИВИ ДЕПОНИИ, РАСКЛОПУВАЊЕ И ГОРЕЊЕ НА ОТПАД!

Предадете го на законски определен начин.

За чиста Струмица – отпадот на вистинското место!

Постапувањето со отпадната електрична и електронска опрема е уредено со Законот за управување со електрична и електронска опрема и отпадна електрична и електронска опрема („Службен весник на РСМ“ бр. 176/21 и 73/24).Во таа насока, согласно член 12 а во врска со член 67 од Законот за инспекциски надзор, Општина Струмица преку Секторот за инспекциски работи презема превентивни активности со цел навремено информирање на граѓаните и спречување на постапувања со кои се загрозува животната средина

прикажи повеќе

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе