Василево
Општина Василево го одбележа 16-ти декември, Денот на општината
Објавено на
Од
Media Press
Со свечена академија, во големната сала на Домот на културата во с. Василево, општина Василево вчера го одбележа својот празник, денот на основањето на општината , 16-ти Декември.
За свечениот дел од програмата се погрижија учениците од ООУ „Гоце Делчев“, од Василевоо членовите на КУД „Сушевски бисери“, од Сушево, кои со своите музички и фолклорни изведби го збогатија овој, за граѓаните на општина Всилево, посебен ден.
Свое обраќање на одбележувањето имаа претседателот на општинскиот Совет Ристо Делијанов и градоначалникот на општината Славе Андонов.

„Дваесет и осум години, се доволно долг временски период, за да бидат видливи промените преку кои од година во година, се менуваше ликот на населените места, инфраструктурно се развиваа и подобруваа условите, во кои се одвива секојдневниот живот на граѓаните. Секое вложување денес е капитал кој веќе утре ќе даде резултати. Затоа одлучно и мудро; со визија и желба за подобро и повеќе; во престојниот период, ќе се вложам максимално а за резултатите ќе сведочиме сите заедно“, рече меѓу другото градоначалникот Андонов, кој споделувајќи ги заслугите за досегашниот развој на општината со своите претходници им се заблагодари за нивниот придонес во општинскиот развој и достигнувања.

„Како актуелен градоначалник, кој ја има честа и можноста своите идеи да ги преточи во реалност и да даде свој придонес во општинскиот развој, на сите моите претходници, колеги градоначалници, членови на општинските совети и пред се на граѓаните им благодарам за нивниот придонес во општинскиот развој, кој недвосмислено го продолжувам. Само така, единствени по прашањето за иднината на нашата општина, ќе одиме напред, ќе се развиваме и ќе останеме посакуваното место за живеење за сите сегашни и идни наши генерации“, порача Андонов.
Не криејќи го задоволството од постигнатото, Андонов упати порака, 16-Декември, денот на основањето на општината да биоде и ден на обединување и заедничка соработка за поубава и попросперитетна општина Василево.
„Резултатите преточени во дела, нас не разликуваат од останатите. Како градоначалник на нашата општина, не можам да го сокријам своето задоволство од постигнатото. Нека овој ден биде повод за обединување, за соработка и за продолжување на нашата заедничка борба за поубава и просперитетна Општина Василево. Нека ни е честит денешниот ден. Да живее општина Василево, да живее Република Македонија“.
Честитки за досегашниот развој на општината, благодарност до членовите на општинските Совети – актуелни и претходни, и желби за понатамошен успех и просперитет на општината упати и првиот човек на општинскиот совет, Ристо Делијанов.
На свечениот настан, доделени беа Признанија на поединци и институции за добрата соработка, промоцијата, и придонесот во развојот на општина Василево.
На свечената седница присуствуваа дел од поранешни градоначалници и членови на Советите на општина Василево, претставници од општествениот и политичкиот живот во заедницата, директори на јавни претпријатија, установи и институции, претставници на верските заедници и голрем број граѓани и пријатели на општина Василево.

Поврзани содржини
Василево
Пензионерите од Василево добија пензионерски клуб
Published
5 часа agoна
ноември 16, 2026By
Media Press
Викендов, во Домот на културата, градоначалникот на општина Василево Славе Андонов, заедно со пензионерите, со пригодна свеченост го означија официјалното отвaрање на клубот за дневен престој на пензионерите.
„Грижата за нашите пензионери е наша обврска. Општина Василево за првпат обезбеди просторија наменета за пензионерски клуб, сместен во Домот на културата во Василево. Нашите пензионери, нашите дедовци и татковци, заслужуваат пристојни услови за секојдневно дружење, разговор и меѓусебна дружба. Ова е мал, но значаен чекор со кој покажуваме дека ги почитуваме оние кои со својот труд и посветеност ги поставија темелите на нашето општество“, стои во информацијата споделена на социјалните медиуми.

Клубот е лоциран на приземјето на Доmот на културата во Василево, во поранешните простории на ЈПКД „Турија# Василево. Општина Василево во изминатиот период изврши комплетно реновирање и адаптација на просторот кое опфаќаше малтерисување и боење на ѕидовите, поставување на нов под, нови плочки и санитарни елементи, врати и прозорци и нови светлосни тела.
Буџетот за сите планирани и реалзирани активности, согласно Договорот за јавна набавка со компанијата изведувач на работите изнесува 1 015 612 денари, средства кои општината ги обезбеди од сопствените извори на проходи.
Со Одлука на Совет просториите се дадени на користење на Здружението на пензионери на Струмица, како би можело овој пензионерски клуб непречено да функционира, односно да биде во функција на потребите на пензионерите.

Василево
Граѓаните на Ангелци на средба со Градоначалникот на Општина Василево, за креирање на Буџетот за 2027
Published
4 недели agoна
октомври 21, 2026By
Media Press
Синоќа, градоначалникот на општина Василево Славе Андонов, беше во населеното место Ангелци, каде заедно со месното население разговараше за планираните активности, потреби и проекти кои како дел од Буџетот за наредната година би биле реализирани во ова населено место.

Едно од приоритетните прашања, за кои граѓаните бараат решавање е дислокација на дивата депонија како и доизградба на преостанатите краци од системот за фекална канализација, со што сите домаќинства би добиле можност за приклучување.
„Буџетот го креираме заедно со граѓаните на Ангелци! Одржавме средба со жителите на Ангелци, на која разговаравме за нивните потреби и приоритети за претстојниот буџет на Општина Василево. Клучни проекти за Ангелци се:
-Целосно дислоцирање на дивата депонија
-Продолжување со асфалтирање на улиците, со цел сите да бидат асфалтирани до крајот на мандатот,
– Оградување на училишниот двор на ООУ „Гоце Делчев“
-Изградба на преостанатите краци од фекалната канализација.
Ги повикувам сите граѓани активно да се вклучат во креирањето на буџетот, да ги споделат своите предлози и идеи и да помогнат во утврдувањето на приоритетите за нивните населени места. Заедно ги планираме проектите и ја градиме иднината на Општина Василево“, порачува градоначалникот Андонов од синоќешната средба со жителите на населеното место Ангелци. На средбата присуствуваа и Даниел Иванов – директор на ЈПКД „Турија“, Василево и Томе Спасов, директор на АД Водостопанство, подружница Струмица.
Василево
Општина Василево започна со креирање на Буџетот за 2027 година, преку средби со граѓани
Published
4 недели agoна
октомври 20, 2026By
Media Press
Градоначалникот на општина Василево, Славе Андонов, синоќа во населеното место Радичево, одржа отворена граѓанска средба за креирање на Буџетот за 2027 година.
Граѓаните во непосредна дискусија имаа можност да ги кажат потребите за населеното место, да дават предлози, да разговараат околу приоритетите но и можностите,, се во насока на подобрување на условите во кои се одвива нивното секојдневие.
„Буџетот го креираме заедно со граѓаните! Бевме во Радичево, каде што отворено разговаравме со жителите за нивните потреби, предлози и приоритети за наредниот период.
Радичево е населено место каде што дадениот збор се претвора во реализирани проекти! Во Радичево го реализиравме нашиот најголем капитален проект – изградбата на фекалната канализација, со што покажавме дека ветувањата се исполнуваат со конкретни дела. Тоа е нашата обврска и принцип на работа. Врз основа на реалните потреби на граѓаните, ќе ги креираме и идните приоритети, со јасна цел – ветеното да го реализираме и во наредниот период! Ветеното го реализираме. Продолжуваме посветено, заедно со граѓаните!“, стои во ФБ објавата на Градоначалникот.
На средбата присуствуваа и директорот на ЈПКД „Турија“, Даниел Иванов, директорот на АД „Водостопанство“, подружница Струмица, Томе Спасов како и дел од вработените во општинската администрација.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!


















