Радовиш
Екипи од ЈП „Плаваја“ денеска работат на терен да ги санираат штетите од невремето
„После силното невреме проследено со обилни врнежи од дожд и силен ветар, кое го зафати поширокото подрачје на Радовиш откорнати се повеќе дрвја, искршени се гранки и се случија повеќе запушувања на решетките за атмосферска вода.
Вработените на ЈП„Плаваја“ Радовиш започнаа со расчистување на последиците веднаш по престанокот на невремето со цел да овозможат одвивање на сообраќајот и пристап до објектите“ велат од ЈП Плаваја.
Во текот на денешниот ден вработените од Плаваја продолжија со санација на последици од невремето.
Инаку пред неколку месеци Општина Радовиш спроведе акција за кастрење и отстранување на стари и ризични дрвја кои при вакво невреме предизвикуваат штети. Тогаш некои од граѓаните беа против ваквата акција и велеа дека не треба да се сечат дрвјата, но после синоќашното невреме се покажа како оправдана таквата акција. Но и се дојде до заклучок дека дрвјата треба редовно да се кастрат и одржуваат за де не предизвикуваат штети при поголемо невреме.
Радовиш
Во ОНБ,,Браќа Миладиновци” -Радовиш, денес започна традиционалниот 15 по ред ,,Саем на книги 2024“
Од денеска до 23 мај Општинска народна библиотека ,,Браќа Миладиновци” -Радовиш го организира традиционалниот 15 по ред САЕМ НА КНИГИ 2024.
На саемот со свои наслови се претставени 15 издавачки куќи на 12 штанда со вкупна понуда од над илјада наслови.
На присутните љубители на пишаниот збор добредојде им посака директорот на библиотеката Станој Петров.
За значењето на читањето на истиот зборуваше проф. Јовица Илиќ, а за отворен саемот го прогласи Љупче Почивалец – секретар на Општина Радовиш.
Саемот ќе трае до Четврток, 23 мај во термин од 10.00 до 19.00 часот.
Радовиш
Пчеларското здружение „Радовишка пчела“ денеска го одбележа 20-ти Мај Светскиот ден на пчелата
Пчеларското здружение „Радовишка пчела“ денеска го одбележа 20-ти Мај Светскиот ден на пчелата. На поставен штанд во центарот на Радовиш на кој граѓаните можеа да дегустираат природен мед, членови на здружението им делеа и флаери со цел да ја поттикнат свеста кај граѓаните за зачувување на македонската медоносна пчела која е најбитна за опстанок на природата и човештвото.
Инаку ова здружение е формирано од пред неколку недели и во него веќе членуваат речиси сите пчелари од Општина Радовиш.
Секоја година на 20 мај, се одбележува светскиот ден на пчелите, денот кога во 1734 година во Брезница (денешна Словенија) е роден Антон Јанша, сликар и пионер на модерното пчеларство.
Пчелите и другите запрашувачи (поленатори) се повеќе се загрозени од активностите на човекот, од загадувањето на животната средина со што се доведува во прашање и опстанокот на пчелата.
Општина Конче започнува со реконструкција на улици и поплочување и уредување на јавни површини
Општина Конче денеска ја спроведе акцијата „Генералка викенд“
Од 1 јуни поефтино гориво за 4 денари на Бензинските станици „БЕНЗОИЛ“
Физичка пресметка во Радовиш помеѓу две лица
