Connect with us

Радовиш

Состојбата со пожарот на планината Готен е се уште алармантна, но денеска се очекува некои краци да се стават под контрола

Media Press

Објавено на

Состојбата со пожарот на планината Готен откако истиот после 5 дена излезе од контрола и се прошири на териториите на општините Берово и Радовиш е се уште критична. Според информациите од Заменик генералниот директор на ЈП Македонски шуми Кире Михаилов денеска се очекува некои краци да се стават под контрола.

-„Кракот од страната на општина Василево на кој работи тешка механизација до крајот на овој работен ден ќе биде целосно обезбеден;

– едниот крак кон Берово, помеѓу Мал и Голем Готен континуирано силите на Берово со тешка механизација, бројка од по околу 100 луѓе дневно веќе три дена го држат под контрола и истиот е пред целосно негово локализирање;

– другиот крак кон Берово кој може да префрли накај Дарлан, денеска го гасат 6 пинцгауери со вработени од ЈП “Македонски Шуми”, а во текот на утрешниот ден планирано е со помош на војниците од АРМ целосно да се отсече и тој крак и да се стави под целосна контрола;

– едниот крак на територијата на Радовиш кој се прошири во линија од неколку километри лево од Готен кон М.В. Мангрите, во текот на вчерашниот ден со помош на тешка механизација делумно беше ставен под контрола, но, остана еден многу лош, стрмен, непристапен и пред се терен во кој има многу горлив материјал кој што е необезбеден и денеска таму ќе работат ТППЕ Радовиш, вработените од ЈП “Македонски Шуми” и доброволци ловџии од ЛД “Готен” од Радовиш и денеска таму ќе делуваат и два ЕР ТРАКТОРИ од ДЗС кој ќе им помагаат на копнените сили;

– другиот крак кој се прошири кон Радовиш исто така до крајот на овој ден ќе биде целосно обезбеден со помош на механизацијата која тргна од брана Турија, општина Василево“ стои во информацијата споделена од Кире Михаилов кој додадава:

-И покрај тоа што огромен дел од овој пожар е ставен под контрола, т.е. во рамки на обезбедени патишта/пресеки, сепак се работи за голема територија во која има и огромни површини кои не се изгорени во текот на овие 9 дена и истите ќе горат, тлеат и догоруваат и во текот на наредните денови, а граѓаните ќе гледаат доста чад, а неретко и огнени јазици се додека по целосното ставање под контрола на овој пожар, целосно не го ликвидираме.

Инаку како што најавуваат метеоролозите денешната температура се очекува да биде највисоката дневна од 2007 година до денес со над 45 степени целзиусови, а може да замислите каква е температурата таму каде што го гасиме пожарот, споредува Михаилов.

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе