Connect with us

Струмица

Општина Струмица нуди бесплатен приклучок и субвенции за секој кубик гас

Media Press

Објавено на

„Струмица гас“ ја прошири секундарната мрежа кај „Наум Наумовски Борче“ – Општина Струмица нуди бесплатен приклучок и субвенции за секој кубик гас

Јавното претпријатие за енергетска дејност „Струмица гас“ успешно ја заврши изградбата на нова делница од секундарната гасоводна мрежа на потегот помеѓу улиците „Наум Наумовски Борче“ и „Народен Борец“. На самата локација денеска се извршија финалните технички испитувања за исправност и функционалност на инфраструктурата пред нејзино официјално пуштање во употреба.

Новата траса е со должина од околу 100 метри и на неа веднаш е реализиран нов приклучок на домаќинство (физичко лице). Во изминатиот период претпријатието реализираше уште еден приклучок на физичко лице на улицата „Мануш Турновски“, а во текот на месец март беше изградена уште една клучна делница во должина од 100 метри во Индустриската зона „Север“, наменета за потребите на локалното стопанство.

Директорот на ЈП „Струмица гас“ ја истакна одличната соработка со Општина Струмица и упати силен апел до граѓаните масовно да ги искористат поволностите што се нудат за транзиција кон еколошки чисти енергенси.

„Општина Струмица во целост го субвенционира износот за нов приклучок на физички лица, што значи дека за граѓаните самиот приклучок до нивните домови е комплетно бесплатен. Дополнително, со цел да го олесниме семејниот буџет, Општината директно ги субвенционира и месечните сметки со 10 денари по потрошен кубен метар гас. Ова се конкретни мерки кои директно влијаат врз намалување на трошоците за живот на нашите сограѓани“, истакна директорот.

Од претпријатието испратија и остра порака во однос на заштитата на животната средина, нагласувајќи дека гасификацијата не е само инфраструктурен проект, туку итна борба против аерозагадувањето во градот.

„Повеќе нема време за чекање и изговори. Секој оџак што чади во зима е директна закана за здравјето на сите нас и на нашите деца. Природниот гас е еколошки чист и безбеден енергенс, а секој нов метар мрежа и секое ново приклучено домаќинство значат еден оџак помалку кој го труе воздухот во Струмица. Преминот кон природниот гас е наша заедничка граѓанска и еколошка должност“, се вели во соопштението.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе