Култура
„Охрид In Situ – архитектура, континуитет и мудрост на местото“ избран за македонски претставник на Венециското биенале на архитектура 2027
Објавено на
Од
Media Press
Проектот „Охрид In Situ – архитектура, континуитет и мудрост на местото“, на Здружението на граѓани за поддршка и промоција на културата „Континео“ од Скопје, ќе ја претставува Македонија на 20. Интернационална изложба на архитектура во Венеција во 2027 година, во организација на „La Biennale di Venezia“.

Проектот е дело на авторите: Владимир Десков, д-р Ана Ивановска Дескова, д-р Јован Ивановски, д-р Харалд Трап и Симон Хартман, со соработниците д-р Теа Дамјановска, д-р Михајло Стојановски и м-р Зоран Петровски. Куратор на проектот е д-р Јован Ивановски, а комесар е Авни Ќаили, директор на НУ Музеј на современата уметност – Скопје.
Во рамките на Конкурсот за учество на Република Северна Македонија на 20. Интернационална изложба на архитектура во Венеција во 2027 година, во предвидениот рок е доставен еден проект – „Охрид In Situ – архитектура, континуитет и мудрост на местото“. Комисијата за разгледување на проектите, во состав Огнен Марина, Мишко Ралев и Рилинд Селмани, по разгледувањето на доставената пријава и документација, утврди дека проектот ги исполнува условите и критериумите утврдени со Конкурсот.

Според образложението на Комисијата, проектот претставува концептуално јасен и теориски релевантен предлог за национално претставување, со фокус на Охрид и неговите исклучителни природни, културни и архитектонски вредности. Проектот го истражува Охрид како простор во кој низ вековите се преплетуваат природата, топографијата, архитектурата, материјалите, градителските практики и секојдневниот живот. Посебен акцент е ставен на регионалниот модернизам од втората половина на 20 век и начинот на кој македонските архитекти го реинтерпретирале наследеното просторно искуство на Охрид. Како што се наведува во извештајот на Комисијата, проектот ја поставува архитектонската коегзистенција како историски и просторен механизам преку кој архитектурата на Охрид постојано се преобразува, притоа задржувајќи континуитет со знаењето и искуството вградено во местото.
Комисијата особено ја истакнува поврзаноста на проектот со генералната тема на кураторите на 20. Интернационална изложба на архитектура во Венеција, Ванг Шу и Лу Венју – „Создавај архитектура – за можноста за соживот во соочување со реалноста“ („Do Architecture – For the Possibility of Coexistence Facing a Real Reality“).
Со изборот на проектот „Охрид In Situ – архитектура, континуитет и мудрост на местото“, Северна Македонија на 20. Интернационална изложба на архитектура во Венеција во 2027 година ќе го претстави Охрид како архитектонски и културен простор во кој наследството, современата архитектура и локалното знаење се поврзуваат во современа и меѓународно релевантна архитектонска приказна.
Поврзани содржини
Култура
Изведба на балетскиот бисер, „Шехерезада“ од Николај Римски-Корсаков
Published
2 месеци agoна
септември 14, 2026By
Media Press
На 19 септември 2026 со почеток во 20.00 часот на сцената на Националната опера и балет ќе се изведе балетскиот бисер, „Шехерезада“ од Николај Римски-Корсаков, ремек-дело кое ја обединува магијата на ориенталните приказни со раскошната балетска уметност.
Базирана на мотивите од „Илјада и една ноќ“, оваа балетска класика ќе се изведе под диригентската палка на Бисера Чадловска, кореографијата е на познатиот балет-мајстор од Москва, Михаил Крапивин, со првична постановка на Михаил Фокин. Сценографијата е на Марија Ветероска, а костимите на Маја Бурсаќ од Србија, концерт-мајстор е Верица Ламбевска.

Балетската приказна ќе ни ја раскажат: Наташа Трендафилова Гицев, Балаж Лочеи (Унгарија) заедно со првенците, истакнати солисти, солисти, балетскиот ансамбл и оркестарот на Националната опера и балет.

Балетот „Шехерезада“, инспириран од легендарните приказни од збирката „Илјада и една ноќ“, претставува ремек-дело во балетската литература кое ја спојува магијата на ориенталните приказни, драматичната музика и раскошниот сценски израз. Со богата кореографија, експресивни движења и внимателно избрани сценски детали, делото ја истражува моќта на раскажувањето, страста, љубомората и интригата, а ликот на Шехерезада носи мистерија и вештина што ја фасцинира публиката со секоја сцена.
Култура
Љутков од Брисел: Македонската култура силно одекна во срцето на Европа
Published
6 месеци agoна
мај 6, 2026By
Media Press
„Македонската култура е жива ризница на духот. Таа е светлина во фреските, ехо во каменот и трепет во народната песна. Во неа се запишани радоста и болката, копнежот и гордоста, истрајноста и вербата на многу генерации што создавале, чувале и оставале траен белег“, рече министерот за култура и туризам Зоран Љутков вчеравечер во своето обраќање пред концертот на Националниот џез-оркестар во Брисел во рамките на манифестацијата „Денови на македонската култура“ во Белгија.

Љутков истакна дека оваа значајна културна манифестација е потврда дека културата е најмоќниот јазик за поврзување, почит и соработка меѓу народите.
„Вечерва, музиката го презема зборот. Овде, во култниот ’Бозар‘, Националниот џез-оркестар донесува звук што произлегува од традицијата, а се претопува во современа и слободна форма. Тоа е жив доказ дека македонската култура не само што трае, туку и се развива, создава и комуницира со светот“, потенцираше Љутков.

Тој се осврна и на богатата програма на „Деновите на македонската култура“, која содржеше повеќе настани, како: изведбата на „Лебедово езеро“ од Националната опера и балет во Антверпен, проекцијата на филмот „Исцелител“ во Брисел, како и претстојната изложба на теракотните икони од „Виничко Кале“ во Европскиот парламент.
Министерот нагласи дека поддршката на Министерството за култура и туризам за ваквите настани е израз на стратешка определба за промоција на македонската култура надвор од границите на државата, како и за зајакнување на културната дипломатија.
Во своето обраќање, министерот Љутков се осврна и на значењето на македонскиот јазик, имајќи предвид дека во земјава вчера се одбележа Денот на македонскиот јазик.
„Македонскиот јазик не се мери со бројот на говорници, туку со длабочината на љубовта што ја носи во себе. Тој е јазик на истрајноста, на културната меморија и на идентитетот. Наша обврска е да го чуваме, да го негуваме и да го пренесуваме како најголемо духовно богатство“, порача Љутков.
Култура
🎭 ПОЧЕТOК НА ПРОБИТЕ ЗА „БЕГАЛКА” во театарот ,,Антон Панов“ Струмица
Published
12 месеци agoна
ноември 28, 2025By
Media Press
„Бегалка“ од Васил Иљоски е едно од најзначајните македонски драмски дела, кое има особено место во историјата на македонскиот театар и култура. Народниот театар „Антон Панов“ – Струмица започна со пробите за новата постановка во режија на Дамјан Димовски, што претставува трето поставување на оваа драма на нивната сцена.
Значење на „Бегалка“ во македонската книжевност и култура
- Васил Иљоски е еден од основоположниците на современата македонска драматургија. Со своите дела, меѓу кои „Бегалка“, тој ја поставува основата на националниот театарски израз.
- „Бегалка“ ја обработува темата на бегалството, сиромаштијата и човечката борба за достоинство, што ја прави длабоко поврзана со македонската историска и социјална реалност.
- Делото е симбол на македонскиот идентитет и културна самосвест, бидејќи преку драмата се изразува народната судбина и стремежот кон слобода и човечко достоинство.
Историски контекст на претставата во Струмица
- 1949 година: Струмичкиот театар е свечено отворен со премиерата на „Бегалка“ во режија на Димитар Колчаков.
- 1970 година: Претставата е поставена по втор пат, во режија на Александар Думов.
- 2025 година: Народниот театар „Антон Панов“ започна со пробите за третата постановка, во режија на Дамјан Димовски, со што се оддава почит на минатото и се продолжува живото наследство на македонската драмска традиција.
Значење за македонецот и современиот театар
- Живо наследство: Секоја нова постановка на „Бегалка“ е чин на културна меморија и потсетување на корените на македонската драмска уметност.
- Театарот како мост: Преку оваа претстава, македонецот се поврзува со својата историја и ја пренесува на новите генерации.
- Актуелност: Темите на бегалство, сиромаштија и борба за достоинство се универзални и денес, што ја прави претставата релевантна и во современиот контекст.
Со оваа нова постановка, Народниот театар „Антон Панов“ не само што ја оживува една класика, туку и ја потврдува улогата на театарот како чувар на националната културна меморија.
,,Народниот театар „Антон Панов“ – Струмица започна со пробите за новата постановка на „Бегалка“ од Васил Иљоски, во режија на Дамјан Димовски.
Ова дело е длабоко врежано во нашата театарска историја:
📌 1 мај 1949 година – театарот е отворен со премиерата на „Бегалка“ во режија на Димитар Колчаков.
📌 18 јануари 1970 година – второ поставување во режија на Александар Думов.
📌 2025 година – трето поставување на ова значајно македонско драмско дело.
👥 Улоги:
Стојан Велков – Трн
Анкица Бенинова
Танкица Стојанова
Јасмина Вучкова
Васка Ангелова
Михаил Велков
Игор Тодоров
🎨 Сценски дизајн: Благој Мицевски
🎼 Музика: Александар Димовски
Со оваа нова постановка, му оддаваме почит на минатото и го продолжуваме живото наследство на македонската драмска традиција.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!










