Connect with us

Радовиш

ОИК ги додели уверенијата на новиот градоначалник на Општина Радовиш Љупче Почивалец и на новите членовите на Советот на Општина Радовиш

Media Press

Објавено на

ОИК во Радовиш денеска ги додели уверенијата на новиот градоначалник на Општина Радовиш Љупче Почивалец и на членовите на новиот состав на Советот на Општина Радовиш.

Почивалец кој во првиот круг на локалните избори имаше убедлива победа со над 2500 гласа повеќе од својот противкандидат, ќе го заземе местото на актуелниот градоначалник Ацо Ристов и ќе ја води Општина Радовиш во следните 4 години. Тој побара поддршка од сите советници да работат во интерес на граѓаните.

„Во мојот мандат ќе работиме посветено и одговорно, со јасна визија и цел – да ја направиме нашата општина подобро место за живеење. Ќе вложиме труд, енергија и знаење за реализирање на проекти кои ќе донесат вистински развој и подобар стандард за сите граѓани.

Им честитам на новоизбраните советници и им посакувам успешна и заедничка работа. Заедно, јас како градоначалник и советниците, ќе се залагаме за подобра и поразвиена општина – со проекти, идеи и иницијативи во интерес на сите граѓани“ рече Почивалец.

Уверенијата беа доделени и на 19 –те советници кои во следните 4 години ќе донесуваат одлуки во интерес на граѓените како и што ветуваа во текот на изборниот процес.

ВМРО ДПМНЕ со коалицијата доби 9 мандати, СДСМ – 5 мандати, Левица – 2 мандати, ДПТ – 2 мандати и Граѓанска иницијатива, Грин 1 мандат.

Во новиот состав на Советот ќе бидат следните советници: Гордана Здравкоска, Герасим Конзулов, Гоце Дединец, Горан Ѓоргиев, Љупка Трајкова, Симона Цветаноски, Селман Јусуфов, Светлана Василева, Коце Иродов, Офелија Илиева, Илија Сусинов,  Ванчо Ристов, Сара Томов, Ѓорѓе Бораниев, Сулиман Јашар, Еџе Омерова, Драги Ѓоргиев, Камелија Јанева и Татјана Ѓозева. 

Почивалец побара во текот на оваа недела да се одржи и конститутивна седница, со цел да се започне веднаш со работа бидејќи претстојат значајни културни и спортски активности во овој период, како што се одржување на Манифестацијата „Самун ем татлија“, Шестономевриски турнир по повод одблежување на 6-ти Ноември и Караманови поетски средби.

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе