Connect with us

Македонија

Димитриевски: Во 2016 година се залагавме за департизација на државата, а денеска живееме во заробена држава со двојна партизација

Media Press

Објавено на

Градоначалникот на Општина Куманово и лидер на новата политичка партија Движење ЗНАМ, Максим Димитриевски при гостување во емисија, рече дека сега живееме во заробена држава со двојна партизација иако во 2016 година се залагале за департизација на државата. 

„Во 2016 година под слоганот “Нема правда, нема мир” се залагавме за департизација на државниот апарат. Вие имате денеска двојна партизација. Излегува министер за внатрешни работи и вели двојно е зголемена бројката на вработени во МВР. Ајде да го видиме списокот на лицата кои се вработени, како се вработени колку тоа безбедноста во Македонија е зголемена. Па гледаме дека се убиваат луѓе на улица, се пука во молови, секојдневно имате одредени безбедносни проблеми во државата, ви влегуваат групи насилници во М-НАВ без разлика дали се тие партиски или не се. Во сериозни држави таквите акти се третираат како терористички акт. Кај нас дури не се определува ни притвор. Тоа е така бидејќи политичкото влијание е премногу големо во институциите на системот, и во обвинителство и во судската власт”, истакнува Димитриевски. 

Според него, клучен проблем е и партизацијата на правосудниот систем во државата, каде искусните професионалци место сериозно да се борат во сузбивање на корупцијата, работат на предмети за вршење притисок врз неистомислениците на власта.

„Имате голем број на искусни оперативци во системот коишто  можат сериозно да се борат против корупцијата, но тие водат постапки за Максим, за друг или трет по Член 353 и секојдневно ги трошат своите ресурси. Зошто? За да на тој начин извршат политички притисок врз неистомислениците. Празни предмети ги процесуираат до обвинителство и сето тоа е координирано на релации орган за давање на асистенција во истрагата МВР, обвинител којшто е дојден по партиска цел да штити интереси на поединци, а не на државата и на крај може многу лесно да заврши предмет кај партиски војник во судството и да ве осудат без било каков доказ. Тоа се случува, вели Димитриевски укажувајќи го како пример предметот Сопот”, вели Димитриевски. 

Тој ги поздрави и критиките од меѓународната заедница осврнувајќи се на последната критика упатена од холандскиот амбасадор, но вели дека власта ништо не прави по тие прашања. 

„Јас ја почитувам нивната работа која е исклучително позитивна, а и тие и сакаат добро на оваа држава, но првенствено ние добивме во изминатиот период многу такви пораки од меѓународната заедница, но за жал кај нас ништо не се случи. Имате примери кога ви ставаат луѓе на црни листи, а наше официјално обвинителство се уште не се обраќа до нив да ги добијат документите зошто тие луѓе се на црна листа. Дали некој стапил во контакт со претставниците на амбасадите? До сега никому ништо, барем до сега никој не се произнесе во јавност со такви информации”, прашува тој.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе