Пиперево се гради! Заврши асфалтирањето на главната улица во Пиперево
„Резултатите се гледаат на терен. Пиперево се гради! Работата продолжува! Асфалтирана е главната улица во Пиперево во должина од околу 1000 метри, по претходно поставена атмосферска и фекална канализација“, информира преку социјалните медиуми,
градоначалникот
на општина Василево, Славе Андонов за континуираните финални активности од
целосната реконструкција на главната, влезна улица во населеното место
Пиперево.
Вкупниот
буџет за целосната реконструкција и ревитализација на оваа улица, со сите
планирани активности, односно поставување на фекална и атмосферска
канализација, асфалтирање и изградба на тротоари изнесува околу 29,5 милиони
денари и истите се обезбедени преку
Владата на Рмакедонија од унгарскиот
кредит.
Андонов уште
еднаш упати јавнан благодарност до граѓаните корисници на оваа улица за
разбирањето што го имаа за посебните услови во кои се одвиваше сообраќајот во
текот на активностите.
„Особено сум
горд, како градоначалник, но пред сè како човек кој стои зад својот даден збор.
Им
благодарам на граѓаните за трпението и разбирањето во текот на изградбата на
патот.
Во едно сум
сигурен – граѓаните на Пиперево знаат најдобро во кое време најмногу капитални
проекти се реализираат за нивното населено место“