Connect with us

Македонија

Перински и Димовска договорија заеднички активности за поддршка на општините, младите и иновациите

Media Press

Објавено на

Министерот за локална самоуправа, Златко Перински, оствари работен состанок со директорката на Агенцијата за иновации, научно-технолошки развој и претприемништво – ИНОВА, Даниела Димовска, на кој беа договорени повеќе заеднички активности насочени кон јакнење на капацитетите на општините, поголемо вклучување на младите и поттикнување на примената на иновативни решенија во локалниот развој.

Како една од првите заеднички активности беше договорена реализацијата на програмата „Месеци на практиканство“, која ќе се спроведува во текот на август и септември. ИНОВА, во соработка со државните универзитети, ќе го координира вклучувањето на студентите во програмата, додека Министерството за локална самоуправа, преку Ресурсниот центар за поддршка на општините и во рамки на воспоставениот меморандум за соработка со државните универзитети, ќе ја организира и координира нивната практична работа во општините, согласно потребите на општинските администрации.

Целта е општинската администрација да стане подостапна за младите, а студентите одблиску да се запознаат со нејзиното функционирање и надлежности. Воедно, нивното академско знаење, новите идеи и современите пристапи ќе претставуваат дополнителна вредност за општините, со потенцијал да придонесат за унапредување на одделни административни процеси и услуги.

Еден од најзначајните сегменти во рамки на договорената соработка е заедничкото креирање на јавни повици кои ќе произлегуваат од реалните потреби на општините. Врз основа на конкретните локални предизвици ќе се дефинираат повици за развој на иновативни решенија, при што ИНОВА преку своите грант-програми ќе обезбедува финансиска поддршка за стартапи, иновативни компании и претприемачи кои ќе понудат практични и применливи решенија.

Дополнително, двете институции ќе воспостават механизам преку кој Центрите за развој на планските региони ќе станат регионални информативни точки на ИНОВА. Преку оваа мрежа, сите јавни повици, програми и можности што ги нуди ИНОВА ќе бидат достапни и промовирани до граѓаните, младите, претприемачите и компаниите на локално ниво, овозможувајќи поголема достапност до информациите и услугите.

Со оваа соработка Министерството за локална самоуправа и ИНОВА воспоставуваат функционална рамка преку која локалната самоуправа, академската заедница и привтниот секторот вклучен во делот на иновации ќе работат интензивно и координирано. Целта е знаењето, иновациите и новите технологии да бидат ставени во функција на развојот на општините и создавањето поквалитетни услуги за граѓаните.

прикажи повеќе

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе