Connect with us

Македонија

Модернизација на комуналните услуги: Општините Куманово, Прилеп, Охрид, Тетово, Неготино, Кичево, Дебар, Велес и Град Скопје добиваат 49 нови специјализирани возила со поддршка од Светска банка

Media Press

Објавено на

Возила и специјализирана опрема за подобрување на комуналната хигиена пристигнуваат во Град Скопје и уште девет други општини ширум земјава. Новата опрема денеска беше официјално промовирана од страна на премиерот Христијан Мицкоски, вицепремиерот и министер за транспорт Александар Николоски, како и претседателот на ЗЕЛС, Орце Ѓеоргиевски.

Станува збор за набавка реализирана во соработка со Светската банка, преку која се обезбедени вкупно 49 возила наменети за одржување на јавната чистота. Во овој пакет се вклучени:

  • 19 мултифункционални камиони од различен тип
  • 9 специјализирани камиони-цистерни
  • 21 мултифункционално возило за чистење улици

Покрај главниот град, од оваа поддршка директно ќе имаат корист и граѓаните на Куманово, Прилеп, Охрид, Тетово, Неготино, Кичево, Дебар и Велес.

Вицепремиерот Александар Николоски истакна дека целиот процес е спроведен со максимална финансиска дисциплина и транспарентност. Набавката е финансирана од претходно заштедени средства од проектот за локални и регионални патишта. Првичната проценета вредност на опремата изнесувала 5,5 милиони евра, но преку тендерската постапка е договорена цена од 4,2 милиони евра — со што е остварена директна заштеда од околу 1,3 милиони евра.

Замислата за овој проект произлегла како директен одговор на предизвиците со хигиената во главниот град и потребата за поддршка на локалните самоуправи. Од Владата изразија надеж дека преку идни слични проекти, и останатите општини во Македонија ќе добијат соодветна опрема за поквалитетни комунални услуги.

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе