Василево
Советот на општина Василево ја одржа 35-та седница
Објавено на
Од
Media Press
Советот на општина Василево ја одржа 35-та седница, на чиј дневен ред по дополнувањето беа вкупно 10 точки и сите го добија потребното мнозинство, односно беа усвоени од членовите на општинскиот Совет.
Советниците беа усогласени и едногласно ги усвоија трите предлог одлуки за финансиско учество односно ко-финасирање од страна на општина Василево на проекти за чија реализација општината има поднесено апликации до Министерствата.
Со 26%, односно 780 000 денари од проценетата вредност, општината би учествувала во реализацијата на проектот: Основен проект за филтер станица за прочистување на вода за пиење за селските населби: Добрашинци, Нова маала, и Чанаклија, аплициран преку Програмата за управување со води за 2024 година на Министерството за животна средина и просторно планирање.
Со 20% односно 1 556 386 денари од вкупната проценета вредност, општина Василево би учествувала во реализацијата на проектот: Реконструкција на улица во с. Василево од мал парк „Методиј Митев“ до клучка за с. Пиперево. Апликацијата за овој проект е доставена до Министерството за локална самоуправа, Програма за намалување на диспаритетите меѓу и во рамки на планските региони и зголемување на регионалната конкурентност за 2024 година.
Со 21% од проценетата вредност, односно 1 115 179 денари, општина Василево би учествувала во реализацијата на проектот, Основен проект за фекален канализационен систем за с. Василево, за колектори К8, К7 и К10, кој е аплициран преку Програмата за инвестирање во животната средина на Министерството за животна средина и просторно планирање.
Советниците беа едногласни и при усвојувањето на Извештајот за реализацијата на Програмата за изградба, реконструкција, одржување и заштита на локалните патишта и улици во општина Василево за 2023 година, која како дополнителна точка беше ставена на дневниот ред на 35-та Седница.
Усвоена беше и Одлуката за ажурирање на Процената на загрозеност на подрачјето на општина Василево од сите ризици и опасности за 2024 година, а согласност доби и Измената на Годишниот план за вработување за 2024 година на ООУ „Гоце Делчев“, Василево.
Советниците позитивно одговорија и на неколкуте Барања за финансиски средства поднесени до Советот на општина Василево од правни и физички лица.
Поврзани содржини

Пензионерите од Василево добија пензионерски клуб

Граѓаните на Ангелци на средба со Градоначалникот на Општина Василево, за креирање на Буџетот за 2027

Две екипи, две победи – гордост за Василево

Еко модна ревија на учениците од Василево

Континуиран раст на реализацијата на буџетот на општина Василево

Обезбедени средства за оградување и партерно уредување на училишниот двор во Ангелци
Василево
Пензионерите од Василево добија пензионерски клуб
Published
5 часа agoна
ноември 16, 2026By
Media Press
Викендов, во Домот на културата, градоначалникот на општина Василево Славе Андонов, заедно со пензионерите, со пригодна свеченост го означија официјалното отвaрање на клубот за дневен престој на пензионерите.
„Грижата за нашите пензионери е наша обврска. Општина Василево за првпат обезбеди просторија наменета за пензионерски клуб, сместен во Домот на културата во Василево. Нашите пензионери, нашите дедовци и татковци, заслужуваат пристојни услови за секојдневно дружење, разговор и меѓусебна дружба. Ова е мал, но значаен чекор со кој покажуваме дека ги почитуваме оние кои со својот труд и посветеност ги поставија темелите на нашето општество“, стои во информацијата споделена на социјалните медиуми.

Клубот е лоциран на приземјето на Доmот на културата во Василево, во поранешните простории на ЈПКД „Турија# Василево. Општина Василево во изминатиот период изврши комплетно реновирање и адаптација на просторот кое опфаќаше малтерисување и боење на ѕидовите, поставување на нов под, нови плочки и санитарни елементи, врати и прозорци и нови светлосни тела.
Буџетот за сите планирани и реалзирани активности, согласно Договорот за јавна набавка со компанијата изведувач на работите изнесува 1 015 612 денари, средства кои општината ги обезбеди од сопствените извори на проходи.
Со Одлука на Совет просториите се дадени на користење на Здружението на пензионери на Струмица, како би можело овој пензионерски клуб непречено да функционира, односно да биде во функција на потребите на пензионерите.

Василево
Граѓаните на Ангелци на средба со Градоначалникот на Општина Василево, за креирање на Буџетот за 2027
Published
4 недели agoна
октомври 21, 2026By
Media Press
Синоќа, градоначалникот на општина Василево Славе Андонов, беше во населеното место Ангелци, каде заедно со месното население разговараше за планираните активности, потреби и проекти кои како дел од Буџетот за наредната година би биле реализирани во ова населено место.

Едно од приоритетните прашања, за кои граѓаните бараат решавање е дислокација на дивата депонија како и доизградба на преостанатите краци од системот за фекална канализација, со што сите домаќинства би добиле можност за приклучување.
„Буџетот го креираме заедно со граѓаните на Ангелци! Одржавме средба со жителите на Ангелци, на која разговаравме за нивните потреби и приоритети за претстојниот буџет на Општина Василево. Клучни проекти за Ангелци се:
-Целосно дислоцирање на дивата депонија
-Продолжување со асфалтирање на улиците, со цел сите да бидат асфалтирани до крајот на мандатот,
– Оградување на училишниот двор на ООУ „Гоце Делчев“
-Изградба на преостанатите краци од фекалната канализација.
Ги повикувам сите граѓани активно да се вклучат во креирањето на буџетот, да ги споделат своите предлози и идеи и да помогнат во утврдувањето на приоритетите за нивните населени места. Заедно ги планираме проектите и ја градиме иднината на Општина Василево“, порачува градоначалникот Андонов од синоќешната средба со жителите на населеното место Ангелци. На средбата присуствуваа и Даниел Иванов – директор на ЈПКД „Турија“, Василево и Томе Спасов, директор на АД Водостопанство, подружница Струмица.
Василево
Општина Василево започна со креирање на Буџетот за 2027 година, преку средби со граѓани
Published
4 недели agoна
октомври 20, 2026By
Media Press
Градоначалникот на општина Василево, Славе Андонов, синоќа во населеното место Радичево, одржа отворена граѓанска средба за креирање на Буџетот за 2027 година.
Граѓаните во непосредна дискусија имаа можност да ги кажат потребите за населеното место, да дават предлози, да разговараат околу приоритетите но и можностите,, се во насока на подобрување на условите во кои се одвива нивното секојдневие.
„Буџетот го креираме заедно со граѓаните! Бевме во Радичево, каде што отворено разговаравме со жителите за нивните потреби, предлози и приоритети за наредниот период.
Радичево е населено место каде што дадениот збор се претвора во реализирани проекти! Во Радичево го реализиравме нашиот најголем капитален проект – изградбата на фекалната канализација, со што покажавме дека ветувањата се исполнуваат со конкретни дела. Тоа е нашата обврска и принцип на работа. Врз основа на реалните потреби на граѓаните, ќе ги креираме и идните приоритети, со јасна цел – ветеното да го реализираме и во наредниот период! Ветеното го реализираме. Продолжуваме посветено, заедно со граѓаните!“, стои во ФБ објавата на Градоначалникот.
На средбата присуствуваа и директорот на ЈПКД „Турија“, Даниел Иванов, директорот на АД „Водостопанство“, подружница Струмица, Томе Спасов како и дел од вработените во општинската администрација.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!


















