Македонија
JАВНОЗДРАВСТВЕНИ ПРЕПОРАКИ ЗА БРЕМЕНИТЕ ЖЕНИ ПРИ ТОПЛО ВРЕМЕ
Објавено на
Од
Media Press
Бремените жени претставуваат една од ранливите групи на населението кај кои високите амбиентни температури можат да го зголемат ризикот од дехидратација, топлотна исцрпеност и нарушување на терморегулацијата. Поради физиолошките промени во бременоста, организмот има намалена способност за ослободување од вишокот топлина, а потребите за течности се зголемени.
Изложеноста на високи температури, особено ако е придружена со физички напор и недоволен внес на течности, може да го зголеми ризикот од здравствени компликации кај мајката и плодот.
Препораки за бремените жени
За бремените жени важат сите јавноздравствени препораки на Институтот за јавно здравје за заштита од топло време и топлотни бранови, а дополнително се препорачува:
· да избегнуваат директно изложување на сонце и престој на отворено во периодот од 11:00 до 17:00 часот;
· да внесуваат доволно течности во текот на целиот ден, без да чекаат да почувствуваат жед;
· доколку е неопходен престој на отворено, да престојуваат во сенка, да прават почести паузи, да носат лесна, светла и комотна облека, заштитни очила и капа со висок свод и со широк обод, секогаш да имаат вода за пиење, а при подолг престој надвор и мобилен телефон за навремено барање медицинска помош доколку се појават симптоми на топлотен стрес;
· да престојуваат во климатизирани или добро проветрени простории кога тоа е можно;
· да избегнуваат продолжен физички напор и активности кои можат да доведат до прегревање на организмот;
· да консумираат лесни и почести оброци и да избегнуваат тешка и висококалорична храна;
· редовно да ја земаат препишаната терапија и да не ја менуваат или прекинуваат без претходна консултација со избраниот гинеколог или лекар.
Препораки за заштита на бремените жени на работното место
Бремените жени кои работат, особено на отворено или во простории со високи температури, бараат дополнителна заштита од топлотен стрес.
Во услови на високи амбиентни температури се препорачува работодавачите да обезбедат:
· организација на работното време со намалување на изложеноста во најтоплиот дел од денот, кога тоа е можно;
· прилагодување на работните задачи со избегнување на тежок физички напор и продолжена изложеност на директно сонце;
· почести паузи во разладени или засенчени простории;
· постојан пристап до безбедна вода за пиење и можност за редовна хидратација;
· соодветна природна или механичка вентилација и разладување на работните простории;
· можност за привремено прилагодување или прераспределување на работните задачи кај бремените работнички, кога проценката на ризикот укажува на зголемена изложеност на високи температури;
· избегнување на работа на директно сонце и работа во најтоплиот дел од денот, кога природата на работата тоа го дозволува;
· информирање на вработените за препознавање на раните знаци на топлотен стрес и навремено постапување при појава на симптоми.
Кога е потребно да се побара медицинска помош?
Бремените жени треба веднаш да се јават кај својот матичен гинеколог или да побараат итна медицинска помош доколку се појават:
· изразена вртоглавица, изнемоштеност или губење на свеста;
· силна и перзистентна главоболка;
· покачена телесна температура или топла и сува кожа;
· отежнато дишење, забрзана срцева работа или конфузија;
· болки во стомакот или појава на контракции;
· значително намалени или отсутни движења на плодот.
Институтот за јавно здравје апелира бремените жени, членовите на нивните семејства, здравствените работници и работодавачите доследно да ги почитуваат препораките за заштита од топлотен стрес. Навремената примена на овие мерки придонесува за зачувување на здравјето на мајката и плодот и за намалување на ризикот од здравствени компликации за време на топлотните бранови.
Поврзани содржини

Поради топлотниот бран кој ја зафати земјава усвоени препораки за работодавачите, кои ќе важат во периодот од 23 до 26 јули 2025 година

Препораки поради топлотниот бран во времетраење од два дена

Министерството за здравство со препораки до граѓаните за заштита од високите температури

Бремените жени и лицата на возраст над 60 години да се солободат од работа, препорачува Министерството за здравство

Регистрирани 517 прекршоци за неносење маска

ЈП „Плаваја“ со препораки за управување со отпад за лица во карантин или изолација

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.
ЕУРОДИЗЕЛ ќе се продава по цена од 92 денари за литар.
Eкстра лесното масло за домаќинство поевтинува за три денари и ќе чини 100,50 денари,
Цената на мазутот М-1 НС се намалува за 0,998 денари по килограм и изнесува 48,314 денари.
Македонија
ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!
Published
3 дена agoна
ноември 13, 2026By
Media Press
На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.
Македонија
Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот
Published
3 дена agoна
ноември 13, 2026By
Media Press
Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.
Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.
📅 Дата: 26.12.2026 година
📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.
Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

