Connect with us

Избори 2025

Јанков: Со заокружување на бројот 9 започнува создавање на нова иднина во Струмица

Media Press

Објавено на

Петар Јанков, кандидат за градоначалник за општина Струмица од редовите на ВМРО-ДПМНЕ, на одржаниот митинг синоќа, во рамките на изборната кампања, под слоганот „Вистинскиот избор! Твојот човек! Твоето место! За твојата иднина!“, истакна дека време е за политички пресврт и промена во Струмица која ќе ја врати довербата кај граѓаните и дека граѓаните на Струмица се подготвени за нова политичка страница во градот.

„Повеќе од јасно е дека граѓаните сакаат промена. Со секојдневните средби кои ги имам, ја гледам надежта во вашите очи. Време е за политички пресврт кој ќе ја врати довербата кај граѓаните. Да ја отвори вратата за политика на вредности,  чест и промена. И токму оваа визија нè обединува дека иднината на Струмица мора да се гради заедно, без поделби и со јасни цели“, рече Јанков.

Јанков исто така наброи дел од проектите на изборната програма а најголемиот фокус е ставен на инфраструктурата, здравството, борбата со загадениот воздух, уредување на паркови, како и дигитализација на општинските услови и работата на општинскиот Совет.

„Им ветив дека за овие избори ние имаме  конкретен план за иднината на градот. Нашата програма ги опфаќа речиси сите области од општественото живеење, од инфраструктура, образование, животна средина, енергетска ефикасност, спорт,  туризам, социјала и здравство. Да инвестираме во модерна инфраструктура, во нови улици и јавни простори, да се погрижиме за борбата со загадениот воздух и да го решиме проблемот со водата  за пиење. Преку конкретни мерки, субвенционирања, мерни станици и акредитации за лабаратории. Да уредиме нови паркови, зелени зони и јавни простори за сите генерации, да се грижиме за образованието преку  изградби на нови училишта,  спортски сали и базен. Реконструкции и реновирања на повеќе образовни објекти, да ги отвориме вратите за нови инвестиции и работни места, да ги дигитализираме општинските услови и работата на општинскиот совет со цел транспарентно и отворено работење. И уште многу други проекти кои ја чекаат светлината на денот“, истакна Јанков.

На крај Јанков повика на обединување и заокружување на бројот 9 со цел создавање на нова просперитетна иднина во општина Струмица.

Избори 2025

СДСМ: Мицкоски да одговори дали со Британија е договорено прифаќањето на мигранти и мигрантски кампови во Македонија?

Media Press

Published

на

-Македонската влада, која неколку дена престојуваше во Велика Британија, избегнува да даде одговори на клучните прашања кои го потресуваат регионот, а тоа е дали и што е договорено во однос на прифаќањето на мигранти и отворањето на мигрантски кампови во Македонија, прашуваат од СДСМ на прес -конференција.

„Според информациите кои ги имаме од Британија, но и оние кои јавно ги објавија реномираните британски медиуми, фокусот на средбите на британската влада било токму ова прашање, но од нашата влада нема ниедна точна информација. Ова е јасен знак дека повторно на оваа тема нешто се крие. Мицкоски одбил да разговара на оваа тема со реномираниот медиум „Тајмс“ и вчера дал само штур одговор за македонската национална телевизија.

Според информациите од Лондон, Велика Британија нуди стратешки инвестиции за земјите од регионот, но тоа доаѓа со разговори и понуди за отворање на кампови за мигранти. Бидејќи нашата влада веќе речиси цела година договара ваков тип на заеми и инвестиции, најави кредит од 7 милијарди евра од Британија, Мицкоски веќе не може да се крие и мора јасно да одговори:

Што точно се разговара на темата мигранти и кампови за мигранти?

Дали е точно дека со договорот за заем има и друг договор за мигрантите кој владата не го соопштува?“ велат од СДСМ.

Прочитај повеќе

Избори 2025

ВМРО-ДПМНЕ оствари историски резултат, по 20 години, победа во прв круг во бастионот на СДСМ, Струмица и во 33 општини

Media Press

Published

на

ВМРО-ДПМНЕ оствари историски резултат, по 20 години, победа во прв круг во бастионот на СДСМ, Струмица и во 33 општини

Овие локални избори ВМРО-ДПМНЕ оствари историски резултати. По 20 години ВМРО-ДПМНЕ победи во бастионот на СДС, Струмица. Уште во првиот круг кандидатот на ВМРО-ДПМНЕ, Петар Јанков освои градоначалнички мандат, забележувајќи историска победа со разлика од над 5000 гласови.

„Освен во Струмица, ВМРО-ДПМНЕ победи и со тоа зазеде уште неколку општини во кои до сега градоначалници имаше СДСМ. Во прв круг ВМРО-ДПМНЕ ги зазеде од СДСМ следните општини, Берово, Делчево, Маврово и Ростуша, а ги водиме во Пробиштип, Демир Капија, Старо Нагоричане, Валандово каде ќе одиме на втор круг. ВМРО-ДПМНЕ освои градоначалници во првиот круг во 33 општини, додека СДС само во три помали општини. Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Старо Нагоричане, Струмица и Штип се општините кои во прв круг добија градоначалници од редовите на ВМРО-ДПМНЕ“ соопштуваат од партијата.

Освен победата во прв круг во скопските општини, ВМРО-ДПМНЕ со голема предност влегува во втор круг во општините Аеродром и Карпош, како и во Град Скопје.

„Покрај историската победа на ВМРО-ДПМНЕ и дебаклот на СДС, овие локални избори се забележува уште еден важен момент. ДУИ со нивната деструктивна и националистичка реторика и политика, е целосно декласирана. Ова се историски резултати на ВМРО-ДПМНЕ, имајќи предвид дека минатите локални избори во 2021 година, во прв круг освоивме градоначалници во 22 општини, додека СДС во девет. Годинава, за разлика од пред четири години, ВМРО-ДПМНЕ во прв круг освои градоначалници во 33 општини, додека СДС само во три и тоа во помали. На овие избори македонските граѓани покажаа дека сакаат Македонија да напредува и да се развива, избра луѓе кои ќе работат во нивен интерес и во интерес на државата“, велат од партијата.

Прочитај повеќе

Дојран

Претседателот Филипче од Дојран: Ристо Џинев е гаранција за развој и нови проекти!

Media Press

Published

на

Претседателот на СДСМ Венко Филипче, вчера од граѓанската трибина „Се бориме за нашиот дом“ во општина Дојран, истакна дека актуелните градоначалници на СДСМ со дела покажауваат како домаќински и чесно може да се водат општините и порача дека континуитетот и искуството се клучни за напредокот на општина Дојран.

„Над 200 имплементирани проекти, од кои сигурно 15 до 20 капитални, и над 30 милиони евра инвестирани во Дојран за 8 години. Нема лажење – има работа. Затоа, Анго, искрени честитки за твојата посветена, искрена и чесна работа за Дојран,“ изјави Филипче, потенцирајќи дека неговата работа и резултатите ја докажуваат посветеноста на СДСМ кон Дојран и граѓаните.

Филипче нагласи дека СДСМ и понатаму ќе биде двигател на локалниот развој и гаранција за стабилност, чесност и конкретна работа во Дојран.

„Сега ве повикувам да го направиме истото. Да ја оставиме апатијата и разочарувањето што несомнено ја има насекаде, особено после ланските избори, и да покажеме дека веруваме во вредностите и политиките. Да покажеме дека имаме добри кандидати, дека имаме чесни луѓе кои ќе ја продолжат работата за Дојран да продолжи да се развива и да остане омилено, вистинско место во Македонија,“ рече тој.

Лидерот на СДСМ кажа дека кандидатот за градоначалник Ристо Џинев и неговиот тим советници имаат капацитет и знаење да продолжат со проектите за развој на Дојран и ги повика граѓаните масовно да ја поддржат листата на советници на СДСМ и кандидатот за градоначалник, Ристо Џинев.

Прочитај повеќе