Connect with us

Култура

Роман Јованов ја доби втората награда на конкурсот 53. Караманови поетски средби

Media Press

Објавено на

Младиот поет Роман Јованов ја освои Втора награда на конкурсот за детска поезија во рамки на 53. Караманови поетски средби!

Ова е преубав успех и вистинска потврда за неговиот талент и љубов кон пишаниот збор. Нека ова признание му биде поттик и инспирација да продолжи да твори, со желба во иднина да реди уште многу значајни успеси! 📚✨

Признание за успехот упати и СОУ ,,Коста Сусинов“ од Радовиш на социјалните мрежи, за младиот поет Роман Јованов, со текст:

,,Согласно добиените резултати од конкурсот за детска поезија во рамки на 53 Караманови поетски средби му го честитаме успехот на нашиот ученик Роман Јованов , добиената Втора награда.

Му посакуваме многу успех и нека биде пример и мотив за останатите.“

прикажи повеќе

Култура

„Ние и кога умираме треба да пееме“ – Ацо Караманов

Media Press

Published

на

Кратки биографски податоци за Ацо Караманов

Ацо Караманов е роден на 31 јануари 1927 година во Радовиш, како најстаро дете во семејството на Софија и Васил Караманови. Кога имал само три месеци, семејството го напуштило родното место поради службата на таткото и отишло прво во Белград, а потоа и во други места низ Србија, за во селото Велико Орашје да се задржи повеќе години.

Таму, Ацо го завршил основното образование и, благодарение на способниот учител, кај малиот Караманов рано се јавила љубовта кон литературата.

Своите први стихови тој ги сочинува уште во второ одделение, но тие први поетски обиди не се сочувани (самиот подоцна ги уништил). Согледувајќи ги неговите предиспозиции, учителот лично го одвел да го полага приемниот испит во гимназијата во Смедерево, кој го положил со одличен успех.

Во прво време тој живеел сам со мајка му во Смедерево, а потоа, кога таткото добил служба во Скопје, се преселиле таму. При крајот на учебната 1937/38 година се запишал во Првата машка скопска гимназија.

Покрај редовното образование, Ацо самостојно и систематично работел врз своето книжевно образование. Совладувал огромен фонд од светската литература, а забелешките и сопствените критики за прочитаното ги запишувал во посебна тетратка, т.н. „Лектира“. Татко му, иако семејството имало скромни приходи, му купувал голем број книги од југословенската и светската класика. Така, Караманов уште на 12–13-годишна возраст се приврзал за „Одбраните дела“ на Достоевски, а ги читал и филозофите: Кант, Ниче, Хегел, Шопенхауер и други.

Веќе во 1941 година се вклучил во СКОЈ и активно учествувал во растурање летоци и други акции. Кон крајот на мај 1944 година семејството преминува да живее во родниот Радовиш. Таму Ацо продолжува со трескавото пишување и читање, секојдневно го води својот дневник, а истовремено е активен и во политиката. Во однос на неговиот став сведочи Вера Христова, пренесувајќи ги неговите зборови:

„Не сакам да ме врзувате за таму некакви си состаноци. Јас сум си по природа напреден човек и комунист. И тоа го покажувам на дело, повеќе отколку вие.“

Таа му се лутела што тој учел германски, но тој реагирал:

„Добро, јас учам и руски, не само германски, но тоа го правам бидејќи постојат не само германски нацисти и окупатори, туку и писатели како Шилер и Гете и дека, за да ги почувствувам, морам да ги читам во оригинал, бидејќи Шилер и Гете не се фашисти.“

Филозофите силно влијаеле врз неговите сфаќања за воените дејствија и затоа тој се колебал дали да им се придружи на партизаните. Сепак, на крајот моралниот аспект превладал, бидејќи тој не можел да замисли да го избегне ризикот од директното учество. Така, на почетокот на септември 1944 година се придружил на Тринаесеттата македонска народна бригада, каде партизанувал само 32 дена, се до неговата херојска смрт во ноќта меѓу 7 октомври 1944 година, во борбата против германските фашисти кај селото Смојмирово, Беровско. Бил тешко ранет кога извршувал извидничка акција и потоа ѕверски избоден со бајонети од германските војници, на денот кога го испејал и последниот стих „Ние и кога умираме треба да пееме“.

НИЕ СМЕ БЕЗБРОЈНИ

Безбројни сме ние и во нас

металниот повик на бурата ѕвони

со бодрост, со младост и со вера

обземани сме ние, деца војноборни.

Со раце надежни и железни гради

во кои виорот на бурата пее

со жарот на нашите срца млади

чекаме борбата да зататни.

Нашата борба ќе биде моќна

громовно таа ќе збори

за се што нашите срца кријат

за се што во нас гори.

Од нашите раце ќе запее трудот наш

ќе биде тоа песна низ времиња носена

во најмачни беди задоена, одгалена

во таа пламена, лута борба родена.

И кога ќе заблеска бесниот урагани

куршумите кога ќе загрмат клето

нашата љубов кон оваа земја

ќе им ја кажеме на сите во светот.

Прочитај повеќе

Култура

„Охрид In Situ – архитектура, континуитет и мудрост на местото“ избран за македонски претставник на Венециското биенале на архитектура 2027

Media Press

Published

на

Проектот „Охрид In Situ – архитектура, континуитет и мудрост на местото“, на Здружението на граѓани за поддршка и промоција на културата „Континео“ од Скопје, ќе ја претставува Македонија на 20. Интернационална изложба на архитектура во Венеција во 2027 година, во организација на „La Biennale di Venezia“.

Проектот е дело на авторите: Владимир Десков, д-р Ана Ивановска Дескова, д-р Јован Ивановски, д-р Харалд Трап и Симон Хартман, со соработниците     д-р Теа Дамјановска, д-р Михајло Стојановски и м-р Зоран Петровски. Куратор на проектот е д-р Јован Ивановски, а комесар е Авни Ќаили, директор на НУ Музеј на современата уметност – Скопје.

Во рамките на Конкурсот за учество на Република Северна Македонија на 20. Интернационална изложба на архитектура во Венеција во 2027 година, во предвидениот рок е доставен еден проект – „Охрид In Situ – архитектура, континуитет и мудрост на местото“. Комисијата за разгледување на проектите, во состав Огнен Марина, Мишко Ралев и Рилинд Селмани, по разгледувањето на доставената пријава и документација, утврди дека проектот ги исполнува условите и критериумите утврдени со Конкурсот.

Според образложението на Комисијата, проектот претставува концептуално јасен и теориски релевантен предлог за национално претставување, со фокус на Охрид и неговите исклучителни природни, културни и архитектонски вредности. Проектот го истражува Охрид како простор во кој низ вековите се преплетуваат природата, топографијата, архитектурата, материјалите, градителските практики и секојдневниот живот. Посебен акцент е ставен на регионалниот модернизам од втората половина на 20 век и начинот на кој македонските архитекти го реинтерпретирале наследеното просторно искуство на Охрид. Како што се наведува во извештајот на Комисијата, проектот ја поставува архитектонската коегзистенција како историски и просторен механизам преку кој архитектурата на Охрид постојано се преобразува, притоа задржувајќи континуитет со знаењето и искуството вградено во местото.

Комисијата особено ја истакнува поврзаноста на проектот со генералната тема на кураторите на 20. Интернационална изложба на архитектура во Венеција, Ванг Шу и Лу Венју – „Создавај архитектура – за можноста за соживот во соочување со реалноста“ („Do Architecture – For the Possibility of Coexistence Facing a Real Reality“).

Со изборот на проектот „Охрид In Situ – архитектура, континуитет и мудрост на местото“, Северна Македонија на 20. Интернационална изложба на архитектура во Венеција во 2027 година ќе го претстави Охрид како архитектонски и културен простор во кој наследството, современата архитектура и локалното знаење се поврзуваат во современа и меѓународно релевантна архитектонска приказна.

Прочитај повеќе

Култура

Изведба на балетскиот бисер, „Шехерезада“ од Николај Римски-Корсаков

Media Press

Published

на

На 19 септември 2026 со почеток во 20.00 часот на сцената на Националната опера и балет ќе се изведе балетскиот бисер, „Шехерезада“ од Николај Римски-Корсаков, ремек-дело кое ја обединува магијата на ориенталните приказни со раскошната балетска уметност.

Базирана на мотивите од „Илјада и една ноќ“, оваа балетска класика ќе се изведе под  диригентската палка на Бисера Чадловска, кореографијата е на познатиот балет-мајстор од Москва, Михаил Крапивин, со првична постановка на Михаил Фокин. Сценографијата е на Марија Ветероска, а костимите на Маја Бурсаќ од Србија, концерт-мајстор е Верица Ламбевска.

 Балетската приказна ќе ни ја раскажат: Наташа Трендафилова Гицев, Балаж Лочеи (Унгарија) заедно со првенците, истакнати солисти, солисти, балетскиот ансамбл и оркестарот на Националната опера и балет.

Балетот „Шехерезада“, инспириран од легендарните приказни од збирката „Илјада и една ноќ“, претставува ремек-дело во балетската литература кое ја спојува магијата на ориенталните приказни, драматичната музика и раскошниот сценски израз. Со богата кореографија, експресивни движења и внимателно избрани сценски детали, делото ја истражува моќта на раскажувањето, страста, љубомората и интригата, а ликот на Шехерезада носи мистерија и вештина што ја фасцинира публиката со секоја сцена.

Прочитај повеќе