Радовиш
Радовиш дишеше во знакот на „Вински двор“: Три дена врвно вино, со убава македонска музика и урбан дух
Објавено на
Од
Media Press
РАДОВИШ, 20 јули 2026 – Изминатиов викенд, од 17 до 19 јули, Радовиш беше центар на винската магија и урбаниот дух. Успешно се одржа првото издание на манифестацијата „Вински двор“, настан кој донесе нова културна димензија во градот и привлече голем број граѓани и гости од целиот регион.
Организатор на овој тридневен спектакл, кој за првпат се одржува во ваков формат во Радовиш, е Здружението на граѓани за промовирање на манифестации, фестивали и културни настани „ГРАЃАНСКИ КВАРТ“. Под покровителство на Општина Радовиш, поточно поддршката од градоначалникот Љупче Почивалец и донесената одлука на советниците во Советот на општина Радовиш, кои ја препознаа важноста од ваков проект.

Градоначалникот Почивалец со винско наздравје ги поздрави присутните
На официјалното отворање на манифестацијата, градоначалникот Љупче Почивалец срдечно ги поздрави сите присутни гости, како и винариите кои зедоа учество на овој настан. Со традиционално винско ,,наздравје“, тој им посака успешна презентација на излагачите и убави празнични вечери на радовишани.

Локална гордост: Винарија „Кукутанов“
Посебен акцент и гордост на манифестацијата беше учеството на нашата радовишка Винарија „Кукутанов“, која е вистински плод на компетентни професионалци и врвни енолози.
„Учествуваме во вакви настани за да дадеме убава димензија и да помогнеме во развојот на винската култура. Иако кај нас оваа култура сè уште масовно се развива, ние како винарија во големите кругови уживаме огромна почит. Радовиш дефинитивно има сериозни вински корисници. А виното не се учи од книга, туку се учи само преку дегустација. Ова е навистина многу културен настан,“ истакна сопственикот Ѓорги Кукутанов.
За целосното уживање да биде комплетно, покрај добрите капки вино, присутните имаа можност да дегустираат и храна.

Како најприкладно мезе за врвните вина се покажаа производите на „Гонев“ (GONEV THE MODERN NOMAD), кој исто така беше присутен со својот препознатлив концепт.
„Граѓански кварт“ воодушевени од радовишкиот менталитет
Организаторите од здружението „Граѓански кварт“, кои за првпат организираат ваков настан во Радовиш, не го криеја своето воодушевување. Тие упатија исклучително позитивни зборови за менталитетот и гостопримливоста на радовишкиот народ, а особено значење и благодарност им дадоа на Винарија „Кукутанов“ и брендот „Гонев“ за нивниот огромен придонес во креирањето на врвната приказна.
Три вечери исполнети со богата музичка програма
Атмосферата во текот на трите вечери беше доведена до усие благодарение на одличниот музички избор. На сцената на „Вински двор“ продефилираа еминентни имиња од македонската естрада: Викторија Бенд, Пауза за Ракија, Куку Леле , Троја, Суперхикс, Диџеј Карлито
Успешната синергија меѓу граѓанскиот сектор и локалната самоуправа се поставија одлични темели „Вински двор“ да прерасне во традиционален бренд по кој Радовиш ќе биде препознатлив на туристичката и културната мапа на Македонија.
Поврзани содржини
Радовиш
ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет
Published
4 часа agoна
ноември 16, 2026By
Media Press
Во чест на еден од најзначајните великани на македонската национална и јазична мисла, Крсте Петков Мисирков, во ОНБ „Браќа Миладиновци“ – Радовиш, се одржа научна трибина посветена на неговиот живот, дело и визија.
Трибината беше организирана од библиотеката „Браќа Миладиновци“ , во соработка со Комисијата за култура, образование и спорт на општина Радовиш.
На темата „Мисирков и неговата визија за македонската иднина“ говореа проф. д-р Елка Јачева-Улчар и проф. Јовица Илиќ, кои преку своите излагања го доближија ликот и делото на Крсте Петков Мисирков пред присутните. Модератор на настанот беше Гордана Здравкоска која со професионален пристап, внесе јасност и динамика на настанот.
Преку внимателно осмислените воведувања, промислените прашања и умешното поврзување на излагањата, таа овозможи темата да биде осветлена од различни аспекти, а мислата на Мисирков да се согледа во нејзината историска, јазична и национална длабочина.
Оваа средба имаше и посебна историска симболика. Се одржа непосредно пред 18 ноември, денот на раѓањето на Мисирков во 1874 година, а во годината кога се навршуваат 100 години од неговата смрт (26 јули 1926 година).
Во топла и пријатна атмосфера, исполнета со почит кон македонското историско и културно наследство, трибината обедини гости, пријатели и колеги македонисти во заедничко чествување на личноста чии идеи оставиле длабока и трајна трага во македонската историја.
Радовиш
Кривична пријава за „фалсификување службена исправа“ против двајца полициски службеници од ОВР Радовиш
Published
2 недели agoна
октомври 30, 2026By
Media Press
СВР
Струмица-ОВР Радовиш, до ОЈО ГОКК, поднесе кривична пријава против Б.Ч.(31) од
село Конче, радовишко, поради постоење на основи на сомнение дека сторил
кривично дело „фалсификување службена исправа“ по член 361 и против Б.Б.(38) од
Радовиш дека сторил кривично дело „соизвршителство“ по член 22, а во врска со
„фалсификување службена исправа“ од Кривичниот законик.
На 13.10.2026, пријавените, полициски службеници од ОВР Радовиш, изготвиле
и приложиле службен извештај со невистинити податоци. Имено, по завршување на
службената задача која им била доделена, подготвиле извештај во кој навеле
период од смената во кој не постапувале по наредбата, а во делот за
контролирани возила внеле податок дека имаат извршено контрола над седум
возила. Таквиот извештај бил потпишан од одговорниот полициски службеник,
првопријавниот Б.Ч.. Во прилог на писмениот извештај доставиле табеларен
преглед во кој имале внесено податоци за контролирани возила со марка,
регистарски ознаки и лице кое го управувало, а времето на контрола кај дел од
возилата било во период за кој претходно сами писмено во извештајот навеле дека
не постапувале по задачи од наредбата. Од дополнително преземените мерки и
извршени разговори со лицата наведени како возачи е утврдено дека на тој датум
не биле запрени и контролирани од полициски службеници.
Радовиш
АХВ со вонредни контроли во месарниците – во Радовиш и Пепелиште одземени околу 2 тони месо и производи од месо
Published
3 недели agoна
октомври 29, 2026By
Media Press
Инспекциските служби на Агенцијата за храна и ветеринарство вчера, спроведоа вонредни инспекциски контроли во малопродажни објекти за месо, подготовки и преработки од месо на подрачјето на Општина Радовиш и кај физичко лице во неготинското село Пепелиште, кое произведувало и преку социјалните мрежи продавало димени месни производи и чварки.

При контролите во Радовиш одземени се околу 2 тони небезбедно свежо и замрзнато месо и подготовки од месо, кои денес ќе бидат уништени на депонијата „Дрисла“.
Во Пепелиште, од физичко лице кое вршело неодобрена дејност од страна на Агенцијата – производство на димени месни производи и чварки, одземени се дополнителни 50 килограми подготовки од месо (печеница, кулен, димена сланина и сл).
Одземените производи се без декларација за потеклото и биле чувани и преработувани во несоодветни и нехигиенски услови, што претставува сериозен ризик за безбедноста на храната и здравјето на потрошувачите.
Надлежните институции продолжуваат со спроведување на инспекциски контроли со цел заштита на здравјето на граѓаните и спречување на нелегално производство и промет на небезбедна храна.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!













